Redmi 11 5G Launch: రెడ్‌మీ చవకైన 5జీ ఫోన్ వచ్చేస్తుంది - జూన్‌లోనే లాంచ్ - ధర లీక్!

ప్రముఖ స్మార్ట్ ఫోన్ బ్రాండ్ రెడ్‌మీ మనదేశంలో కొత్త చవకైన ఫోన్ లాంచ్ చేయనుంది.

రెడ్‌మీ 11 5జీ త్వరలో మనదేశంలో లాంచ్ కానుంది.

రెడ్‌మీ 11 5జీ స్మార్ట్ ఫోన్ మనదేశంలోల జూన్‌లో లాంచ్ అయ్యే అవకాశం ఉందని తెలుస్తోంది. రెడ్‌మీ 10కు తర్వాతి వెర్షన్‌గా ఈ ఫోన్ లాంచ్ కానుంది. రెడ్‌మీ నంబర్ సిరీస్‌లో 5జీ ఉన్న మొదటి ఫోన్ ఇదే కానుంది. మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పనిచేయనుంది. దీని బ్యాటరీ సామర్థ్యం 5000 ఎంఏహెచ్‌గా ఉంది. 18W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది.

రెడ్‌మీ 11 5జీ ధర (అంచనా)
ఈ ఫోన్ ధర మనదేశంలో రూ.13,999 నుంచి ప్రారంభం కానుందని తెలుస్తోంది. ఇది 4 జీబీ ర్యామ్ + 64 జీబీ స్టోరేజ్ వేరియంట్ ధర. జూన్ నెలాఖరులో ఈ ఫోన్ లాంచ్ అయ్యే అవకాశం ఉంది. అయితే రెడ్‌మీ ఈ స్మార్ట్ ఫోన్ వివరాలను అధికారికంగా వెల్లడించలేదు.

రెడ్‌మీ 11 5జీ స్పెసిఫికేషన్లు (అంచనా)
ఈ ఫోన్ ఏ ఆపరేటింగ్ సిస్టంపై పనిచేస్తుందో తెలియరాలేదు. ఆండ్రాయిడ్ 12 ఆపరేటింగ్ సిస్టంను అందించే అవకాశం ఉంది. మీడియాటెక్ డైమెన్సిటీ 700 ప్రాసెసర్ ఇందులో ఉండనుంది. 4 జీబీ ర్యామ్, 64 జీబీ స్టోరేజ్ అందించనున్నారు. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది. 6.58 అంగుళాల ఫుల్ హెచ్‌డీ+ ఎల్సీడీ డిస్‌ప్లే ఉండనుంది.

కెమెరాల విషయానికి వస్తే... ఇందులో వెనకవైపు రెండు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 2 మెగాపిక్సెల్ సెకండరీ సెన్సార్ కూడా ఉండనుంది. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా అందించనున్నారు. ఫోన్ పక్కభాగంలో ఫింగర్ ప్రింట్ సెన్సార్ ఉండనుంది. 500 ఎంఏహెచ్ బ్యాటరీ ఉండనుంది. 18W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by techhome (@techhomenews)