Virat Kohli Birthday celebrations: జోరుగా.. హుషారుగా! విరాట్‌ బర్త్‌డే వేడుకలు.. ఉత్సాహంగా కుర్రాళ్లు

స్కాట్లాండ్‌పై భారీ విజయం తర్వాత టీమ్‌ఇండియా సంబరాలు చేసుకుంది. విరాట్‌ కోహ్లీ పుట్టినరోజు వేడుకను ఘనంగా జరుపుకుంది. దాంతో డ్రస్సింగ్‌ రూమ్‌లో సందడి వాతావరణం నెలకొంది.

టీమ్‌ఇండియా సారథి విరాట్‌ కోహ్లీ శుక్రవారం 33వ వసంతంలోకి అడుగుపెట్టాడు. పరిమిత ఓవర్ల క్రికెట్‌ సారథిగా అతడు బర్త్‌డే రోజు మ్యాచ్‌ ఆడడం ఇదే తొలిసారి. పైగా టాస్‌ గెలిచాడు. టీమ్‌ఇండియా సైతం అనుకున్నట్టుగానే విజయం అందుకుంది.

Cake, laughs and a win! 🎂 😂 👏#TeamIndia bring in captain @imVkohli's birthday after their superb victory in Dubai. 👍 👍 #T20WorldCup #INDvSCO pic.twitter.com/6ILrxbzPQP

— BCCI (@BCCI) November 5, 2021

మొదట టాస్‌ గెలిచిన భారత్‌ ప్రత్యర్థిని బ్యాటింగ్‌కు ఆహ్వానించింది. కేవలం 17.4 ఓవర్లలో 85కే ఆలౌట్‌ చేసింది. రవీంద్ర జడేజా, మహ్మద్‌ షమీ కేవలం 15 పరుగులు ఇచ్చి చెరో 3 వికెట్లు తీశారు. బుమ్రా ఒక వికెట్‌ అందించాడు. అఫ్గాన్‌ రన్‌రేట్‌ను మించాలంటే ఆ స్కోరును 7.1 ఓవర్లలోనే ఛేదించాలి. కానీ టీమ్‌ఇండియా కేవలం 6.3 ఓవర్లలోనే లక్ష్యాన్ని ఛేదించింది. కేఎల్‌ రాహుల్‌ కేవలం 19 బంతుల్లో 6 బౌండరీలు, 3 సిక్సర్లతో అర్ధశతకం బాదేశాడు. రోహిత్‌ సైతం 16 బంతుల్లోనే 5 బౌండరీలు, ఒక సిక్సర్‌ సాయంతో 30 పరుగులు సాధించాడు.

జట్టు విజయం అందుకోగానే టీమ్‌ఇండియా డ్రస్సింగ్‌ రూమ్‌లో సంబరాలు మొదలయ్యాయి. విరాట్‌ కోహ్లీ బర్త్‌డేను ఘనంగా జరుపుకున్నాడు. ఎంఎస్‌ ధోనీ అందరితోనూ కలిసిపోయి సరదాగా గడిపాడు. కేక్‌ కోసి కోహ్లీ దానిని అందరికీ తినిపించాడు. రిషభ్ పంత్‌, సూర్యకుమార్‌, జడ్డూ, ఇషాన్‌ కిషన్‌ ఉత్సాహంగా కనిపించారు. ఈ వేడుకల వీడియోను బీసీసీఐ ట్వీట్‌ చేసింది. కాగా మ్యాచ్‌ ముగిశాక టీమ్‌ఇండియా ఆటగాళ్లు స్కాట్లాండ్‌ డ్రస్సింగ్‌ రూమ్‌కు వెళ్లారు. వారితో కలిసి మాట్లాడారు.

MUST WATCH: #SpiritOfCricket was at its best as Scotland expressed their wish to visit the #TeamIndia dressing room & our boys made them feel at home🤝👌👌 - By @Moulinparikh

Special feature 🎥 🔽 #T20WorldCup #INDvSCO https://t.co/pfY3r9evwH pic.twitter.com/g6g6A86zve

— BCCI (@BCCI) November 6, 2021

Also Read: T20 WC Standings: ఆఫ్ఘన్ పైనే భారం వేశాం.. సెమీస్‌కు ఆ దారి మాత్రమే!

Also Read: IND vs SCO, Match Highlights: 6.3 ఓవర్లలో టార్గెట్ ఫినిష్.. అదరగొట్టిన టీమిండియా!

Also Read: NZ vs NAM, Match Highlights: సెమీస్ వైపు న్యూజిలాండ్.. నమీబియాపై భారీ విజయం

Also Read: Virat Kohli Birthday: 'కోహ్లీ.. నీ గురించి లోకానికి అరిచి చెప్పాలని ఉంది..' విరాట్‌కు అనుష్క స్పెషల్ విషెస్

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి