Realme GT 7 Pro: ఐఫోన్ రేట్తో లాంచ్ అయిన రియల్మీ జీటీ 7 ప్రో - అంత రేటు వర్తేనా?
Realme New Phone: రియల్మీ జీటీ 7 ప్రో స్మార్ట్ ఫోన్ మనదేశంలో లాంచ్ అయింది. దీని ధర రూ.59,999 నుంచి ప్రారంభం కానుంది. అమెజాన్లో ఈ ఫోన్ నవంబర్ 29వ తేదీ నుంచి సేల్కు రానుంది.
Realme GT 7 Pro Launched: రియల్మీ జీటీ 7 ప్రో స్మార్ట్ ఫోన్ మనదేశంలో అధికారికంగా లాంచ్ అయింది. ఈ ఫోన్ నవంబర్ ప్రారంభంలో చైనాలో అందుబాటులోకి వచ్చింది. రియల్మీ జీటీ 7 ప్రోలో క్వాల్కాం స్నాప్డ్రాగన్ 8 ఎలైట్ ప్రాసెసర్ను కంపెనీ అందించింది. 16 జీబీ వరకు ర్యామ్, 512 జీబీ వరకు స్టోరేజ్ను ఈ ఫోన్లో ఉపయోగించుకోవచ్చు. డస్ట్, వాటర్ రెసిస్టెన్స్తో రియల్మీ జీటీ 7 ప్రో మార్కెట్లోకి వచ్చింది. 50 మెగాపిక్సెల్ సోనీ ఐఎంఎక్స్906 సెన్సార్ ఫోన్ వెనకవైపు అందించారు. దీంతోపాటు పెరిస్కోప్ టెలిఫొటో షూటర్ కూడా ఉంది.
మనదేశంలో రియల్మీ జీటీ 7 ప్రో ధర (Realme GT 7 Pro Price)
రియల్మీ జీటీ 7 ప్రో మనదేశంలో రెండు వేరియంట్లలో అందుబాటులో ఉంది. 12 జీబీ ర్యామ్ + 256 జీబీ స్టోరేజ్ ప్రారంభ వేరియంట్ ధరను రూ.59,999గా నిర్ణయించారు. టాప్ ఎండ్ వేరియంట్ అయిన 16 జీబీ ర్యామ్ + 512 జీబీ స్టోరేజ్ మోడల్ ధర రూ.65,999గా ఉంది. మార్స్ ఆరెంజ్, గెలాక్సీ గ్రే కలర్ ఆప్షన్లలో దీన్ని కొనుగోలు చేయవచ్చు. నవంబర్ 29వ తేదీ నుంచి అమెజాన్, రియల్మీ అధికారిక వెబ్ సైట్లో ఈ ఫోన్ కొనుగోలు చేయవచ్చు.
Also Read: రూ.15 వేలలోపు బెస్ట్ 5జీ స్మార్ట్ ఫోన్లు ఇవే - లిస్ట్లో 108 మెగాపిక్సెల్ ఫోన్లు కూడా!
రియల్మీ జీటీ 7 ప్రో స్పెసిఫికేషన్లు (Realme GT 7 Pro Features)
ఇందులో 6.78 అంగుళాల శాంసంగ్ 2కే ఎకో2 స్కై స్క్రీన్ డిస్ప్లేను రియల్మీ అందించింది. రియల్మీ జీటీ 7 ప్రోలో 2600 హెర్ట్జ్ ఇన్స్టంట్ టచ్ శాంప్లింగ్ రేట్, 120 హెర్ట్జ్ వరకు రిఫ్రెష్ రేట్, 6000 నిట్స్ పీక్ బ్రైట్నెస్ వంటి డిస్ప్లే ఫీచర్లు కూడా ఉన్నాయి. క్వాల్కాం ఇటీవలే మార్కెట్లో లాంచ్ చేసిన స్నాప్డ్రాగన్ 8 ఎలైట్ ప్రాసెసర్పై రియల్మీ జీటీ 7 ప్రో రన్ కానుంది. ఈ స్మార్ట్ ఫోన్లో 16 జీబీ వరకు ఎల్పీడీడీఆర్5ఎక్స్ ర్యామ్, 512 జీబీ వరకు యూఎఫ్ఎస్ 4.0 స్టోరేజ్ అందుబాటులో ఉంది. ఆండ్రాయిడ్ 15 ఆధారిత రియల్మీ యూఐ 6.0 ఆపరేటింగ్ సిస్టంపై ఈ స్మార్ట్ ఫోన్ పని చేయనుంది.
రియల్మీ జీటీ 7 ప్రో వెనకవైపు మూడు కెమెరాలను కంపెనీ అందించింది. 50 మెగాపిక్సెల్ సోనీ ఐఎంఎక్స్906 సెన్సార్ని వీటిలో ప్రధాన కెమెరాగా అందించారు. 8 మెగాపిక్సెల్ అల్ట్రా వైడ్ యాంగిల్ షూటర్, 50 మెగాపిక్సెల్ సోనీ ఐఎంఎక్స్882 సెన్సార్ కూడా ప్రధాన కెమెరాతో పాటు అందుబాటులో ఉన్నాయి. 3x ఆప్టికల్, 120x డిజిటల్ జూమ్ను కూడా సపోర్ట్ చేయనుంది. ముందు వైపు మాత్రం సెల్ఫీలు, వీడియో కాల్స్ కోసం 16 మెగాపిక్సెల్ సెన్సార్ అందించారు. లైవ్ ఫొటోలు, ఏఐ బ్యాక్డ్ ఎడిటింగ్, అండర్వాటర్ ఫొటోగ్రఫీ ఫీచర్లను కూడా ఈ స్మార్ట్ ఫోన్ సపోర్ట్ చేయనుంది.
రియల్మీ జీటీ 7 ప్రో బ్యాటరీ సామర్థ్యం 6500 ఎంఏహెచ్ కాగా, 120W వైర్డ్ ఫాస్ట్ ఛార్జింగ్ను కూడా సపోర్ట్ చేయనుంది. డస్ట్, వాటర్ రెసిస్టెన్స్ కోసం ఐపీ68, ఐపీ69 రేటింగ్స్ సపోర్ట్ కూడా ఈ స్మార్ట్ ఫోన్లో ఉంది. ఇన్డిస్ప్లే అల్ట్రా సోనిక్ ఫింగర్ ప్రింట్ సెన్సార్ ద్వారా ఈ స్మార్ట్ ఫోన్ను అన్లాక్ చేయవచ్చు. 5జీ, డ్యూయల్ 4జీ వోల్టే, వైఫై 7, క్యూజెడ్ఎస్ఎస్, ఎన్ఎఫ్సీ, యూఎస్బీ టైప్-సీ పోర్టు, బ్లూటూత్ వీ5.4, జీపీఎస్, గెలీలియో, బైదు వంటి కనెక్టివిటీ ఫీచర్లు కూడా అందించారు.
Also Read: ఫోన్లో ఈ పాస్వర్డ్ పొరపాటున కూడా పెట్టుకోకండి - హ్యాక్ చేయడానికి సెకన్లు చాలు!
టాప్ హెడ్ లైన్స్
ట్రెండింగ్ వార్తలు
