IPL 2023: దక్షిణాఫ్రికా స్టార్ పేసర్ను తీసుకురానున్న ఆర్సీబీ - రీస్ టాప్లీ స్థానంలో!
గాయపడిన రీస్ టాప్లీ, రజత్ పాటీదార్ స్థానంలో రాయల్ ఛాలెంజర్స్ బెంగళూరు కొత్త ఆటగాళ్లను ప్రకటించింది.
IPL 2023: గాయపడిన తమ ఇద్దరు ఆటగాళ్లు రీస్ టాప్లీ, రజత్ పాటిదార్ స్థానంలో కొత్త ఆటగాళ్ల పేర్లను రాయల్ ఛాలెంజర్స్ బెంగళూరు ప్రకటించింది. ఇంగ్లండ్కు చెందిన రీస్ టాప్లీ స్థానంలో దక్షిణాఫ్రికాకు చెందిన వేన్ పార్నెల్ను ఆర్సీబీ చేర్చుకుంది. అదే సమయంలో భారత బ్యాట్స్మెన్ రజత్ పటీదార్కు బదులుగా వైశాక్ విజయ్ కుమార్కు జట్టులో చోటు కల్పించింది.
ఈడెన్ గార్డెన్స్లో కోల్కతా నైట్ రైడర్స్తో జరిగిన మ్యాచ్లో ఐపీఎల్ సీజన్ 16 నుంచి రీస్ టాప్లీ నిష్క్రమించినట్లు రాయల్ ఛాలెంజర్స్ బెంగళూరు ప్రధాన కోచ్ సంజయ్ బంగర్ తెలిపారు. శ్రీలంక లెగ్ స్పిన్నర్ వనిందు హసరంగా ఏప్రిల్ 10వ తేదీన న్యూజిలాండ్ నుంచి వస్తున్నట్లు కూడా సంజయ్ బంగర్ చెప్పాడు. అతనితో పాటు జోష్ హజిల్వుడ్ కూడా ఏప్రిల్ 14వ తేదీ నాటికి జట్టులో చేరవచ్చు.
గాయపడిన ఈ ఇద్దరు ఆటగాళ్ల స్థానంలో కొత్త ఆటగాళ్లను రాయల్ ఛాలెంజర్స్ బెంగళూరు ప్రకటించింది. రీస్ టాప్లీ స్థానంలో వేన్ పార్నెల్ను, రజత్ పటీదార్ స్థానంలో వైశాక్ విజయ్ కుమార్ను రాయల్ ఛాలెంజర్స్ బెంగళూరు జట్టులో చేర్చుకుంది. దక్షిణాఫ్రికా లెఫ్ట్ ఆర్మ్ ఫాస్ట్ బౌలర్ వేన్ పార్నెల్ గురించి చెప్పాలంటే... అతను ఇప్పటివరకు దక్షిణాఫ్రికా తరపున మొత్తం 56 టీ20లు, 73 వన్డేలు, ఆరు టెస్ట్ మ్యాచ్లు ఆడాడు. టెస్టుల్లో 59 వికెట్లు, వన్డేల్లో 99 వికెట్లు, టీ20ల్లో 15 వికెట్లు తీశాడు. టీ20 ఫార్మాట్లో అతని ఎకానమీ 8.29గా ఉంది.
వైశాక్ విజయ్ కుమార్ గురించి చెప్పాలంటే అతను కర్ణాటక తరపున దేశవాళీ క్రికెట్ ఆడతాడు. అతను రైట్ ఆర్మ్ మీడియా పేస్ బౌలర్. వైశాక్ విజయ్ కుమార్ 14 టీ20 మ్యాచ్లలో కేవలం 6.92 ఎకానమీ రేటు, 16.04 సగటుతో 22 వికెట్లు తీశాడు.
ఈ ఇద్దరు కొత్త ఆటగాళ్లు RCB జట్టు కాంబినేషన్ని ఎంతవరకు బ్యాలెన్స్ చేస్తారో చూడాలి. రాయల్ ఛాలెంజర్స్ బెంగళూరు ఐపీఎల్ 2023ను అద్భుతమైన విజయంతో ప్రారంభించింది. అయితే రెండో మ్యాచ్లో కోల్కతా నైట్ రైడర్స్ చేతిలో 81 పరుగుల తేడాతో ఓడిపోయింది.
IPL 2023లో రాయల్ ఛాలెంజర్స్ బెంగళూరు మ్యాచ్ల షెడ్యూల్
2 ఏప్రిల్ 2023 - రాయల్ ఛాలెంజర్స్ బెంగళూరు v ముంబై ఇండియన్స్, చిన్నస్వామి స్టేడియం, బెంగళూరు (ఎనిమిది వికెట్లతో విజయం)
6 ఏప్రిల్ 2023 - రాయల్ ఛాలెంజర్స్ బెంగళూరు v కోల్కతా నైట్ రైడర్స్, ఈడెన్ గార్డెన్ స్టేడియం, కోల్కతా (81 పరుగులతో ఓటమి)
10 ఏప్రిల్ 2023 - రాయల్ ఛాలెంజర్స్ బెంగళూరు v లక్నో సూపర్ జాయింట్స్, చిన్నస్వామి స్టేడియం, బెంగళూరు
15 ఏప్రిల్ 2023 - రాయల్ ఛాలెంజర్స్ బెంగళూరు vs ఢిల్లీ క్యాపిటల్స్, చిన్నస్వామి స్టేడియం, బెంగళూరు
17 ఏప్రిల్ 2023 - రాయల్ ఛాలెంజర్స్ బెంగళూరు vs చెన్నై సూపర్ కింగ్స్, చిన్నస్వామి స్టేడియం, బెంగళూరు
20 ఏప్రిల్ 2023 - రాయల్ ఛాలెంజర్స్ బెంగళూరు vs పంజాబ్ కింగ్స్, PCA స్టేడియం, మొహాలి
23 ఏప్రిల్ 2023 - రాయల్ ఛాలెంజర్స్ బెంగళూరు vs రాజస్థాన్ రాయల్స్, చిన్నస్వామి స్టేడియం, బెంగళూరు
26 ఏప్రిల్ 2023 - రాయల్ ఛాలెంజర్స్ బెంగళూరు vs కోల్కతా నైట్ రైడర్స్, ఎన్. చిన్నస్వామి స్టేడియం, బెంగళూరు
మే 1, 2023 - రాయల్ ఛాలెంజర్స్ బెంగళూరు v లక్నో సూపర్ జాయింట్స్, ఎకానా స్టేడియం, లక్నో
6 మే 2023 - రాయల్ ఛాలెంజర్స్ బెంగళూరు v ఢిల్లీ క్యాపిటల్స్, అరుణ్ జైట్లీ స్టేడియం ఢిల్లీ
9 మే 2023 - రాయల్ ఛాలెంజర్స్ బెంగళూరు vs ముంబై ఇండియన్స్, వాంఖడే స్టేడియం, ముంబై
14 మే 2023 - రాయల్ ఛాలెంజర్స్ బెంగళూరు vs రాజస్థాన్ రాయల్స్, సవాయ్ మాన్ సింగ్ స్టేడియం, జైపూర్
18 మే 2023 - రాయల్ ఛాలెంజర్స్ బెంగళూరు vs సన్రైజర్స్ హైదరాబాద్, హైదరాబాద్
21 మే 2023 - రాయల్ ఛాలెంజర్స్ బెంగళూరు బెంగళూరు vs గుజరాత్ టైటాన్స్, ఎన్. చిన్నస్వామి స్టేడియం, బెంగళూరు
టాప్ హెడ్ లైన్స్
ట్రెండింగ్ వార్తలు
