T20 WC Standings: ఆఫ్ఘన్ పైనే భారం వేశాం.. సెమీస్‌కు ఆ దారి మాత్రమే!
టీ20 వరల్డ్ కప్ సూపర్ 12 గ్రూప్-2 పాయింట్ల పట్టికలో భారత్ ప్రస్తుతానికి మూడో స్థానంలో ఉంది.
టీమిండియా సెమీస్‌కు వెళ్లాలంటే ఆఫ్ఢనిస్తాన్ న్యూజిలాండ్‌పై గెలవాల్సిందే
స్కాట్లాండ్‌తో జరిగిన మ్యాచ్‌లో టీమిండియా 81 బంతులు మిగిలి ఉండగానే.. భారీ విజయం సాధించిన సంగతి తెలిసిందే. దీంతో భారత్ సెమీస్ అవకాశాలను మెరుగుపరుచుకుంది. అయితే ఎంత తేడాతో గెలిచినా.. నెట్ రన్‌రేట్ ఎంత పెంచుకున్నా.. న్యూజిలాండ్‌పై ఆఫ్ఘనిస్తాన్ విజయం సాధించకుంటే అంతా బూడిదలో పోసిన పన్నీరే.
ఆదివారం మధ్యాహ్నం 3:30 గంటలకు జరగనున్న ఈ మ్యాచ్ భారత్ భవితవ్యాన్ని తేల్చనుంది. ఈ మ్యాచ్‌లో ఆఫ్ఘనిస్తాన్, న్యూజిలాండ్‌పై గెలిస్తే.. అవి రెండూ ఐదు మ్యాచ్‌ల్లో మూడేసి విజయాలతో ఆరు పాయింట్లతో ఉంటాయి. ఆ తర్వాతి రోజు భారత్, నమీబియా మ్యాచ్ ఉంది. కాబట్టి ఆఫ్ఘన్ గెలిస్తే.. టీమిండియా ఎంత తేడాతో గెలవాలనే సమీకరణాలపై ఒక క్లారిటీ వస్తుంది.
ఒకవేళ ఆ మ్యాచ్‌లో న్యూజిలాండ్ గెలిస్తే మాత్రం వాళ్లు నేరుగా సెమీస్‌కు చేరుకుంటారు. భారత్ అస్సాం ట్రైన్ ఎక్కేస్తుంది. కాబట్టి మనం నిలవాలంటే ఆఫ్ఘన్ గెలవాల్సిందే.
ప్రస్తుతం పాయింట్ల పట్టికను చూస్తే.. ఆడిన నాలుగు మ్యాచ్‌ల్లోనూ గెలిచిన పాకిస్తాన్ 8 పాయింట్లతో అగ్రస్థానంలో ఉంది. ఇప్పటికే సెమీస్‌కు చేరింది. ఇక ఆడిన నాలుగు మ్యాచ్‌ల్లో మూడు విజయాలతో న్యూజిలాండ్ రెండో స్థానంలో ఉంది. ఆఫ్ఘనిస్తాన్‌తో సమానంగా రెండు విజయాలే సాధించినప్పటికీ.. నెట్ రన్‌రేట్ మెరుగ్గా ఉంది కాబట్టి భారత్ మూడో స్థానంలో ఉంది. ఆఫ్ఘన్ నాలుగో స్థానానికి పడిపోయింది.
ఆడిన నాలుగు మ్యాచ్‌ల్లో ఒక విజయంతో నమీబియా ఐదో స్థానంలో ఉండగా.. ఒక్క మ్యాచ్‌లో కూడా గెలవని స్కాట్లాండ్ అట్టడుగున ఉంది. ఈ రెండు జట్లూ ఇప్పటికే టోర్నీ నుంచి నిష్క్రమించాయి.
ఈ టీ20 వరల్డ్‌కప్‌లో భారత్ ప్రస్థానం ముందుకు వెళ్తుందో లేదో తెలియాలంటే ఆదివారం దాకా ఆగాల్సిందే. ఆఫ్ఘన్ మీద భారం వేయడం తప్ప ప్రస్తుతం టీమిండియా చేతుల్లో ఏమీ లేదు.
The final stretch in Group 2 🏃
— ICC (@ICC) November 5, 2021
Which team will join Pakistan in the semis? 🤔#T20WorldCup pic.twitter.com/OjGNclhpDI
Also Read: 6.3 ఓవర్లలో టార్గెట్ ఫినిష్.. అదరగొట్టిన టీమిండియా!
Also Read: Khel Ratna Award 2021: ఈసారి 12 మందికి ఖేల్‌రత్న.. ఒలింపియన్లకు గౌరవం.. జాబితాలో మిథాలీ, ఛెత్రీ
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
ఇవి కూడా చూడండి
Varanasi Stadium: మోడీ అడ్డాలో భారీ క్రికెట్ స్టేడియం - శివతత్వం ప్రతిబింబించేలా నిర్మాణం - తరలిరానున్న అతిరథులు
IND vs AUS 1st ODI: తొలి వన్డే టాస్‌ మనదే! రాహుల్‌ ఏం ఎంచుకున్నాడంటే!
ODI World Cup 2023 : అమ్మో అహ్మదాబాద్! దాయాదుల పోరుకు దద్దరిల్లుతున్న రేట్లు - 415 శాతం పెరిగిన విమాన ఛార్జీలు
VVS Laxman - 800 Pre Release : ముత్తయ్య కోసం ముంబైలో సచిన్ - ఇప్పుడు హైదరాబాద్‌లో వీవీఎస్ లక్ష్మణ్
IND vs AUS: మొహాలీని మోతెక్కించేదెవరు? - నేడే భారత్, ఆసీస్ తొలి వన్డే
టాప్ స్టోరీస్
Telangana Assembly Elections 2023: చేతులు కలిపిన ప్రత్యర్థులు- ఒకే ఫ్రేమ్‌లో కనిపించిన రాజయ్య, కడియం
Chandrababu Arrest: స్కిల్ డెవలప్ మెంట్ స్కాంలో చంద్రబాబు రిమాండ్ ను పొడగింపు- పిటిషన్‌పై తీర్పులు మధ్యాహ్నానికి వాయిదా
వచ్చే నెలలో బీజేపీ ప్రచార హోరు, రంగంలోకి మోడీ, అమిత్ షా
సిక్కుల ఓటు బ్యాంక్‌ కోసం కెనడా చిక్కుల్లో పడిందా? భారత్‌తో మైత్రిని కాదనుకుని ఉండగలదా?
