Redmi Note 10T Offer: రూ.10 వేలలోపే 5జీ ఫోన్ - అమెజాన్‌లో రెడ్‌మీ ఫోన్‌పై సూపర్ ఆఫర్!

అమెజాన్‌లో రెడ్‌మీ నోట్ 10టీ 5జీ స్మార్ట్ ఫోన్‌పై భారీ ఆఫర్ అందుబాటులో ఉంది. దీని ధర రూ.10 వేలలోపుకే వచ్చింది.

రెడ్‌మీ నోట్ 10టీ 5జీ స్మార్ట్ ఫోన్‌ను రూ.10 వేలలోపే కొనుగోలు చేయవచ్చు.

అమెజాన్ సమ్మర్ సేల్‌లో రెడ్‌మీ నోట్ 10టీ 5జీ స్మార్ట్ ఫోన్‌పై భారీ ఆఫర్ అందించారు. ఈ ఆఫర్ ద్వారా ఈ ఫోన్‌ను రూ.10 వేలలోపే కొనుగోలు చేయవచ్చు. ఆక్టాకోర్ మీడియాటెడ్ డైమెన్సిటీ 700 ప్రాసెసర్‌ను ఇందులో అందించారు. రెడ్‌మీ నోట్ 10టీ 5జీలో వెనకవైపు మూడు కెమెరాలు ఉన్నాయి.

రెడ్‌మీ నోట్ 10టీ 5జీ ధర
ఇందులో 4 జీబీ ర్యామ్ + 64 జీబీ స్టోరేజ్ వేరియంట్ ధర ప్రస్తుతం రూ.12,999గా ఉంది. దీనిపై రూ.1,750 కూపన్ అందించారు. అంతేకాకుండా ఐసీఐసీఐ బ్యాంకు క్రెడిట్ కార్డుల ద్వారా కొనుగోలు చేస్తే రూ.1,250 అదనపు తగ్గింపు లభించనుంది. అంటే మొత్తంగా రూ.3,000 తగ్గింపు లభించనుందన్న మాట. దీంతో ఈ ఫోన్ ధర రూ.9,999కు తగ్గిపోయింది. మనదేశంలో రూ.10

రెడ్‌మీ నోట్ 10టీ 5జీ స్పెసిఫికేషన్లు
ఆండ్రాయిడ్ 11 ఆధారిత ఎంఐయూఐ 12 ఆపరేటింగ్ సిస్టంపై రెడ్‌మీ నోట్ 10టీ 5జీ పనిచేయనుంది. ఇందులో 6.5 అంగుళాల ఫుల్ హెచ్‌డీ+ హోల్ పంచ్ డిస్‌ప్లేను అందించారు. ఈ ఫోన్ స్క్రీన్ రిఫ్రెష్ రేట్ 90 హెర్ట్జ్‌గా ఉంది. కార్నింగ్ గొరిల్లా గ్లాస్ 3 ప్రొటెక్షన్ కూడా ఈ స్మార్ట్ ఫోన్‌లో అందించారు. ఆక్టాకోర్ మీడియాటెక్ డైమెన్సిటీ 700 ప్రాసెసర్‌పై రెడ్‌మీ నోట్ 10టీ 5జీ పనిచేయనుంది. 6 జీబీ వరకు ర్యామ్, 128 జీబీ వరకు స్టోరేజ్ ఇందులో అందుబాటులో ఉంది. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది.

ఇక కెమెరాల విషయానికి వస్తే.. ఈ స్మార్ట్ ఫోన్‌లో వెనకవైపు మూడు కెమెరాలను అందించారు. ఈ మూడిట్లో ప్రధాన కెమెరా సామర్థ్యం 48 మెగాపిక్సెల్ కాగా, 2 మెగాపిక్సెల్ డెప్త్ సెన్సార్, 2 మెగాపిక్సెల్ మాక్రో సెన్సార్ ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. ఫేస్ అన్‌లాక్ ఫీచర్ కూడా ఈ ఫోన్‌లో అందుబాటులో ఉంది.

ఈ స్మార్ట్ ఫోన్ బ్యాటరీ సామర్థ్యం 5000 ఎంఏహెచ్‌గా ఉంది. 18W ఫాస్ట్ చార్జింగ్‌ను ఇది సపోర్ట్ చేయనుంది. ఐఆర్ బ్లాస్టర్, ఎన్ఎఫ్‌సీ, 4జీ ఎల్టీఈ, డ్యూయల్ బ్యాండ్ వైఫై, బ్లూటూత్ వీ5.0, జీపీఎస్, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లు కూడా ఇందులో ఉన్నాయి. ఈ స్మార్ట్ ఫోన్ మందం 0.92 సెంటీమీటర్లుగానూ, బరువు 190 గ్రాములుగానూ ఉంది.