IPL 2024: బౌలింగ్ తొలి ఓవర్‌కు సిద్ధమైన విరాట్ - కోహ్లీ మార్క్ కామెడీతో నవ్వులు

Virat Kohli Teasing : కేకేఆర్‌తో మ్యాచ్‌కు ముందు కోహ్లీ గ్రౌండ్ లోకి వచ్చి బౌలింగ్‌ ప్రాక్టీస్ చేశాడు. దీంతో విరాట్ బౌలింగ్ చేస్తాడని అంతా భావించారు. కానీ విరాట్ కామెడీ చేసి వెళ్ళిపోయాడు.

బౌలింగ్ చేయబోతున్నట్టు విరాట్ కోహ్లీ కామెడీ ( Image Source : Twitter )

 Virat Kohli Teasing : మ్యాచ్ లు వరుసగా ఓడిపోతూ బీభత్సమైన ఫ్రస్ట్రేషన్ లో ఉన్న ఆర్సీబీ(RCB) ఫ్యాన్స్ ను కాస్త లైట్ చేసేందుకు ట్రై చేస్తున్నాడు సూపర్ స్టార్ విరాట్ కొహ్లీ(Virat Kohli). నిన్న కోల్ కతా(KKR) తో జరిగిన మ్యాచ్ లో అందరినీ ప్రాంక్ చేశాడు. ఈ మ్యాచ్‌లో టాస్‌ గెలిచిన ఆర్సీబీ కెప్టెన్‌ ఫాఫ్‌ డుప్లెసిస్‌ తొలుత బౌలింగ్‌ ఎంచుకున్నాడు. దీంతో ఆర్సీబీ ప్లేయర్లంతా గ్రౌండ్‌లోకి వచ్చేశారు. కోల్ కతా ముందు బ్యాటింగ్ కి దిగగా ఫస్ట్ ఓవర్ తనే వేస్తున్నట్లు అంపైర్ దగ్గరకి వెళ్లి  క్యాప్ ఇచ్చాడు కోహ్లీ . ఆ తర్వాత రనప్ ప్రాక్టీస్ చేసి క్రీజులోకి వస్తున్న నరైన్ ముందుకు వెళ్లి పుష్ప స్టైల్ లో తగ్గేదే లే అంటూ బిల్డప్ ఇచ్చాడు. నరైన్ కొహ్లీ బౌలింగ్ చేస్తున్నాడని చూసి పెద్దగా నవ్వేశాడు. ఐ విల్ కిల్ యూ అంటూ నరైన్ ముందు బిల్డప్ ఇచ్చిన కొహ్లీ తర్వాత అంపైర్ దగ్గరికి వచ్చి క్యాప్ తీసేసుకున్నాడు. సో ఇదంతా ప్రాక్ చేశాడని అర్థం చేసుకున్న అంపైర్లు కూడా నవ్వుకున్నారు.

మ్యాచ్ కి ముందు కొహ్లీ బౌలింగ్ ప్రాక్టీస్ చేయటంతో నిజంగానే బౌలింగ్ వీక్ అనిపించుకుంటున్న ఆర్సీబీకి బౌలింగ్ లోనూ కొహ్లీ హెల్ప్ అవుదామనుకుంటున్నాడని ఫ్యాన్స్ అనుకున్నారు. కానీ ఇదంతా జస్ట్ జోక్ గా చేశాడు కొహ్లీ. కానీ కొహ్లీ జోక్ సీరియస్ గా తీసుకున్న కోల్ కతా 222రన్స్ తో ఇచ్చి పడేసింది. ఆఖరు వరకు జరిగిన మ్యాచ్‌లోకోల్‌క తా చివరి బంతికి గెలుపొందింది. 

చేతిదాకా వచ్చిన మ్యాచ్‌ చేజారడంతో బెంగళూరు అభిమానులు తెగ బాధపడిపోతున్నారు. ఈ ఐపీఎల్‌లో రెండో విజయం నమోదు చేస్తామని భావించిన వేళ అనూహ్య ఓటమితో బెంగళూరు జట్టు, అభిమానులు నిర్వేదంలో మునిగిపోయారు. అయితే ఈ మ్యాచ్‌లో కింగ్‌ కోహ్లీ అవుటైన తీరు వివాదాస్పదంగా మారింది. కోహ్లీ అవుటైన బంతి నో బాల్‌ అని... అయినా విరాట్‌ వెనుదిరగడంతోనే ఒక్క పరుగుల తేడాతో ఓడిపోయామని బెంగళూరు అభిమానులు తెగ బాధపడిపోతున్నారు. క్రీజులో కోహ్లీ ఉంటే మ్యాచ్‌ ఫలితం మరోలా ఉండేదని అంటున్నారు. ఇంతకీ కోహ్లీ ఆడిన బంతి నో బాలా కాదా అనే చర్చ కూడా ప్రారంభమైంది. 

ఇంతకీ నో బాలేనా...?

కోల్‌కత్తాతో జరిగిన మ్యాచ్‌లో ఆరు బాల్స్ ఆడిన కొహ్లీ మంచి దూకుడు మీద ఉన్నాడు. రెండు సిక్సులు, ఓ ఫోర్ కొట్టి... ఎలా అయినా లక్ష్యాన్ని ఛేదించాలన్న కసితో ఉన్నాడు.కానీ హర్షిత్ రానా వేసిన మూడో ఓవర్లో  ఫస్ట్ బాల్ కొహ్లీ ఊహించలేని ఎత్తులో వచ్చింది. 

 ఆ బాల్‌ను ఢిపెన్స్‌ ఆడాలన్న ఉద్దేశంతో కోహ్లీ ఆడాగా.. అది ఎడ్జ్‌ తీసుకుని గాల్లోకి లేచింది. హర్షిత్ రానానే క్యాచ్ పట్టుకున్నాడు. బాల్‌ తన నడుముకంటే ఎక్కువ ఎత్తులో వచ్చిందని అది నోబాల్‌ అని భావించిన కోహ్లీ రివ్యూ అడుగుదామని భావించాడు. కానీ అంతలోపే  అంపైర్లే థర్డ్ అంపైర్‌కి రిఫర్‌ చేశారు. రీప్లేలో చూసిన తర్వాత కోహ్లి క్రీజు బయట ఉన్నాడని, బంతి నడుం కంటే తక్కువ ఎత్తులోనే వచ్చిందని టీవీ అంపైర్‌ ఔటిచ్చాడు.