LSG Vs DC: చితక్కొట్టిన లక్నో బ్యాటర్లు - ఢిల్లీ ముందు కొండంత లక్ష్యం!

ఐపీఎల్ 2023లో ఢిల్లీ క్యాపిటల్స్‌తో జరుగుతున్న మ్యాచ్‌లో లక్నో సూపర్ జెయింట్స్‌ 20 ఓవర్లలో ఆరు వికెట్ల నష్టానికి 193 పరుగులు చేసింది.

మ్యాచ్‌లో లక్నో బ్యాటర్లు (Image: LSG Twitter)

Lucknow Super Giants vs Delhi Capitals: ఢిల్లీ క్యాపిటల్స్‌తో జరుగుతున్న ఐపీఎల్ మ్యాచ్‌లో లక్నో సూపర్ జెయింట్స్ భారీ స్కోరు చేసింది. మొదట బ్యాటింగ్ చేసిన లక్నో 20 ఓవర్లలో ఆరు వికెట్ల నష్టానికి 193 పరుగులు చేసింది. కైల్ మేయర్స్ (73: 38 బంతుల్లో, రెండు ఫోర్లు, ఏడు సిక్సర్లు) టాప్ స్కోరర్‌గా నిలిచాడు. ఢిల్లీ విజయానికి 120 బంతుల్లో 194 పరుగులు కావాలి.

టాస్ ఓడి బ్యాటింగ్‌కు దిగిన లక్నో సూపర్ జెయింట్స్ ఇన్నింగ్స్ చాలా నిదానంగా ఆరంభం అయింది. కెప్టెన్, ఓపెనర్ కేఎల్ రాహుల్ (8: 12 బంతుల్లో, ఒక సిక్సర్) నాలుగో ఓవర్లోనే అవుటయ్యాడు. పవర్ ప్లే ముగిసేసరికి లక్నో వికెట్ నష్టానికి 30 పరుగులు మాత్రమే చేసింది.

ఆ తర్వాత కైల్ మేయర్స్ (73: 38 బంతుల్లో, రెండు ఫోర్లు, ఏడు సిక్సర్లు) చెలరేగి పోయాడు. సిక్సర్లతో ఢిల్లీ బౌలర్లకు చుక్కలు చూపించాడు. దీంతో లక్నో స్కోరు పరుగులు పెట్టింది. అయితే మరో ఎండ్‌లో దీపక్ హుడా (19: 18 బంతుల్లో) క్రీజులో ఉన్నంత సేపు ఇబ్బంది పడ్డాడు. 11వ ఓవర్లో కుల్దీప్ యాదవ్ బౌలింగ్‌లో భారీ షాట్‌కు ప్రయత్నించి దీపక్ హుడా అవుటయ్యాడు. ఆ తర్వాతి ఓవర్లోనే అక్షర్ పటేల్ బౌలింగ్‌లో కైల్ మేయర్స్ కూడా అవుటయ్యాడు.

దీంతో స్కోరు వేగం కాస్త నెమ్మదించింది. కానీ నికోలస్ పూరన్ (36: 21 బంతుల్లో, రెండు ఫోర్లు, మూడు సిక్సర్లు), చివర్లో ఆయుష్ బదోని (18: 7 బంతుల్లో, ఒక ఫోర్, రెండు సిక్సర్లు) చెలరేగి ఆడారు. దీంతో లక్నో సూపర్ జెయింట్స్ 20 ఓవర్లలో ఆరు వికెట్ల నష్టానికి 193 పరుగులు చేసింది. 

లక్నో సూపర్ జెయింట్స్ తుది జట్టు
కేఎల్ రాహుల్ (కెప్టెన్), కైల్ మేయర్స్, మార్కస్ స్టోయినిస్, దీపక్ హుడా, కృనాల్ పాండ్యా, నికోలస్ పూరన్(వికెట్ కీపర్), ఆయుష్ బడోని, మార్క్ వుడ్, జయదేవ్ ఉనద్కత్, రవి బిష్ణోయ్, అవేష్ ఖాన్

ఢిల్లీ క్యాపిటల్స్ తుది జట్టు
డేవిడ్ వార్నర్ (కెప్టెన్), పృథ్వీ షా, మిచెల్ మార్ష్, రిలీ రోసౌ, సర్ఫరాజ్ ఖాన్ (వికెట్ కీపర్), రోవ్‌మన్ పావెల్, అక్షర్ పటేల్, కుల్దీప్ యాదవ్, చేతన్ సకారియా, ఖలీల్ అహ్మద్, ముఖేష్ కుమార్

Innings Break!@LucknowIPL post a mammoth total of 193/6 on board!

Are we in for a high-scoring thriller in Lucknow❓ Stay tuned!

Scorecard ▶️ https://t.co/086EqX92dA #TATAIPL#TATAIPL | #LSGvDC pic.twitter.com/X2KiXNp9pQ

— IndianPremierLeague (@IPL) April 1, 2023

A blistering 73 off 38 on #TATAIPL debut makes Kyle Mayers our 🔝 performer from the first innings of the #LSGvDC contest 🙌

Take a look at his batting summary 🔽 pic.twitter.com/vIiVLnM13V

— IndianPremierLeague (@IPL) April 1, 2023

7️⃣3️⃣ runs
3️⃣8️⃣ balls
2️⃣ fours
7️⃣ sixes

Smashing a half-century on #TATAIPL debut, the Kyle Mayers way 💥

Sit back and enjoy his flurry of sixes 🎥🔽 #LSGvDChttps://t.co/3Ov1cnzeLd

— IndianPremierLeague (@IPL) April 1, 2023