Realme 10: రియల్‌మీ 10 లాంచ్ త్వరలో - బ్యాటరీ డిటైల్స్ లీక్!

ప్రముఖ స్మార్ట్ ఫోన్ బ్రాండ్ రియల్‌మీ త్వరలో తన ఫోన్ మార్కెట్లో లాంచ్ చేయనుందని తెలుస్తోంది. అదే రియల్‌మీ 10.

రియల్‌మీ 10 స్మార్ట్ ఫోన్ వివరాలు ఆన్‌లైన్‌లో లీకయ్యాయి.

రియల్‌మీ 10 స్మార్ట్ ఫోన్ ఆర్ఎంఎక్స్3630 మోడల్ నంబర్‌తో ఐఈసీఈఈ డేటాబేస్‌లో కనిపించింది. ఈ ఫోన్ సీబీ టెస్ట్ సర్టిఫికేషన్ సైట్‌లో కూడా కనిపించినట్లు వార్తలు వస్తున్నాయి. ఇందులో 4880 ఎంఏహెచ్ బ్యాటరీ ఉండనుంది. రియల్‌మీ 9 సిరీస్‌కు తర్వాతి వెర్షన్‌గా ఈ ఫోన్ లాంచ్ కానుంది. బ్యూరో ఆఫ్ ఇండియన్ స్టాండర్డ్స్ (బీఐఎస్) వెబ్ సైట్లో ఈ ఫోన్ కనిపించింది కాబట్టి మనదేశంలో కూడా లాంచ్ కానుంది. దీనికి ముందువెర్షన్ అయిన రియల్‌మీ 9 సిరీస్ మార్చిలో లాంచ్ అయ్యాయి.

రియల్‌మీ 9 5జీ ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.14,999గా ఉంది. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.17,499గా నిర్ణయించారు. మీటియోర్ బ్లాక్, స్టార్ గేజ్ వైట్ రంగుల్లో ఈ ఫోన్ కొనుగోలు చేయవచ్చు.

రియల్‌మీ 9 5జీ ఎస్ఈ ధర
ఇందులో కూడా రెండు వేరియంట్లే అందుబాటులో ఉన్నాయి. వీటిలో 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.19,999గా నిర్ణయించారు. 6 జీబీ ర్యామ్ + 128 జీబీ స్టోరేజ్ వేరియంట్ ధరను రూ.22,999గా నిర్ణయించారు. అజూర్ గ్లో, స్టారీ గ్లో రంగుల్లో ఈ ఫోన్ కొనుగోలు చేయవచ్చు.ఫ్లిప్‌కార్ట్, రియల్‌మీ.కాం, రిటైల్ స్టోర్లలోనే ఈ స్మార్ట్ ఫోన్ అందుబాటులో ఉండనుంది.

రియల్‌మీ 9 5జీ స్పెసిఫికేషన్లు
ఆండ్రాయిడ్ 11 ఆధారిత రియల్‌మీ యూఐ 2.0 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.5 అంగుళాల ఫుల్ హెచ్‌డీ+ డిస్‌ప్లేను అందించారు. దీని రిఫ్రెష్ రేట్ 90 హెర్ట్జ్‌గానూ... పీక్ బ్రైట్‌నెస్ 600 నిట్స్‌గానూ ఉంది. 6 జీబీ వరకు ర్యామ్, 128 జీబీ వరకు స్టోరేజ్ ఇందులో ఉంది. ర్యామ్ ఎక్స్‌ప్యాన్షన్ ఫీచర్ ద్వారా 11 జీబీ వరకు ర్యామ్ పెంచుకోవచ్చు. స్టోరేజ్‌ను 1 టీబీ వరకు పెంచుకోవడానికి మైక్రో ఎస్‌డీ కార్డును అందించారు.

దీని బ్యాటరీ సామర్థ్యం 5000 ఎంఏహెచ్‌గా ఉంది. 18W ఫాస్ట్ చార్జింగ్‌ను ఇది సపోర్ట్ చేయనుంది. మీడియాటెక్ డైమెన్సిటీ 810 ప్రాసెసర్‌పై ఈ ఫోన్ పనిచేయనుంది. దీని మందం 0.85 సెంటీమీటర్లు కాగా... బరువు 188 గ్రాములుగా ఉంది.

ఇక కెమెరాల విషయానికి వస్తే... వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 48 మెగాపిక్సెల్ కాగా... దీంతోపాటు మోనోక్రోమ్ పొర్‌ట్రెయిట్ సెన్సార్, మాక్రో కెమెరాలు కూడా అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా అందుబాటులో ఉంది.

5జీ, 4జీ ఎల్టీఈ, వైఫై, బ్లూటూత్ వీ5.1, జీపీఎస్/ఏ-జీపీఎస్ కనెక్టివిటీ ఫీచర్లు ఇందులో ఉన్నాయి. ప్రాక్సిమిటీ సెన్సార్, యాంబియంట్ లైట్ సెన్సార్, గైరోస్కోప్, యాక్సెలరోమీటర్ ఇందులో ఉన్నాయి. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు.

రియల్‌మీ 9 5జీ ఎస్ఈ స్పెసిఫికేషన్లు
ఆండ్రాయిడ్ 11 ఆధారిత రియల్‌మీ యూఐ 2.0 ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.6 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 144 హెర్ట్జ్‌గా ఉంది. క్వాల్‌కాం స్నాప్‌డ్రాగన్ 778జీ ప్రాసెసర్‌పై ఈ ఫోన్ పనిచేయనుంది. 8 జీబీ వరకు ర్యామ్, 128 జీబీ వరకు స్టోరేజ్ ఇందులో అందించారు. ఇందులో ర్యామ్‌ను 13 జీబీ వరకు పెంచుకోవచ్చు.

ఈ స్మార్ట్ ఫోన్‌లో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 48 మెగాపిక్సెల్ కాగా... ఇందులో కూడా మోనోక్రోమ్ పొర్‌ట్రెయిట్ సెన్సార్, మాక్రో లెన్స్ ఉన్నాయి. సెల్ఫీ కెమెరా సామర్థ్యం కూడా రియల్‌ మీ 9 5జీ తరహాలోనే 16 మెగాపిక్సెల్‌గా ఉంది.

5జీ, 4జీ ఎల్టీఈ, వైఫై, బ్లూటూత్ వీ5.2, జీపీఎస్/ఏ-జీపీఎస్ వంటి కనెక్టివిటీ ఫీచర్లు ఇందులో ఉన్నాయి. దీని బ్యాటరీ సామర్థ్యం 5000 ఎంఏహెచ్‌గా ఉంది. 30W క్విక్ చార్జ్ సపోర్ట్‌ను ఇది అందించనుంది. దీని మందం 0.85 సెంటీమీటర్లు కాగా... బరువు 199 గ్రాములుగా ఉంది.