ఇకపై Apple MacBook సులభంగా కొనొచ్చు! బడ్జెట్ ఫ్రెండ్లీ ల్యాప్టాప్ తెస్తున్న యాపిల్
Apple MacBook Price: యాపిల్ త్వరలో చవకైన ల్యాప్టాప్ను విడుదల చేయనుంది. ఐఫోన్ A-సిరీస్ చిప్సెట్తో వస్తున్న ఈ మ్యాక్ బుక్ బడ్జెట్ ధరలకే అందుబాటులోకి రానుంది.
Apple MacBook: యాపిల్ ఇప్పుడు ల్యాప్టాప్ విభాగంలో తన మార్క్ చూపాలని భావిస్తోంది. ఇటీవల మీడియా నివేదికల ప్రకారం, కంపెనీ ఐఫోన్ A-సిరీస్ చిప్సెట్తో కూడిన కొత్త తక్కువ ధర మ్యాక్బుక్ను డెవలప్ చేస్తోంది. బడ్జెట్లో కొత్త మ్యాక్బుక్ను కొనుగోలు చేయాలనుకునే వినియోగదారులను లక్ష్యంగా చేసుకుని యాపిల్ మార్కెట్లోకి అడుగు పెడుతుంది.
A18 ప్రో చిప్తో మొదటి బడ్జెట్ మ్యాక్బుక్
డిజిటైమ్స్ నివేదిక ప్రకారం.. ఈ ఎంట్రీ లెవల్ మ్యాక్బుక్ ఐఫోన్ 16 ప్రోలో వినియోగించే A18 ప్రో చిప్ను ఉపయోగిస్తుంది. గతంలోని అన్ని మ్యాక్బుక్లు M-సిరీస్ ప్రాసెసర్లపై ఆధారపడి పనిచేస్తాయి. కానీ ఈ మార్పు ధరను భారీగా తగ్గిస్తుంది. బడ్జెట్ మ్యాక్ బుక్ ప్రారంభ ధర $599 (సుమారు రూ. 52,000) లేదా $699 (సుమారు రూ. 61,000) గా ప్రచారం జరుగుతోంది. దాంతో ఇప్పటివరకు యాపిల్ నుంచి చౌకైన మ్యాక్బుక్గా మారుతుంది. ప్రస్తుత M4 మ్యాక్బుక్ ఎయిర్ భారత మార్కెట్లో రూ. 99,990 నుండి ప్రారంభమవుతుంది.
స్క్రీన్ సైజ్, డిజైన్
నివేదికల ప్రకారం, ఈ కొత్త మ్యాక్బుక్ 12.9-అంగుళాల డిస్ప్లే కలిగి ఉంటుంది. ఇది 13.6 అంగుళాల మ్యాక్బుక్ ఎయిర్ కంటే చిన్నగా ఉంటుంది. దీని కాంపాక్ట్ సైజు దీన్ని మరింత పోర్టబుల్గా చేస్తుందని కంపెనీ తెలిపింది. ఇది నీలం, గులాబీ, వెండి (Silver), పసుపు వంటి రంగులలో కూడా అందుబాటులోకి వస్తుంది.
A18 Pro vs. M1 చిప్ పనితీరు
ఐఫోన్ చిప్ను ఉపయోగించడం డౌన్గ్రేడ్ లాగా అనిపించవచ్చు, కానీ A18 Pro M1 కంటే మెరుగైన పనితీరును కలిగి ఉంటుందని నిపుణులు చెబుతున్నారు. ఈ మ్యాక్ బుక్ సింగిల్-కోర్ టెస్ట్ (గీక్బెంచ్): M1 – 2,368, అయితే A18 Pro – 3,409 (43% వేగంగా) పనిచేయనుంది. ఒకవేళ మల్టీ-కోర్ టెస్ట్ అయితే M1 – 8,576, A18 Pro – 8,482 (దాదాపు సమానంగా) వర్క్ చేస్తుంది. యాపిల్ దీనిని మ్యాక్బుక్ల కోసం మరింత ఆప్టిమైజ్ చేస్తుంది. కస్టమర్లకు ఎక్కువ బ్యాటరీ లైఫ్, సులువుగా వినియోగించేలా అందిస్తుంది.
లాంచింగ్ ఎప్పుడంటే..
మొదట ఈ యాపిల్ మ్యాక్ బుక్ ట్రయల్ ప్రొడక్షన్ సెప్టెంబర్ 2025లో ప్రారంభమవుతుందని భావించారు. తర్వాత భారీ ఉత్పత్తి జరుగుతుందనుకున్నారు. ఈ సంవత్సరం చివరి నాటికి లేదా 2026 ప్రారంభంలో లాంచింగ్ సాధ్యం కానుంది. బడ్జెట్ కస్టమర్లు తరచుగా పాత M1 మ్యాక్బుక్లను డిస్కౌంట్తో కొనుగోలు చేస్తుంటారు. అయితే, ఈ కొత్త డివైజ్ వారికి లేటెస్ట్ టెక్నాలజీ, కాంపాక్ట్ సైజు, తక్కువ ధరను అందిస్తుంది. ఈ నివేదిక వివరాలు నిజమైతే యాపిల్ మొదటిసారిగా నేరుగా దిగువ శ్రేణి ల్యాప్టాప్ మార్కెట్లోకి ప్రవేశించినట్లే. దాంతో అభివృద్ధి చెందుతున్న మార్కెట్లలో భవిష్యత్తులో గణనీయమైన మార్పును తీసుకువస్తుందని నిపుణులు భావిస్తున్నారు.
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
