Moto G22 Sale: మోటో కొత్త ఫోన్ సేల్ నేడే - రూ.10 వేలలోనే 50 మెగాపిక్సెల్ కెమెరా!

ప్రముఖ స్మార్ట్ ఫోన్ బ్రాండ్ మోటొరోలా ఇటీవలే మనదేశంలో తన జీ22 స్మార్ట్ ఫోన్ లాంచ్ చేసిన సంగతి తెలిసిందే. దీని సేల్ ఫ్లిప్‌కార్ట్‌లో ప్రారంభం అయింది.

మోటో జీ22 స్మార్ట్ ఫోన్ సేల్ మనదేశంలో ప్రారంభం అయింది. (Image Credits: Motorola)

మోటో జీ22 స్మార్ట్ ఫోన్ సేల్ మనదేశంలో ప్రారంభం అయింది. ఈ ఫోన్ ఈ నెలలోనే మనదేశంలో లాంచ్ అయింది. ఫ్లిప్‌కార్ట్‌లో ఈ స్మార్ట్ ఫోన్ కొనుగోలు చేయవచ్చు. ఇందులో హోల్ పంచ్ డిస్‌ప్లే, ఫోన్ వెనకవైపు నాలుగు కెమెరాలు ఉన్నాయి. దీని బ్యాటరీ సామర్థ్యం 5000 ఎంఏహెచ్‌గా ఉండటం విశేషం.

మోటో జీ22 ధర
ఇందులో కేవలం ఒక్క వేరియంట్ మాత్రమే లాంచ్ అయింది. 4 జీబీ ర్యామ్ + 64 జీబీ స్టోరేజ్‌తో వచ్చిన ఈ వేరియంట్ ధర రూ.10,999గా ఉంది. దీనికి సంబంధించిన సేల్ ఫ్లిప్‌కార్ట్‌లో ప్రారంభం అయింది. కాస్మిక్ బ్లాక్, ఐస్‌బర్గ్ బ్లూ, మింట్ గ్రీన్ రంగుల్లో దీన్ని కొనుగోలు చేయవచ్చు. ఏప్రిల్ 13, 14వ తేదీల్లో ఈ ఫోన్ కొనుగోలు చేస్తే రూ.1,000 బ్యాంక్ ఆఫర్ లభించనుంది.

మోటో జీ22 స్పెసిఫికేషన్లు
ఆండ్రాయిడ్ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.5 అంగుళాల హెచ్‌డీ+ మ్యాక్స్‌విజన్ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గానూ, డిస్‌ప్లే యాస్పెక్ట్ రేషియో 20:9గానూ ఉంది. ఆక్టాకోర్ మీడియాటెక్ హీలియో జీ37 ప్రాసెసర్‌ను మోటో జీ22లో అందించారు.

4 జీబీ ర్యామ్, 64 జీబీ స్టోరేజ్ ఇందులో అందుబాటులో ఉంది. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. దీని బ్యాటరీ సామర్థ్యం 5000 ఎంఏహెచ్‌గా ఉండగా... 20W ఫాస్ట్ చార్జింగ్ సపోర్ట్ కూడా ఇందులో అందించారు.

ఇక కెమెరాల విషయానికి వస్తే... మోటో జీ22లో వెనకవైపు నాలుగు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ డెప్త్ సెన్సార్, 2 మెగాపిక్సెల్ మాక్రో సెన్సార్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా అందుబాటులో ఉంది.

4జీ ఎల్టీఈ, డ్యూయల్ బ్యాండ్ వైఫై, బ్లూటూత్ వీ5, ఎన్ఎఫ్‌సీ, యూఎస్‌బీ టైప్-సీ, 3.5 ఎంఎం హెడ్ ఫోన్ జాక్ కూడా ఇందులో అందించారు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. దీని మందం 0.85 సెంటీమీటర్లు కాగా... బరువు 185 గ్రాములుగా ఉంది.