Samsung Cheapest Foldable Mobiles: బడ్జెట్ ఫోల్డబుల్ ఫోన్లు తీసుకురానున్న శాంసంగ్ - ప్రస్తుతం ఉన్న వాటికంటే సగం ధరకే!
శాంసంగ్ బడ్జెట్ ఫోల్డబుల్ స్మార్ట్ ఫోన్లు రూపొందిస్తున్నట్లు వార్తలు వస్తున్నాయి.
ప్రస్తుతం మనదేశంలో ఫోల్డబుల్ మార్కెట్లో రెండు కంపెనీలే లీడింగ్లో ఉన్నాయి. అవే శాంసంగ్, మోటొరోలా. అయితే వీటిలో శాంసంగే ముందంజలో ఉంది. ఫోల్డ్, ఫ్లిప్ రెండు విభాగాల్లోనూ స్మార్ట్ ఫోన్లను లాంచ్ చేస్తూ ఈ మార్కెట్లో దూసుకుపోతుంది.
ఇప్పుడు వినిపిస్తున్న కథనాల ప్రకారం శాంసంగ్ బడ్జెట్ ఫోల్డబుల్ ఫోన్లు లాంచ్ చేయనున్నట్లు తెలుస్తోంది. శాంసంగ్ ఏ ఫోల్డ్ అనే సిరీస్ పేరుతో ఈ ఫోన్లు లాంచ్ కానున్నట్లు సమాచారం. గెలాక్సీ ఏ సిరీస్లో శాంసంగ్ ఇప్పటికే పలు స్మార్ట్ ఫోన్లు లాంచ్ చేస్తుంది. ఇవన్నీ మిడ్ రేంజ్లో ప్రీమియం డిజైన్తో లాంచ్ అయినవే.
ఇదే ఫార్ములా ఫోల్డబుల్ ఫోన్లకు కూడా పనిచేస్తుంది. ఫోల్డబుల్ ఫోన్లను ఎక్కువ మందికి చేరువ చేయడం కోసం శాంసంగ్ గెలాక్సీ ఏ ఫోల్డ్ స్మార్ట్ ఫోన్ సిరీస్లో బడ్జెట్ ఫోల్డబుల్ ఫోన్లను కంపెనీ రూపొందించనున్నట్లు వార్తలు వస్తున్నాయి.
శాంసంగ్ గెలాక్సీ ఎస్-సిరీస్ కంటే ఏ-సిరీస్ ఫోన్లే ఎక్కువ అమ్ముడుపోతున్నాయి. అందుకే శాంసంగ్ బడ్జెట్ ఫోల్డబుల్ ఫోన్లకు ఏ-సిరీస్ పేర్లే పెడుతుందేమో మరి. శాంసంగ్ బడ్జెట్ ఫోల్డబుల్ స్మార్ట్ ఫోన్ ధర ఒక మిలియన్ వాన్లుగా (మనదేశ కరెన్సీలో సుమారు రూ.61,000) ఉండే అవకాశం ఉంది. పేపర్ మీద ఈ ధర ఎక్కువగా కనిపిస్తున్నా... గెలాక్సీ ఫోల్డ్ సిరీస్తో పోలిస్తే ఇది దాదాపు సగం ధర.
ధర మాత్రమే కాకుండా దీనికి సంబంధించిన కీలక వివరాలు కూడా ఆన్లైన్లో లీకయ్యాయి. ఈ ఏ-ఫోల్డ్ సిరీస్లో శాంసంగ్ గెలాక్సీ జెడ్ ఫోల్డ్ 3 తరహాలో అల్ట్రా థిన్ గ్లాస్ లేయర్ ఉండనుంది. ఫోల్డబుల్ టెక్నాలజీకి మరో చవకైన ఆల్టర్నేటివ్ను శాంసంగ్ తీసుకురానుంది. ఈ ఫోన్లు 2024లో లాంచ్ కానున్నాయని సమాచారం.
Also Read: వన్ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్మీ - ఎలా ఉందో చూశారా!
View this post on Instagram
టాప్ హెడ్ లైన్స్
ట్రెండింగ్ వార్తలు
