GT vs PBKS, 1 Innings Highlights: పంజాబ్ పప్పులుడకలేదు - గుజరాత్ టార్గెట్ ఎంత?

IPL 2023, GT vs PBKS: గుజరాత్ టైటాన్స్‌తో జరుగుతున్న మ్యాచ్‌లో పంజాబ్ కింగ్స్ తడబడింది. ఈ మ్యాచ్‌తో మొదట బ్యాటింగ్ చేసిన పంజాబ్ కింగ్స్ 20 ఓవర్లలో ఎనిమిది వికెట్లు నష్టపోయి 153 పరుగులు మాత్రమే చేసింది. మాథ్యూ షార్ట్ (36: 24 బంతుల్లో, ఆరు ఫోర్లు, ఒక సిక్సర్) టాప్ స్కోరర్‌గా నిలిచాడు. పంజాబ్ బౌలర్ మోహిత్ శర్మ కేవలం 18 మాత్రమే ఇచ్చి రెండు వికెట్లు పడగొట్టాడు. గుజరాత్ విజయానికి 120 బంతుల్లో 154 పరుగులు కావాలి.

ఈ మ్యాచ్‌లో గుజరాట్ టైటాన్స్ టాస్ గెలిచి ఫీల్డింగ్ ఎంచుకుంది. దీంతో పంజాబ్ మొదట బ్యాటింగ్‌కు దిగింది. కానీ ఓపెనర్లు ప్రభ్‌సిమ్రన్ సింగ్ (0: 2 బంతుల్లో), శిఖర్ ధావన్ (8: 8 బంతుల్లో, రెండు ఫోర్లు) ఇద్దరూ ఘోరంగా విఫలం అయ్యారు. దీంతో పంజాబ్ కింగ్స్ 28 పరుగులకే రెండు వికెట్లు కోల్పోయింది.

కానీ మాథ్యూ షార్ట్ (36: 24 బంతుల్లో, ఆరు ఫోర్లు, ఒక సిక్సర్), భానుక రాజపక్స (20: 26 బంతుల్లో, ఒక ఫోర్) పంజాబ్ ఇన్నింగ్స్‌ను కుదుటపరిచే ప్రయత్నం చేశారు. అయితే భానుక రాజపక్స మరీ నిదానంగా ఆడాడు. దీంతో స్కోరింగ్ రేటు బాగా పడిపోయింది. వీరు మూడో వికెట్‌కు 27 పరుగులు జోడించారు.

ఆ తర్వాత జితేష్ శర్మ (25: 23 బంతుల్లో, ఐదు ఫోర్లు), శామ్ కరన్ (22: 22 బంతుల్లో, ఒక ఫోర్, ఒక సిక్సర్) కూడా బ్యాట్ ఝళిపించలేకపోయారు. కానీ చివర్లో షారుక్ ఖాన్ (22: 9 బంతుల్లో, ఒక ఫోర్, రెండు సిక్సర్లు) కొంచెం వేగంగా ఆడటంతో పంజాబ్ గౌరవప్రదమైన స్కోరు సాధించింది. గుజరాత్ బౌలర్లలో మోహిత్ శర్మ రెండు వికెట్లు పడగొట్టాడు. షమీ, జాషువా లిటిల్, అల్జారీ జోసెఫ్, రషీద్ ఖాన్‌లకు తలో వికెట్ దక్కింది. 

పంజాబ్ కింగ్స్ తుది జట్టు
ప్రభ్‌సిమ్రాన్ సింగ్, శిఖర్ ధావన్ (కెప్టెన్), మాథ్యూ షార్ట్, భానుక రాజపక్స, జితేష్ శర్మ (వికెట్ కీపర్), సామ్ కర్రాన్, షారుక్ ఖాన్, హర్‌ప్రీత్ బ్రార్, కగిసో రబడ, రిషి ధావన్, అర్ష్‌దీప్ సింగ్

ఇంపాక్ట్ ప్లేయర్ సబ్‌స్టిట్యూట్స్
సికందర్ రజా, హర్‌ప్రీత్ సింగ్ భాటియా, రాహుల్ చాహర్, అథర్వ తైదే, గుర్నూర్ బ్రార్

గుజరాత్ టైటాన్స్ తుది జట్టు
వృద్ధిమాన్ సాహా (వికెట్ కీపర్), శుభమాన్ గిల్, సాయి సుదర్శన్, హార్దిక్ పాండ్యా (కెప్టెన్), డేవిడ్ మిల్లర్, రాహుల్ తెవాటియా, రషీద్ ఖాన్, అల్జారీ జోసెఫ్, మహమ్మద్ షమీ, మోహిత్ శర్మ, జాషువా లిటిల్

ఇంపాక్ట్ ప్లేయర్ సబ్‌స్టిట్యూట్స్
విజయ్ శంకర్, శివమ్ మావి, జయంత్ యాదవ్, అభినవ్ మనోహర్, శ్రీకర్ భరత్

T. I. M. B. E. R!@rashidkhan_19 strikes in his first over 👌 👌#PBKS lose Matthew Short.

Follow the match ▶️ https://t.co/RkqkycoCcd #TATAIPL | #PBKSvGT | @gujarat_titans pic.twitter.com/sNKeJ4T96z

— IndianPremierLeague (@IPL) April 13, 2023

Innings Break!

Vital contributions from the middle order powered @PunjabKingsIPL to 153/8 💪@gujarat_titans put up a solid show with the ball 👌👌

The #GT chase to begin soon!

Scorecard ▶️ https://t.co/RkqkycoCcd #TATAIPL | #PBKSvGT pic.twitter.com/aAF3E8T6Tt

— IndianPremierLeague (@IPL) April 13, 2023

He kept things tight with the ball & scalped 2⃣ wickets and for his impressive show with the ball, Mohit Sharma is the top performer from the first innings of the #PBKSvGT clash 👍 👍 #TATAIPL | @gujarat_titans

Here's his bowling summary 🔽 pic.twitter.com/w4RJlPDu2t

— IndianPremierLeague (@IPL) April 13, 2023