Samsung Galaxy F13: అదిరిపోయే ఫీచర్స్‌తో లో బడ్జెట్‌లో శాంసంగ్ ఎఫ్-సిరీస్ ఫోన్ లాంచ్
శాంసంగ్ గెలాక్సీ ఎఫ్13 డిజైన్ చూస్తే వెనకవైపు మూడు కెమెరాలు దీర్ఘచతురస్రాకారంలో చూడవచ్చు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు.
శాంసంగ్ ఎఫ్-సిరీస్ ఫోన్ ఇండియాలో లాంచ్ అయింది. కొత్త శాంసంగ్ ఫోన్ వెనుకవైపు మూడు కెమెరాలు ఉన్నాయి. 15W ఫాస్ట్ ఛార్జింగ్ సపోర్ట్‌తో ఉన్న ఎన్నో ఫీచర్స్‌ ఆకట్టుకోనున్నాయి. స్మార్ట్‌ఫోన్ 128జీబీ వరకు ఆన్‌బోర్డ్ స్టోరేజ్‌తో కూడా వస్తుంది. ఇది ఆక్టాకోర్ ఎక్సినోస్ 850 ఎస్‌వోసీపై ఈ ఫోన్ చేయనుంది. మొత్తంమీద శాంసంగ్ ఎఫ్13 అనేది మేలో ఆవిష్కరించిన గేలాక్సీ ఎం13ని పోలి ఉంటుంది. ఇందులో బ్యాటరీ సామర్థ్యంలో మాత్రమే వ్యత్యాసం ఉంది. గేలాక్సీ ఎఫ్13 6,000ఎంఏహెచ్‌ బ్యాటరీని కలిగి ఉంది. గేలాక్సీ ఎం13 5000ఎమ్‌ఏహెచ్‌ వన్‌తో వచ్చింది. కొత్త గేలాక్సీ ఎం-సిరీస్ ఫోన్ రెడ్‌మీ 10 ప్రైమ్‌, రియల్‌మీ నార్జో 50ఏ ప్రైమ్‌, పోకోఎం3 ప్రో 5G వంటి వాటితో పోటీపడుతుంది.
శాంసంగ్ గేలాక్సీ ఎఫ్ 13 ధర, లాంచ్ ఆఫర్లు
శాంసంగ్ గేలాక్సీ ఎఫ్ 13 4GB RAM + 64GB స్టోరేజ్ వేరియంట్ రూ. 11,999 ఉంది. 4GB RAM + 128GB మోడల్‌ ధర రూ. 12,999. ఇది నైట్‌స్కీ గ్రీన్, సన్‌రైజ్ కాపర్, వాటర్‌ఫాల్ బ్లూ రంగుల్లో లభిస్తుంది. జూన్ 29 నుంచి ఫ్లిప్‌కార్ట్, Samsung.com
ఎంపిక చేసిన రిటైల్ స్టోర్‌లలో విక్రయిస్తారు.
శాంసంగ్ గేలాక్సీ ఎఫ్ 13పై లాంచ్ ఆఫర్‌లో భాగంగా ఫ్లిప్‌కార్ట్‌లో HDFC బ్యాంక్ కార్డ్‌ని ఉపయోగించే కస్టమర్‌లకు రూ. 1,000 తక్షణ బ్యాంక్ తగ్గింపు పొందవచ్చు. గూగుల్‌ నెస్ట్‌ మిని, నెస్ట్‌ హబ్‌లో కూడా తగ్గింపు ధరలకు ఫోన్ లభిస్తుంది.
శాంసంగ్ గేలాక్సీ ఎఫ్ 13(Samsung Galaxy F13) స్పెసిఫికేషన్స్
శాంసంగ్ గేలాక్సీ ఎఫ్ 13 Android 12 ద్వారా నడుస్తుంది. డ్యూయల్-సిమ్ (నానో) కలిగి ఉంది. 6.6-అంగుళాల పూర్తి-HD+ (1,080x2,408 పిక్సెల్‌లు) డిస్‌ప్లేను కలిగి ఉంది. ఫోన్ 4GB RAMతోపాటు ఎక్సినోస్ 850 ఎస్‌వోసీతో పని చేస్తుంది. ఇన్‌బిల్ట్ స్టోరేజ్‌ని ఉపయోగించడం ద్వారా మెమరీని వర్చువల్‌గా విస్తరించుకోవడానికి ర్యామ్ ప్లస్ ఫీచర్ కూడా ఉంది. శాంసంగ్ గేలాక్సీ ఎఫ్ 13 ట్రిపుల్ వెనుక కెమెరా సెటప్‌ కలిగి ఉంది. ఇది 50-మెగాపిక్సెల్ ప్రైమరీ సెన్సార్‌తోపాటు 5-మెగాపిక్సెల్ అల్ట్రా-వైడ్ షూటర్, 2-మెగాపిక్సెల్ డెప్త్ సెన్సార్‌ను కలిగి ఉంది.
సెల్ఫీలు, వీడియో చాట్‌ల కోసం, శాంసంగ్ గేలాక్సీ ఎఫ్ 13 ముందు భాగంలో 8-మెగాపిక్సెల్ కెమెరా సెన్సార్‌తో వస్తుంది. ఇది 128GB వరకు స్టోర్ చేసుకోవచ్చు. ఇది మైక్రో SD కార్డ్ ద్వారా (1TB వరకు) విస్తరించుకోవచ్చు.
శాంసంగ్ గెలాక్సీ ఎఫ్13 డిజైన్ ప్రకారం చూస్తే ఈ ఫోన్ వెనకవైపు మూడు కెమెరాలు ఉండనున్నాయి. దీర్ఘచతురస్రాకారంలో ఈ కెమెరా మాడ్యూల్‌ను చూడవచ్చు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. చార్జింగ్ కోసం యూఎస్‌బీ టైప్-సీ పోర్టును అందించారు. 3.5 ఎంఎం హెడ్ ఫోన్ జాక్, ఎన్ఎఫ్‌సీ సపోర్ట్ కూడా ఇందులో ఉండనుంది.
గీక్ బెంచ్ లిస్టింగ్ ప్రకారం... ఆక్టాకోర్ ఎక్సినోస్ 850 ప్రాసెసర్‌పై ఈ ఫోన్ పనిచేయనుంది. 4 జీబీ ర్యామ్ ఇందులో అందించనున్నారు. ఆండ్రాయిడ్ 12 ఆపరేటింగ్ సిస్టంపై ఈ ఫోన్ పనిచేయనుంది. గీక్ బెంచ్ సింగిల్ కోర్ టెస్టులో 157 పాయింట్లను, మల్టీకోర్ టెస్టులో 587 పాయంట్లను ఈ ఫోన్ సాధించింది.
టాప్ హెడ్ లైన్స్
ట్రెండింగ్ వార్తలు
