KKR Head Coach: KKR సంచలన నిర్ణయం! Chandrakant Panditకి గుడ్బై.. IPL 2026 కోసం కొత్త వ్యూహమా?
Kolkata Knight Riders : ఐపీఎల్ 2026కి ముందు కోల్కతా నైట్ రైడర్స్ కీలక నిర్ణయం తీసుకుంది. జట్టును ఛాంపియన్ చేసిన హెడ్ కోచ్ను తొలగించింది.
Kolkata Knight Riders Head Coach Chandrakant Pandit : ఇండియన్ ప్రీమియర్ లీగ్ ఫ్రాంచైజీ కోల్కతా నైట్ రైడర్స్ (KKR) IPL 2026కి ముందు ఒక పెద్ద నిర్ణయం తీసుకుంది. KKR మంగళవారం నాడు జట్టు హెడ్ కోచ్ చంద్రకాంత్ పండిట్కు వీడ్కోలు చెప్పినట్టు ప్రకటించింది. చంద్రకాంత్ పండిట్ IPL 2023కి ముందు జట్టుతో చేరారు. అతని నాయకత్వంలోనే కోల్కతా నైట్ రైడర్స్ IPL 2024 టైటిల్ను గెలుచుకుంది. అయితే, IPL 2025లో KKR ప్రదర్శన బాగా లేదు, ఇప్పుడు ఫ్రాంచైజీ , కోచ్ విడిపోయారు.
KKR సోషల్ మీడియా 'X'లో ఇలా రాసింది,"చంద్రకాంత్ పండిట్ కొత్త అవకాశాలను అన్వేషించాలని నిర్ణయించుకున్నారు. అతను కోల్కతా నైట్ రైడర్స్ ప్రధాన కోచ్గా కొనసాగబోరు. 2024లో KKRని IPL ఛాంపియన్గా నిలబెట్టడంతోపాటు బలమైన, పోరాట జట్టును రూపొందించడంలో సహాయపడిన అతని అమూల్యమైన సహకారానికి మేము కృతజ్ఞులం. అతని నాయకత్వం, క్రమశిక్షణ జట్టుపై శాశ్వతమైన, బలమైన ముద్రవేశాయి. భవిష్యత్తు కోసం వారికి శుభాకాంక్షలు తెలియజేస్తున్నాం." అని పోస్టు చేసింది.
We wish you the best for your future endeavours, Chandu Sir 🤗
— KolkataKnightRiders (@KKRiders) July 29, 2025
PS: Once a Knight, always a Knight. Kolkata will always be your home 💜 pic.twitter.com/GF0LxX5fIz
చంద్రకాంత్ పండిట్ భారతీయ దేశవాళీ క్రికెట్లో చాలా మంది పేరు ఉంది. అతను చాలా మంది క్రికెటర్ల కెరీర్ను తీర్చిదిద్దాడు. అలాగే మధ్యప్రదేశ్ కోచ్గా జట్టుకు ఒక ప్రత్యేకత తీసుకొచ్చారు. చాలా విజయాలు అందించారు. దేశవాళీ క్రికెట్లో అతని పనితీరును చూసి KKR అతన్ని జట్టుకు హెడ్ కోచ్గా నియమించింది.
భారతీయ దేశవాళీ క్రికెట్లో గౌరవనీయమైన పేర్లలో ఒకరైన పండిట్ను KKR IPL 2023కి ముందు ప్రధాన కోచ్గా నియమించింది. అతని పదవీకాలంలో మొదటి సంవత్సరంలో, జట్టు రెగ్యులర్ కెప్టెన్ శ్రేయాస్ అయ్యర్ లేకుండా పాయింట్ల పట్టికలో ఏడో స్థానంలో నిలిచింది. అయ్యర్ గాయం కారణంగా ఈ సీజన్లో ఆడలేదు. తదుపరి సంవత్సరంలో అయ్యర్ జట్టులోకి తిరిగి వచ్చాడు. గౌతమ్ గంభీర్ మెంటర్గా జట్టుతో చేరాడు. పండిట్ మార్గదర్శకత్వంలో KKR టైటిల్ను గెలుచుకోవడమే కాకుండా, వారి IPL చరిత్రలో అత్యధిక పాయింట్లు, అత్యుత్తమ నెట్ రన్ రేట్ను కూడా సాధించింది.
టాప్ హెడ్ లైన్స్
ట్రెండింగ్ వార్తలు
