iQoo Z9 5G: ఐకూ జెడ్9 5జీ వచ్చేసింది - రూ.20 వేలలోపే సూపర్ ఫీచర్లు!
iQoo New Phone: ప్రముఖ స్మార్ట్ ఫోన్ బ్రాండ్ ఐకూ తన కొత్త స్మార్ట్ ఫోన్ మనదేశంలో లాంచ్ చేసింది. అదే ఐకూ జెడ్9 5జీ.
iQoo Z9 5G Launched: ఐకూ జెడ్9 5జీ స్మార్ట్ ఫోన్ మనదేశంలో లాంచ్ అయింది. ఈ వివో సబ్ బ్రాండ్ ఫోన్ను రెండు కలర్ ఆప్షన్లలో కొనుగోలు చేయవచ్చు. మీడియాటెక్ డైమెన్సిటీ 7200 5జీ ప్రాసెసర్పై ఐకూ జెడ్9 5జీ రన్ కానుంది. దీని స్క్రీన్ రిఫ్రెష్ రేట్ 120 హెర్ట్జ్ కాగా, 50 మెగాపిక్సెల్ డ్యూయల్ కెమెరా యూనిట్ కూడా అందించారు. దీని బ్యాటరీ సామర్థ్యం 5000 ఎంఏహెచ్ కాగా 44W ఫాస్ట్ ఛార్జింగ్ను సపోర్ట్ చేయనుంది. ఐపీ54 వాటర్, డస్ట్ రెసిస్టెన్స్ సపోర్ట్ కూడా ఉంది.
ఐకూ జెడ్9 5జీ ధర (iQoo Z9 5G Price in India)
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ మోడల్ ధర రూ.19,999గా ఉంది. ఇక 8 జీబీ ర్యామ్ + 256 జీబీ స్టోరేజ్ మోడల్ ధర రూ.21,999గా నిర్ణయించారు. దీని సంబంధించిన ఎర్లీ సేల్ నేడు జరగనుంది. మార్చి 14వ తేదీన పూర్తి స్థాయిలో సేల్కు అందుబాటులోకి రానుంది.
ఐసీఐసీఐ బ్యాంకు, హెచ్డీఎఫ్సీ బ్యాంకు కార్డుల ద్వారా కొనుగోలు చేస్తే రూ.2,000 డిస్కౌంట్ లభించనుంది. దీంతో ఈ ఫోన్ 128 జీబీ స్టోరేజ్ ధర రూ.17,999కు, 256 జీబీ స్టోరేజ్ వేరియంట్ ధర రూ.19,999కు తగ్గనుంది.
ఐకూ జెడ్9 5జీ స్పెసిఫికేషన్లు (iQoo Z9 5G Specifications)
ఆండ్రాయిడ్ 14 ఆధారిత ఫన్టచ్ ఓఎస్ 14 ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.67 అంగుళాల ఫుల్ హెచ్డీ+ అమోఎల్ఈడీ డిస్ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్గా ఉంది. 91.9 స్క్రీన్ టు బాడీ రేషియో, 1800 నిట్స్ పీక్ బ్రైట్నెస్, 300 హెర్ట్జ్ టచ్ శాంప్లింగ్ రేట్ వంటి ఫీచర్లు ఇందులో అందుబాటులో ఉన్నాయి. డీటీ స్టార్ 2 గ్లాస్ ప్రొటెక్షన్ స్క్రీన్కు రక్షణ కల్పించనుంది. ఆక్టాకోర్ 4 ఎన్ఎం మీడియాటెక్ డైమెన్సిటీ 7200 5జీ ప్రాసెసర్పై ఐకూ జెడ్9 5జీ రన్ కానుంది. 8 జీబీ ర్యామ్ ఇందులో అందించారు. ఎక్స్ప్యాండెడ్ ర్యామ్ ఫీచర్ ద్వారా 16 జీబీ వరకు పెంచుకోవచ్చు.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతో పాటు 2 మెగాపిక్సెల్ బొకే షూటర్ కూడా అందుబాటులో ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉంది.
256 జీబీ వరకు యూఎఫ్ఎస్ 3.0 ఇన్బిల్ట్ స్టోరేజ్ అందించారు. దీన్ని మైక్రో ఎస్డీ కార్డు ద్వారా 1 టీబీ వరకు పెంచుకోవచ్చు. 5జీ, వైఫై 6, వైఫై డైరెక్ట్, బ్లూటూత్ వీ5.3, బైదు, జీపీఎస్, గ్లోనాస్, గెలీలియో, యూఎస్బీ టైప్-సీ పోర్టు వంటి కనెక్టివిటీ ఫీచర్లు అందుబాటులో ఉన్నాయి. యాక్సెలరోమీటర్, యాంబియంట్ లైట్ సెన్సార్, ఈ-కంపాస్, గైరోస్కోప్, ప్రాక్సిమిటీ సెన్సార్లు అందించారు. ఇన్ డిస్ప్లే ఫింగర్ ప్రింట్ సెన్సార్ ద్వారా ఫోన్ అన్లాక్ చేయవచ్చు. ఇందులో డ్యూయల్ స్టీరియో స్పీకర్లు కూడా ఉన్నాయి.
Also Read: నోకియా ఫోన్లు ఇక కనిపించవా? - కంపెనీ కొత్త ప్రకటనకు అర్థం ఏంటి?
టాప్ హెడ్ లైన్స్
ట్రెండింగ్ వార్తలు
