Fire Boltt Ninja Bell: రూ.4 వేలలోపే సూపర్ స్మార్ట్ వాచ్ - 25 రోజుల బ్యాటరీ బ్యాకప్!

ప్రముఖ టెక్ కంపెనీ ఫైర్ బోల్ట్ మనదేశంలో కొత్త స్మార్ట్ వాచ్ లాంచ్ చేసింది. అదే ఫైర్ బోల్ట్ నింజా బెల్.

ఫైర్ బోల్ట్ నింజా బెల్ స్మార్ట్ వాచ్ మనదేశంలో లాంచ్ అయింది.

ఫైర్ బోల్ట్ తన కొత్త బడ్జెట్ స్మార్ట్ వాచ్‌ను మనదేశంలో లాంచ్ చేసింది. అదే ఫైర్ బోల్ట్ నింజా బెల్. ఇది ఫ్లిప్‌కార్ట్‌లో ఎక్స్‌క్లూజివ్‌గా అందుబాటులో ఉంది. ఇందులో మెటల్ కేస్‌ను అందించారు. బ్లూటూత్ కాలింగ్‌ను కూడా ఈ వాచ్ సపోర్ట్ చేయనుంది. ఏకంగా 60 స్పోర్ట్స్ మోడ్స్‌ను ఇది సపోర్ట్ చేయనుంది.

ఫైర్ బోల్ట్ నింజా బెల్ స్మార్ట్ వాచ్ ధర
దీని ధరను రూ.3,499గా నిర్ణయించారు. ఫ్లిప్‌కార్ట్‌లో దీన్ని కొనుగోలు చేయవచ్చు. బ్లాక్, బ్లూ, గ్రే, రోజ్ గోల్డ్, డార్క్ మవు రంగుల్లో ఈ వాచ్ కొనుగోలు చేయవచ్చు. ప్రస్తుతానికి ఈ వాచ్ ఫ్లిప్‌కార్ట్‌లో రూ.2,999తో లిస్ట్ అయింది. ఇది ప్రారంభ ఆఫర్ అని చెప్పవచ్చు.

ఫైర్ బోల్ట్ నింజా బెల్ స్మార్ట్ వాచ్ ఫీచర్లు
ఈ స్మార్ట్ వాచ్ వాయిస్ అసిస్టెంట్‌తో రానుంది. డయల్ ప్యాడ్, కాల్ హిస్టర్, సింక్ కాంటాక్ట్స్ వంటివన్నీ వినియోగదారులు దీని ద్వారా చేయవచ్చు. 1.69 అంగుళాల టచ్ స్క్రీన్ ఎల్సీడీ డిస్‌ప్లే కూడా ఇందులో అందించారు. దీని రిజల్యూషన్ 240 x 280 పిక్సెల్స్‌గా ఉంది.

ఈ వాచ్ ద్వారా వినియోగదారులు ఫోన్ తీయకుండానే కాల్స్ ఆన్సర్ చేయవచ్చు. స్మార్ట్ వాచ్ నుంచే పాటలు కూడా వినవచ్చు. దీంతోపాటు స్ప్లిట్ డిస్‌ప్లే ఈజీ యాక్సెస్ కూడా ఉంది. దీని ద్వారా మెనూలో సెర్చ్ చేయాల్సిన అవసరం లేకుండా నేరుగా ఒక్క క్లిక్‌తో తమకు కావాల్సిన ఫంక్షన్‌ను ల్యాండ్ చేయవచ్చు.

ఐపీ68 వాటర్ ప్రూఫ్ ఫీచర్ కూడా ఇందులో ఉంది. చెమట, వాన చినుకులు పడినా ఈ ఫోన్‌కు ఏమీ కాదన్న మాట. వాచ్ ద్వారా కెమెరా కంట్రోల్ చేయడం, మ్యూజిక్ కంట్రోల్ చేయడం, స్మార్ట్ నోటిఫికేషన్ వంటివి అందుబాటులో ఉన్నాయి. ఈ వాచ్‌లో ఇన్‌బిల్ట్ గేమ్స్ కూడా ఉన్నాయి. ఒక్కసారి చార్జ్ పెడితే 25 రోజుల పాటు ఈ వాచ్ పనిచేయనుంది. ఈ స్మార్ట్ వాచ్ మీ హార్ట్ రేట్‌ని 24 గంటల పాటు మానిటర్ చేయగలదు. అలాగే ఎస్‌పీఓ2 ట్రాకర్ కూడా ఉంది. 60కి పైగా స్పోర్ట్స్ మోడ్స్‌ను ఇది ట్రాక్ చేయనుంది. 100 వాచ్ ఫేసెస్‌ను ఇది సపోర్ట్ చేయనుంది.