Jio New Plans: డిస్నీప్లస్ హాట్‌స్టార్ ప్రీమియం సబ్‌స్క్రిప్షన్, రోజూ 3 జీబీ డేటా - జియో అదిరిపోయే ప్లాన్లు వచ్చేశాయ్ - ధర ఎంతంటే?

భారత నంబర్ వన్ టెలికాం ఆపరేటర్ జియో రెండు కొత్త ప్రీపెయిడ్ ప్లాన్లు లాంచ్ చేసింది. వీటి ద్వారా డిస్నీప్లస్ హాట్‌స్టార్ ప్రీమియం సబ్‌స్క్రిప్షన్ లభించనుంది.

జియో మనదేశంలో డిస్నీప్లస్ హాట్‌స్టార్ ప్లాన్లు లాంచ్ చేసింది. ై

Jio Hotstar Plans: రిలయన్స్ జియో మనదేశంలో రెండు కొత్త ప్లాన్లు లాంచ్ చేసింది. అవే రూ.1,499, రూ.4,199 ప్లాన్లు. వీటి ద్వారా డిస్నీప్లస్ హాట్‌స్టార్ ప్రీమియం సబ్‌స్క్రిప్షన్ కూడా పొందవచ్చు. ఈ ప్లాన్ ద్వారా జియో వినియోగదారులు హాట్‌స్టార్ కంటెంట్‌ను 4కేలో స్ట్రీమ్ చేయవచ్చు. మొబైల్ ఫోన్లు, ల్యాప్‌టాప్‌లు, ట్యాబ్లెట్, టీవీల్లో దీనికి సంబంధించిన కంటెంట్‌ను స్ట్రీమ్ చేయవచ్చు. హైస్పీడ్ డేటా యాక్సెస్ కూడా వినియోగదారులకు లభించనుంది.

ఈ ప్లాన్ ద్వారా హైస్పీడ్ డేటా యాక్సెస్, అన్‌లిమిటెడ్ వాయిస్ కాల్స్, రోజువారీ ఎస్ఎంఎస్ లాభాలు లభించనున్నాయి. దీంతోపాటు జియో తన డిస్నీప్లస్ హాట్‌స్టార్ మొబైల్ సబ్‌స్క్రిప్షన్ ప్లాన్లను కూడా రివైజ్ చేసింది.

జియో రూ.1,499, రూ.4,199 ప్లాన్ల లాభాలు
ఈ రెండు ప్లాన్లతోనూ ఒక సంవత్సరం పాటు డిస్నీప్లస్ హాట్‌స్టార్ ప్రీమియం సబ్‌స్క్రిప్షన్‌ను పొందవచ్చు. ఈ రెండు ప్లాన్లూ వేర్వేరు లాభాలను అందించనున్నాయి. వీటిలో రూ.1,499 ప్లాన్‌ను తీసుకుంటే దీని వ్యాలిడిటీ 84 రోజులుగా ఉంది. రోజుకు 2 జీబీ డేటా లభించనుంది.

ఇక రూ.4,199 ప్లాన్ విషయానికి వస్తే... ఈ ప్లాన్ వ్యాలిడిటీ 365 రోజులుగా ఉంది. రోజుకు 3 జీబీ హై స్పీడ్ డేటాను ఈ ప్లాన్ ద్వారా అందించనున్నారు. అన్‌లిమిటెడ్ వాయిస్ కాల్స్, రోజుకు 100 ఎస్ఎంఎస్ కూడా ఈ రెండు ప్లాన్ల ద్వారా అందించనున్నారు. దీంతోపాటు జియో యాప్స్‌కు యాక్సెస్ కూడా లభించనుంది.

డిస్నీప్లస్ హాట్ స్టార్ ప్రీమియం సబ్‌స్క్రిప్షన్ ద్వారా లైవ్ స్పోర్ట్స్, హాట్‌స్టార్ స్పెషల్స్, సినిమాలు, డిస్నీప్లస్ సినిమాలకు యాక్సెస్ లభించనుంది. టీవీ సీరియల్స్‌కు ఎర్లీ యాక్సెస్ కూడా అందించనున్నారు. వీటన్నిటినీ ఒకేసారి నాలుగు స్క్రీన్లలో 4కే క్వాలిటీతో స్ట్రీమ్ చేయవచ్చు.

మైజియో యాప్ లేదా జియో సైట్ ద్వారా ఈ రెండు ప్లాన్లనూ రీచార్జ్ చేసుకోవచ్చు. దీంతోపాటు థర్డ్ పార్టీ యాప్స్, సైట్ల ద్వారా కూడా రీచార్జ్ చేసుకునే అవకాశం ఉంది. ఒకసారి రీచార్జ్ చేసుకుంటే ప్రత్యేకమైన డిస్నీప్లస్ హాట్‌స్టార్ కూపన్ కోడ్‌ను అందించనున్నారు. ఈ కూపన్ కోడ్ రిడీమ్ చేసుకోవడం ద్వారా హాట్‌స్టార్ సబ్‌స్క్రిప్షన్ పొందవచ్చు.

ఇప్పటికే డిస్నీప్లస్ హాట్ స్టార్ సబ్‌స్క్రిప్షన్‌ను కొన్ని ప్లాన్ల ద్వారా జియో అందిస్తుంది. అయితే ఇప్పుడు లాంచ్ అయిన రూ.1,499, రూ.4,199 ప్లాన్లు ప్రీమియం సబ్‌స్క్రిప్షన్‌ను అందించనున్నాయి.