Moto G42: మోటొరోలా కొత్త ఫోన్ వచ్చేస్తుంది - ఫీచర్లు లీక్ - ఎలా ఉందంటే?

ప్రముఖ స్మార్ట్ ఫోన్ బ్రాండ్ మోటొరోలా తన కొత్త ఫోన్ మోటో జీ42ను త్వరలో లాంచ్ చేయనున్నట్లు తెలుస్తోంది.

మోటో జీ42 స్మార్ట్ ఫోన్ త్వరలో లాంచ్ కానుందని తెలుస్తోంది.

మోటొరోలా కొత్త స్మార్ట్ ఫోన్‌ను రూపొందించడంలో బిజీగా ఉంది. అదే మోటో జీ42. ఈ ఫోన్ గీక్ బెంచ్ అనే బెంచ్ మార్కింగ్ వెబ్‌సైట్లో కూడా కనిపించింది. XT2233 మోడల్ నంబర్‌తో ఈ ఫోన్‌ను ఈ వెబ్ సైట్లో లిస్ట్ చేశారు. ఆండ్రాయిడ్ 12 ఆపరేటింగ్ సిస్టంపై ఈ ఫోన్ పనిచేయనుంది.

మోటో జీ42 గీక్‌బెంచ్ లిస్టింగ్
ఆక్టాకోర్ క్వాల్‌కాం స్నాప్‌డ్రాగన్ 680 4జీ ప్రాసెసర్‌ను ఇందులో అందించారు. ఈ ఫోన్‌లో నాలుగు కోర్లు 1.9 గిగాహెర్ట్జ్ వద్ద, మిగతా నాలుగు కోర్లు 2.4 గిగాహెర్ట్జ్ స్పీడ్ వద్ద క్లోక్ అవుతాయి. అడ్రెనో 610 జీపీయూతో ఈ ప్రాసెసర్ పెయిర్ అయింది.

ఆండ్రాయిడ్ 12 ఆపరేటింగ్ సిస్టంతో ఈ ఫోన్ గీక్‌బెంచ్‌లో కనిపించింది. మోటో జీ42 సింగిల్ కోర్ టెస్టులో 376 పాయింట్లను, మల్టీకోర్ టెస్టులో 1538 పాయింట్లను సాధించింది. 4 జీబీ ర్యామ్ కూడా ఉండనుంది. ఈ లిస్టింగ్‌ను మైస్మార్ట్‌ప్రైస్ వెబ్‌సైట్ మొదట గుర్తించింది. బ్యూరో ఆఫ్ ఇండియన్ స్టాండర్డ్స్ (బీఐఎస్) వెబ్ సైట్లో కూడా ఈ ఫోన్ కనిపించింది.

మోటో ఈ32ఎస్ స్మార్ట్ ఫోన్ ఇటీవలే యూరోప్‌లో లాంచ్ అయింది. ఇందులో 6.5 అంగుళాల హెచ్‌డీ+ డిస్‌ప్లేను అందించారు. మీడియాటెక్ హీలియో జీ37 ప్రాసెసర్‌పై ఈ ఫోన్ పనిచేయనుంది. 3 జీబీ ర్యామ్, 4 జీబీ ర్యామ్ ఆప్షన్లలో ఈ ఫోన్ కొనుగోలు చేయవచ్చు. 32 జీబీ, 64 జీబీ స్టోరేజ్ ఆప్షన్లు కూడా అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.

ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 16 మెగాపిక్సెల్ కాగా, 2 మెగాపిక్సెల్ మాక్రో షూటర్, 2 మెగాపిక్సెల్ డెప్త్ సెన్సార్ కూడా అందించారు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ సెన్సార్ ఉంది. ఆండ్రాయిడ్ 12 ఆధారిత మై యూఎక్స్ ఆపరేటింగ్ సిస్టంపై మోటో ఈ32ఎస్ పనిచేయనుంది. దీని మందం 0.85 సెంటీమీటర్లు కాగా, బరువు 185 గ్రాములుగా ఉంది.

దీని బ్యాటరీ సామర్థ్యం 5000 ఎంఏహెచ్‌గా ఉంది. 4జీ ఎల్టీఈ, వైఫై, బ్లూటూత్, ఎఫ్ఎం రేడియో, జీపీఎస్/ఏ-జీపీఎస్, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ కూడా ఇందులో ఉన్నాయి. యాక్సెలరో మీటర్, యాంబియంట్ లైట్ సెన్సార్, ప్రాక్సిమిటీ సెన్సార్లు కూడా అందించారు. ఫింగర్ ప్రింట్ సెన్సార్ ఫోన్ పక్కభాగంలో ఉంది.