ఇది ఆంత్రోపిక్ అభివృద్ధి చేసిన శక్తివంతమైన సైబర్ సెక్యూరిటీ AI మోడల్. ఇది ఆపరేటింగ్ సిస్టమ్‌లు లేదా సాఫ్ట్‌వేర్‌లలోని లోపాలను వేగంగా గుర్తించి, హ్యాక్ చేయగలదు.
అన్వేషించండి
Claude Mythos in India: భారత్ వస్తున్న క్లాడ్ మిథోస్! ఎంపిక చేసిన సంస్థలకే శక్తివంతమైన AI మోడల్ సేవలు!
Claude Mythos in India: ఆంత్రోపిక్ AI శక్తివంతమైన మోడల్ అయిన క్లాడ్ మిథోస్ ఇప్పుడు భారత్‌లోకి వస్తోంది. ఎంపిక చేసిన కొన్ని సంస్థలు దీనికి యాక్సెస్ పొందుతాయి. ఈ మోడల్ ఇంకా ప్రజలకు అందుబాటులోకి రాలేదు.
భారత్ వస్తున్న క్లాడ్ మిథోస్! ఎంపిక చేసిన సంస్థలకే శక్తివంతమైన AI మోడల్ సేవలు!
Source : Social Media
- క్లాడ్ మిథోస్ భారత్‌లోకి ప్రవేశిస్తోంది, ఇది వ్యవస్థలను హ్యాక్ చేయగలదు.
- మిథోస్ 150 కొత్త సంస్థలు, పలు దేశాలకు అందుబాటులో ఉంది.
- ఇది కీలక సాఫ్ట్వేర్లో వేలాది భద్రతా లోపాలు కనుగొంది.
- దుర్వినియోగం కాని మోడల్ త్వరలో ప్రజలకు విడుదల కావచ్చు.
Claude Mythos in India: టెక్నాలజీ ప్రపంచంలో ఆర్టిఫిషియల్ ఇంటెలిజెన్స్‌ సృష్టిస్తున్న సంచలనాలు అన్నీ ఇన్నీ కావు. ఇప్పటి వరకు మనం చాట్‌జీపీటీ లేదా క్లాడ్ వంటి మోడళ్లను కేవలం సమాచారం కోసం లేదా కంటెంట్ కోసం వాడుతున్నాం. కానీ వీటన్నింటికీ మించిన అత్యంత శక్తివంతమైన, ప్రమాదకరమైన సామర్థ్యాలు ఉన్న ఒక ఏఐ మోడల్ ఇప్పుడు భారత్‌లోకి అడుగుపెడుతోంది. అదే అమెరికన్ ఏఐ స్టార్టప్‌ ఆంత్రోపిక్ అభివద్ధి చేసినక్లాడ్ మిథోస్. అసలు ఈ క్లాడ్ మిథోస్ ఏంటీ? భారత్ ఏయే రంగాలపై ప్రభావం చూపనుంది? దీనిని ఎందుకు రహస్యంగా ఉంచుతున్నారు అనే వివరాలు తెలుసుకుందాం.
సైబర్ సెక్యూరిటీ ప్రపంచంలో సంచలనం సృష్టించిన ఆంత్రోపిక్ వారి క్లాడ్ మిథోస్ మోడల్ ఇప్పుడు భారత్‌లోకి ప్రవేశించడానికి సిద్ధంగా ఉంది. కొన్ని భారతీయ సంస్థలు దీనిని పొందేందుకు సిద్ధమవుతున్నాయి. వాస్తవానికి, అమెరికన్ కంపెనీ ఆంత్రోపిక్, మరిన్ని సంస్థలు, ప్రభుత్వాలు ,సైబర్ సెక్యూరిటీ ఏజెన్సీలకు ఈ మోడల్‌కు యాక్సెస్ అందిస్తామని ఇటీవల ప్రకటించింది. ఈ మోడల్ చాలా శక్తివంతమైనదిగా చెబుతున్నారు. ఇది ఏ ఆపరేటింగ్ సిస్టమ, సాఫ్ట్‌వేర్‌ను అయినా క్షణాల్లో హ్యాక్ చేయగలదు. అందువల్ల, దీనిని ఇంకా ప్రజలకు అందుబాటులోకి తీసుకురాలేదు.
150 కొత్త సంస్థలు క్లాడ్ మిథోస్‌ను పొందే అవకాశం
సుమారు 150 కొత్త సంస్థలకు ఈ మోడల్ అందుబాటులోకి తీసుకురావాలని యోచిస్తున్నట్లు ఆంత్రోపిక్ తెలిపింది. దీంతో మొత్తం సంస్థల సంఖ్య 200కు చేరుతుంది. గతంలో, ఈ సంస్థ యూఎస్, యూకేలోని కొన్ని కంపెనీలతో ఈ మోడల్ పరీక్షిస్తోంది. ఇప్పుడు దీనిని ఆర్థిక సేవలు, సైబర్ సెక్యూరిటీ, టెక్నాలజీ, ఆరోగ్య సంరక్షణ, కమ్యూనికేషన్స్, విద్యుత్, నీరు, హార్డ్‌వేర్ రంగాలలోని కంపెనీలతో పరీక్షిస్తున్నారు.
ఇప్పుడు ఈ దేశాలకు ప్రవేశం లభించింది
అమెరికా, యూకేతోపాటు, భారత్, కెనడా, ఆస్ట్రేలియా, న్యూజిలాండ్, ఫ్రాన్స్, జర్మనీ, ఇటలీ, స్విట్జర్లాండ్, స్పెయిన్, స్వీడన్, నెదర్లాండ్స్, జపాన్, దక్షిణ కొరియా వంటి దేశాలలోని సంస్థలకు కూడా ఆంత్రోపిక్ తన మోడల్‌ను అందుబాటులోకి తెచ్చింది. ఈ దేశాలలో ఏయే సంస్థలు ఇప్పుడు ఈ మోడల్‌ను పొందగలవనే వివరాలను ఆ సంస్థ వెల్లడించలేదు.
కీలకమైన సాఫ్ట్వేర్లో వేలాది లోపాలు గుర్తించిన మిథోస్
ఒకే నెలలో ప్రపంచంలోని అత్యంత కీలకమైన సాఫ్ట్వేర్లో 10,000కు పైగా సైబర్ సెక్యూరిటీ లోపాలను క్లౌడ్ మిథోస్ గుర్తించిందని ఆంత్రోపిక్ ఇటీవల రిపోర్ట్ చేసింది. ఈ మోడల్‌కు యాక్సెస్ ఉన్న అనేక కంపెనీలు, మిథోస్‌ను ఉపయోగించడం ద్వారా లోపాలను గుర్తించే వేగంలో 10 రెట్లు పెరుగుదల నమోదైనట్లు చెప్పింది. గూగుల్, ఓపెన్‌ఏఐ వంటి కంపెనీలు కూడా ఇప్పుడు ఇలాంటి సైబర్ సెక్యూరిటీ మోడళ్లను అమలు చేశాయి .
మిథోస్‌ను పోలిన మోడల్ ప్రజల ముందుకు
ఇంకా ప్రజల కోసం క్లాడ్ మిథోస్‌ను విడుదల చేయలేదు. తమతో సహా ఏ కంపెనీ కూడా ఇటువంటి మోడళ్ల తప్పుడు దారిలో వెళ్లకుండా నివారించే మోడల్‌ను అభివృద్ధి చేయలేదని ఆంథ్రోపిక్ పేర్కొంది. అందుకే దుర్వినియోగానికి అవకాశం లేని ఇలాంటి మోడల్‌ను ప్రజలకు విడుదల చేయాలని ఆంథ్రోపిక్ భావిస్తోంది. ఇది రాబోయే కొద్ది వారాల్లో విడుదల కావచ్చని ఊహాగానాలు వినిపిస్తున్నాయి.
Frequently Asked Questions
క్లాడ్ మిథోస్ మోడల్ అంటే ఏమిటి?
క్లాడ్ మిథోస్ భారతదేశంలో అందుబాటులోకి వస్తుందా?
అవును, ఆంత్రోపిక్ వారి క్లాడ్ మిథోస్ మోడల్ భారతదేశంలోకి ప్రవేశించడానికి సిద్ధంగా ఉంది. కొన్ని భారతీయ సంస్థలు దీనిని పొందేందుకు సిద్ధమవుతున్నాయి.
క్లాడ్ మిథోస్ మోడల్ ఎంత సమర్థవంతమైనది?
ఇది అత్యంత కీలకమైన సాఫ్ట్వేర్లో ఒకే నెలలో 10,000కు పైగా సైబర్ సెక్యూరిటీ లోపాలను గుర్తించింది. లోపాలను గుర్తించే వేగంలో 10 రెట్లు పెరుగుదల నమోదైంది.
క్లాడ్ మిథోస్ మోడల్ ప్రజలకు అందుబాటులో ఉందా?
లేదు, ఇది ఇంకా ప్రజలకు అందుబాటులో లేదు. దుర్వినియోగానికి అవకాశం లేని మోడల్‌ను రాబోయే కొద్ది వారాల్లో విడుదల చేయాలని ఆంత్రోపిక్ యోచిస్తోంది.
టాప్ హెడ్ లైన్స్
అమరావతి
ఏపీలో పట్టణ స్థానిక సంస్థలకు ముగిసిన ఎన్నికల ప్రచారం.. మైకులు బంద్
తెలంగాణ
చరిత్రలో తొలిసారి రైతులను పంటలు వేయొద్దన్న అసమర్థ సీఎం.. ఇంద్రవెల్లి సభలో కవిత ఘాటు విమర్శలు
క్రికెట్
కివీస్ కు ఓదార్పు విజయం.. నాలుగో టీ20లో భారత్ ప‌రాజ‌యం.. స‌త్తా చాటిన ఫిలిఫ్స్, డ‌ఫీ, తిల‌క్ ఒంట‌రి పోరాటం వృథా
ఓటీటీ-వెబ్‌సిరీస్‌
ఓటీటీలోకి శ్రీవిష్ణు కొత్త మూవీ - నెల రోజుల్లోపే కామ్రేడ్ కల్యాణ్ మూవీ సడన్ స్ట్రీమింగ్... ఎందులో చూడొచ్చంటే?
ట్రెండింగ్ వార్తలు
