Ind vs Pak: పాక్‌వి గంభీరమైన ప్రేలాపనలే! దాయాదిపై భారత జైత్రయాత్రకు కారణాలు చెప్పిన వీరూ

దాయాదితో మ్యాచులకు భారత్ సంపూర్ణంగా సన్నద్ధమవుతుందని, భారతీయులు ఒత్తిడిని మెరుగ్గా ఎదుర్కొంటారని వీరేంద్ర సెహ్వాగ్ వెల్లడించాడు. పాక్ తరహాలో భారత్‌ సంచలన, భారీ ప్రకటనలు చేయదని స్పష్టం చేశాడు.

వీరేంద్ర సెహ్వాగ్‌

పాకిస్థాన్‌ తరహాలో భారత్‌ ఎప్పుడూ సంచలన, భారీ ప్రకటనలు చేయదని టీమ్‌ఇండియా మాజీ డ్యాషింగ్‌ ఓపెనర్‌ వీరేంద్ర సెహ్వాగ్‌ అన్నాడు. దాయాదితో మ్యాచులకు సంపూర్ణంగా సన్నద్ధమవుతుందని పేర్కొన్నాడు. వారితో పొలిస్తే భారతీయులు ఒత్తిడిని మెరుగ్గా ఎదుర్కొంటారని వెల్లడించాడు. ఐసీసీ టీ20 ప్రపంచకప్‌లో అక్టోబర్‌ 24న భారత్‌, పాక్‌ తలపడుతున్న నేపథ్యంలో వీరూ మాట్లాడాడు. పాక్‌పై భారత ఆధిపత్యానికి కారణాలను వివరించాడు.

'2003, 20211 ప్రపంచకప్‌ల గురించి మాట్లాడాలంటే అప్పుడు మాపై ఒత్తిడి అంతగా లేదు. ఎందుకంటే మేం టోర్నీలో పాక్‌ కన్నా మెరుగైన స్థితిలో ఉన్నాం. మేం అలాంటి వైఖరితో ఆడతాం కాబట్టే విజయాలు అందుకుంటాం. పాక్‌లా మేమెప్పుడూ భారీ, సంచలన ప్రకటనలు ఇవ్వలేదు. పాక్‌లో మాత్రం విపరీతంగా సవాళ్లు చేస్తుంటారు. భారీ డైలాగులు పేలుస్తుంటారు' అని వీరూ అన్నాడు.

'మేం వారిలా ప్రకటనలు ఇవ్వం. టీమ్‌ఇండియా మాటలు కాకుండా మెరుగ్గా సన్నద్ధం అవుతుంది. మ్యాచులో ఎలా ఆడాలో ప్రణాళికలు రచించుకుంటుంది. అలా చేస్తే ఫలితం ఎలా ఉంటుందో అందరికీ తెలిసిందే' అని వీరూ ఏబీపీ న్యూస్‌కు చెప్పాడు. ప్రస్తుత పరిస్థితుల్లో టీ20ల్లో భారత్‌ను పాక్‌ ఓడించగలదని అతడు వివరించాడు.

'ఈ ఫార్మాట్‌ ప్రకారం చూస్తే పాకిస్థాన్‌కు మెరుగైన అవకాశాలు ఉన్నాయి. వారు వన్డేల్లో కన్నా టీ20ల్లో కాస్త బాగానే ఆడతారు.  బాబర్‌ ఆజామ్‌, ఫకర్‌ జమాన్‌, రిజ్వాన్‌, షాహిన్‌ అఫ్రిది వంటి మ్యాచ్‌ విన్నర్లు జట్టులో ఉన్నారు. ఈ పార్మాట్లో ఎవరైనా ఒక్క ఆటగాడు ప్రత్యర్థి జట్టును ఓడించొచ్చు. ఇప్పటి వరకైతే పాకిస్థాన్ ఆ పని చేయలేకపోయింది' అని వీరూ తెలిపాడు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి

మనమంతా ఎంతో ఆసక్తిగా 🤩 ఎదురుచూస్తున్న

ఈ సంవత్సరపు అతిపెద్ద బ్యాటిల్ 🇮🇳 vs 🇵🇰 కు🔥

ఇంకా 5️⃣ రోజులు మాత్రమే ఉంది ఫ్యాన్స్ 😍

మరి మీరు రెడీనా 🤗#INDvPAK ICC #T20WorldCup #LiveTheGame #MaukaMauka pic.twitter.com/6y1jTdrIl4

— StarSportsTelugu (@StarSportsTel) October 19, 2021