Tips to Reduce Electricity Bill: ఈ 8 టిప్స్ పాటిస్తే కరెంట్ బిల్‌ తగ్గించేయొచ్చు! మీ డబ్బులు సేఫ్‌

Power Bill: విద్యుత్ బిల్లు తక్కువగా రావాలంటే ఏం చేయాలో తెలుసా? దీని కోసం తీసుకోవాల్సిన కొన్ని జాగ్రత్తలేంటో ఈ కథనంలో తెలుసుకుందాం. వీటిని పాటిస్తే ఎంచక్కా మీ కరెంట్ బిల్లు తక్కువగా వస్తుంది!

ప్రతీకాత్మక చిత్రం

Source : pexels

How To Reduce Electricity Bill: విద్యుత్‌ వినియోగదారులకు ఎప్పుడూ అధిక కరెంటు బిల్లు సమస్య వేధిస్తూనే ఉంటుంది. ఆ భారాన్ని భరించలేక సామాన్యులు ఎప్పుడూ మొర బెట్టుకుంటూనే ఉంటారు. మరి విద్యుత్ బిల్లు తక్కువగా రావాలంటే ఏం చేయాలో తెలుసా? దీని కోసం తీసుకోవాల్సిన కొన్ని జాగ్రత్తలేంటో ఈ కథనంలో తెలుసుకుందాం. వీటిని పాటిస్తే ఎంచక్కా మీ కరెంట్ బిల్లు తక్కువగా వస్తుంది!

క్వాలిటీవి కొనుగోలే చేయాలి - ఫ్రిడ్జ్, ఏసీ,  టీవీ వంటి ఎలక్ట్రికల్ గ్యాడ్జెట్స్​ కొనేటప్పుడు క్వాలిటీవి చూసి కొనుగోలు చేయాలి.  దీని వల్ల కూడా విద్యుత్ తక్కువగా కాలటమే కాకుండా కరెంట్ బిల్ సైతం తక్కువగా వస్తుంది. డబ్బులు సైతం ఆదా అవుతాయి. 

ఎల్​ఈడీ లైట్ల వినియోగం  - సాధారణ బల్బుల వల్ల ఎక్కువ విద్యుత్ కాలుతుంది. అందుకే కరెంటు బిల్లు ఎక్కువగా వచ్చే అవకాశం ఉంటుంది. కాబట్టి ఈ సమస్యను అధిగమించాలంటే ఎల్​ఈడీ లైట్లను వాడటం  మంచిది. ఇవి తక్కువ కరెంట్​ను కాలుస్తాయి. తద్వారా  బిల్లు కూడా తక్కువగా వస్తుంది. 

ఏసీ నిర్వహణలో మార్పులు -  ఎయిర్​ ఫిల్టర్​ను క్రమం తప్పకుండా మారుస్తూ ఉండాలి.  సంవత్సరానికి ఒకసారైనా మెకానిక్​ ద్వారా  సర్వీస్ చేయించాలి. అప్పుడే   విద్యుత్ తక్కువగా కాలుతుంది. అలానే ఏసీల మన్నిక కూడా ఎక్కువకాలం ఉంటుంది.  అవసరమైన సందర్భాల్లో మాత్రమే ఏసీని వినియోగించటం కూడా ఎంతో  ఉత్తమం అని చెప్పాలి. 

పవర్​ స్ట్రిప్స్ వాడకం -  టీవీ, కంప్యూటర్లు వంటి ఎలక్ట్రానిక్ వస్తువులను స్టాండ్​బైలో ఉంచకూడదు. వినియోగించిన వెంటనే  ఆఫ్​ చేయాలి. ఎందుకంటే స్టాండ్​బై మోడ్​లో ఉంటే కరెంట్ ఎక్కువ కాలుతుంది. తద్వారా కరెంట్‌ బిల్లు పెరిగే అవకాశం ఉంటుంది. 

అన్​ప్లగ్​ చేయాలి - ఎలక్ట్రానిక్ వస్తువులను ఉపయోగించిన తర్వాత చాలా మంది స్విచ్ ఆఫ్ చేసినా  వాటిని అన్​ప్లగ్​ చేయకుండా ఉంచేస్తారు. అలా చేస్తే కరెంట్ కాలుతుంది. కాబట్టి  టీవీలు, సెల్​ఫోన్​ ఛార్జర్లు, వైఫై రూటర్లు, కంప్యూటర్లు,   వాషింగ్ మెషీన్స్​, ఐరన్​ బాక్స్ వంటి ఎలక్ట్రానిక్ వస్తువులను ఉపయోగించిన తర్వాత వెంటనే అన్​ప్లగ్ చేయాలి. 

ఇన్సులేట్ చేయాలి - తలుపులు, కిటికీల్లో ఖాళీలను మూసివేసి, గోడలు, ఇంటి పైకప్పులపై ఇన్సులేషన్‌ను ఇన్​స్టాల్ చేస్తే మంచిది.  దీంతో హీటింగ్, కూలింగ్ ఖర్చులను తగ్గించుకోవచ్చు.

వాషింగ్ మెషీన్ల వాడకంలో మార్పులు - దుస్తులను ఉతికేందుకు వాషింగ్ మెషీన్​ను ఉపయోగించడం తగ్గించడం మంచిది.  మరీ  బిజీ షెడ్యూల్​ ఎక్కువగా ఉంటేనే వీటిని వినియోగించాలి. దీని ద్వారా విద్యుత్‌ వినియోగాన్ని, నీటిని ఆదా చేయొచ్చు. 
క్లాత్స్ ఎయిర్​ డ్రై : ఉతికిన దుస్తులను ఆరబెట్టేందుకు క్లాత్స్‌ ఎయిర్ డ్రైను పక్కనపెట్టి సహజ మార్గాలను  ఉపయోగించాలి. దీని ద్వారా కూడా కరెంట్‌ను ఆదా చేయొచ్చు.  దుస్తులను గాలి, సూర్యరశ్మిలో ఆరబెట్టాలి. 

రెగ్యులర్‌గా ఇలా చేయాలి -  అలానే ఉదయం పూట  లైట్స్, ఫ్యాన్స్ వినియోగం తగ్గిస్తే కూడా మంచిదే. బయటికి వెళ్లేటప్పుడు లైట్లు, ఫ్యాన్లు, టీవీలను ఆఫ్​ చేయాలి. ఇలా చేయడం వల్ల కూడా విద్యుత్తును ఆదా చేసుకుని బిల్లును తగ్గించొచ్చు.