Realme C30s: మరో ఐదు రోజుల్లో రియల్‌మీ కొత్త బడ్జెట్ ఫోన్ - ధర ఎంత ఉండనుందో తెలుసా?
ప్రముఖ స్మార్ట్ ఫోన్ బ్రాండ్ రియల్‌మీ కొత్త బడ్జెట్ ఫోన్ మనదేశంలో త్వరలో లాంచ్ కానుంది. అదే రియల్‌మీ సీ30ఎస్.
రియల్‌మీ సీ-సిరీస్‌లో కొత్త ఫోన్ త్వరలో లాంచ్ కానుంది. అదే రియల్‌మీ సీ30ఎస్. దీని డిజైన్, స్పెసిఫికేషన్లను కంపెనీ టీజ్ చేసింది. రియల్‌మీ సీ30 తరహాలోనే దీని లుక్, డిజైన్ ఉన్నాయి. ఇందులో 6.5 అంగుళాల డిస్‌ప్లేను అందించారు. ఈ ఫోన్ ధర రూ.15 వేలలోపే ఉండనుంది.
రియల్‌మీ సీ30ఎస్ స్మార్ట్ ఫోన్ మనదేశంలో సెప్టెంబర్ 14వ తేదీన మధ్యాహ్నం 12 గంటలకు లాంచ్ కానుంది. దీనికి కావాల్సిన ప్రత్యేకమైన ల్యాండింగ్ పేజీని కూడా కంపెనీ అధికారిక వెబ్ సైట్లో చూడవచ్చు. ఈ పేజీ ప్రకారం ఈ ఫోన్‌లో 6.5 అంగుళాల డిస్‌ప్లేను అందించనున్నారు. దీని స్క్రీన్ టు బాడీ రేషియో 88.7 శాతంగా ఉంది.
పేరు తెలపని ఆక్టాకోర్ ప్రాసెసర్‌ను ఈ ఫోన్‌లో అందించారు. ఇందులో 5000 ఎంఏహెచ్ బ్యాటరీ ఉండనుంది. బయోమెట్రిక్ యాక్సెస్ కోసం ఫింగర్ ప్రింట్ సెన్సార్ కూడా ఉంది. కేవలం ఒక్క సెకనులోనే ఈ ఫోన్ అన్‌లాక్ అవుతుందని రియల్‌మీ అంటోంది.
3.5 ఎంఎం హెడ్‌ఫోన్ జాక్, మైక్రోఫోన్, యూఎస్‌బీ టైప్-సీ పోర్టు, స్పీకర్ గ్రిల్ ఇందులో ఉన్నాయి. దీని లుక్ చూడటానికి రియల్‌మీ సీ30 తరహాలోనే ఉంది. బ్లాక్, బ్లూ కలర్ ఆప్షన్లలో ఈ ఫోన్ కొనుగోలు చేయవవచ్చు. దీని ధర వివరాలు తెలియాల్సి ఉంది.
రియల్‌మీ సీ30 బడ్జెట్ స్మార్ట్ ఫోన్ మనదేశంలో సోమవారం లాంచ్ అయింది. ఇందులో రెండు వేరియంట్లు అందుబాటులో ఉన్నాయి. వీటిలో 2 జీబీ ర్యామ్ వేరియంట్ ధర రూ.7,499 కాగా, 3 జీబీ ర్యామ్ వేరియంట్ ధర రూ.8,299గా నిర్ణయించారు. బాంబూ గ్రీన్, డెనిమ్ బ్లాక్, లేక్ బ్లూ కలర్ వేరియంట్లలో ఈ ఫోన్ కొనుగోలు చేయవచ్చు.
ఆండ్రాయిడ్ 11 (గో ఎడిషన్) ఆధారిత రియల్‌మీ యూఐ గో ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.5 అంగుళాల హెచ్‌డీ+ ఎల్సీడీ డిస్‌ప్లే అందించారు. ఆక్టాకోర్ యూనిసోక్ టీ612 ప్రాసెసర్‌ను అందించారు. ఫోన్ వెనకవైపు 8 మెగాపిక్సెల్ కెమెరాను అందించారు. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ సెల్ఫీ కెమెరా ఉంది. 3 జీబీ వరకు ర్యామ్, 32 జీబీ వరకు స్టోరేజ్ ఇందులో ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకునే అవకాశం ఉంది. దీని బ్యాటరీ సామర్థ్యం 5000 ఎంఏహెచ్‌గా ఉంది.
Also Read: iPhone 14 Series: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
Also Read: Apple Watch Series 8: యాపిల్ బెస్ట్ వాచ్ వచ్చేసింది - మనదేశంలో ధర ఎంతో తెలుసా?
View this post on Instagram
టాప్ హెడ్ లైన్స్
ట్రెండింగ్ వార్తలు
and tablets
