KKR vs PBKS Match Highlights : ఊచకోత ఇన్నింగ్స్‌తో పంజాబ్‌కు ఊపిరి- క్వాలిఫైయర్స్‌ టార్గెట్‌గా శశాంక్ సింగ్ బాదుడు
PBKS News: కోల్‌కతా మర్చిపోలేని ఇన్నింగ్స్‌లలో శశాంక్ సింగ్ ఆడిన ఇన్నింగ్‌ ఒకటి. స్లో అండ్ స్టడీ అన్నట్టు విధ్వంసం సృష్టించిన ఇన్నింగ్స్‌ అది. అసాధ్యమనుకున్న లక్ష్యాన్ని చాలా ఈజీగా ఛేజ్ చేసింది పంజాబ్.
IPL 2024: టాలెంట్‌కు తోడు ప్రత్యర్థి ఎవరనే భయం లేకుండా ఈ కాన్ఫిడెన్స్ ఉంటే చాలు ఎలాంటోడైనా ఇరగదీస్తాడు. శశాంక్ సింగ్ అదే చేశాడు. కళ్ల ముందు 262 పరుగుల లక్ష్యం. టీ20ల్లో దాదాపు అసాధ్యం. ఇప్పుడు ప్రపంచ క్రికెట్‌లో ఎవరూ చేయలేదు అది. ఓ వైపు బెయిర్ స్టో సెంచరీ బాది నిలబడినా..ఇంకా విజయానికి అల్లంత దూరంలో ఉండాల్సిన పరిస్థితి. అలాంటి టైమ్‌లో క్రీజులోకి వచ్చాడు శశాంక్ సింగ్.
ఇప్పటికే ఈ సీజన్‌లో తన మెరుపు ఇన్నింగ్స్‌లతో తనంటే ఏంటో నిరూపించుకున్న శశాంక్ సింగ్...కోల్‌కతా మీద మాత్రం కాళి మాత పూనినట్లు రెచ్చిపోయాడు. ముందు స్లోగా ఆడుతున్నాడా అనే డౌట్ వచ్చేలా ఆడి సడెన్‌గా గేర్లు మార్చి కావాల్సిన టార్గెట్ ముందుకు అవలీలగా తీసుకెళ్లిపోయాడు. వరుణ్ చక్రవర్తి, చమీరా, హర్షిత్ రానా ఇలా ఏ కోల్‌కతా బౌలర్‌ని వదిలిపెట్టకుండా వరుస సిక్కులతో వాళ్లపై నిర్దాక్షిణ్యంగా దాడి చేశాడు. బంతిని అద్భుతంగా టైమింగ్ చేస్తూ పడిన బాల్ పడినట్లు స్టాండ్స్‌లోకి పంపాడు. 28 బంతులు మాత్రమే ఆడి 2ఫోర్లు, 8 భారీ సిక్సర్లతో శశాంక్ సింగ్ బాదిన 68పరుగులే పంజాబ్ సంచలన ఛేజింగ్ చేసేలా సాయపడ్డాయి.
ప్రభ్ సిమ్రన్ సింగ్ ఇచ్చిన స్టార్ట్, బెయిర్ స్టో చేసిన పోరాటానికి సరైన న్యాయం చేశాయి. సంచలన విజయం తర్వాత పోస్ట్ మ్యాచ్ ప్రజెంటేషన్‌లో మాట్లాడిన శశాంక్ సింగ్ ఇలాంటివి ఇంకా రిపీట్ చేస్తామని కాన్ఫిడెంట్‌గా చెప్పాడు. అంతే కాదు పంజాబ్ క్వాలిఫైయర్స్‌కి వెళ్లే అవకాశాలు ఇంకా మూసుకుపోలేదని.. క్వాలిఫైయర్స్‌కు వెళ్లి నిలబడేలా కచ్చితంగా పోరాడతానని చాలా కాన్ఫిడెంట్‌గా చెప్పి తన లక్ష్యం ఏంటో బలంగా చాటాడు శశాంక్ సింగ్.
టాప్ హెడ్ లైన్స్
ట్రెండింగ్ వార్తలు
