Samsung A04e: రూ.10 వేలలోపు ధరతోనే శాంసంగ్ కొత్త ఫోన్ - 5000 ఎంఏహెచ్ భారీ బ్యాటరీ కూడా!
ప్రముఖ స్మార్ట్ ఫోన్ బ్రాండ్ శాంసంగ్ తన కొత్త బడ్జెట్ ఫోన్ లాంచ్ చేసింది. అదే శాంసంగ్ గెలాక్సీ ఏ04ఈ.
శాంసంగ్ గెలాక్సీ ఏ04ఈ స్మార్ట్ ఫోన్ లాంచ్ అయింది. కంపెనీ ఏ-సిరీస్లో లాంచ్ చేసిన లేటెస్ట్ బడ్జెట్ ఫోన్ ఇదే. ఇందులో 5000 ఎంఏహెచ్ బ్యాటరీని అందించారు. ఆక్టాకోర్ మీడియాటెక్ హీలియో జీ35 ప్రాసెసర్పై ఈ ఫోన్ పని చేయనుంది.
శాంసంగ్ గెలాక్సీ ఏ04ఈ ధర
ఈ స్మార్ట్ ఫోన్ ధరను కంపెనీ ఇంకా ప్రకటించలేదు. బ్లూ, కాపర్, లైట్ బ్లూ రంగుల్లో ఈ ఫోన్ కొనుగోలు చేయవచ్చు. దీనికి సంబంధించిన సేల్ ఎప్పుడు ప్రారంభం అవుతుందో కూడా తెలియరాలేదు. ప్రస్తుతం ఇది గ్లోబల్ లాంచ్ మాత్రమే అయింది. త్వరలో మనదేశంలో కూడా ఈ ఫోన్ లాంచ్ అయ్యే అవకాశం ఉంది. దీని ఫీచర్లు చూస్తే ధర రూ.10 వేలలోపే ఉండే అవకాశం ఉంది.
శాంసంగ్ గెలాక్సీ ఏ04ఈ స్పెసిఫికేషన్లు
ఇందులో 6.5 అంగుళాల హెచ్డీ+ ఐపీఎస్ ఎల్సీడీ డిస్ప్లేను అందించారు. దీని స్క్రీన్ రిఫ్రెష్ రేట్ 60 హెర్ట్జ్గా ఉంది. ఆక్టాకోర్ మీడియాటెక్ హీలియో జీ35 ప్రాసెసర్పై ఈ ఫోన్ పని చేయనుంది. 4 జీబీ వరకు ర్యామ్, 128 జీబీ వరకు స్టోరేజ్ను శాంసంగ్ గెలాక్సీ ఏ04ఈలో అందించారు. స్టోరేజ్ను మైక్రో ఎస్డీ కార్డు ద్వారా పెంచుకునే అవకాశం ఉంది.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్ కూడా అందించారు. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా అందుబాటులో ఉంది.
దీని బ్యాటరీ సామర్థ్యం 5000 ఎంఏహెచ్గా ఉంది. 10W ఫాస్ట్ చార్జింగ్ను ఈ ఫోన్ సపోర్ట్ చేయనుంది. ఫింగర్ ప్రింట్ సెన్సార్ ఇందులో లేదు కానీ ఫేస్ అన్లాక్ సపోర్ట్ మాత్రం ఉంది. డ్యూయల్ సిమ్ సపోర్ట్, 4జీ వోల్టే, వైఫై, బ్లూటూత్ వీ5.0, జీపీఎస్, యూఎస్బీ టైప్-సీ పోర్టు వంటి కనెక్టివిటీ ఫీచర్లు అందించారు. ఆండ్రాయిడ్ 12 ఆధారిత వన్యూఐ కోర్ 4.1 ఆపరేటింగ్ సిస్టంపై శాంసంగ్ గెలాక్సీ ఏ04ఈ పని చేయనుంది.
Also Read: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
