Vaibhav Suryavanshi Result : CBSE బోర్డ్ ఫలితాల్లో 14 ఏళ్ల వైభవ్‌ సూర్యవంశి ఫెయిల్ అయ్యాడా ?

Vaibhav Suryavanshi Result : రెండు రోజుల క్రితం వచ్చిన 10వ తరగతి ఫలితాల్లో సీబీఎస్ఈ 14 ఏళ్ల రాజస్థాన్ రాయల్స్ ఆటగాడు వైభవ్ సూర్యవంశి ఫెయిల్ అయ్యాడని వార్తలు వస్తున్నాయి.

వైభవ్‌ సూర్యవంశీ

Source : PTI

Vaibhav Suryavanshi CBSE Result : చిన్న వయసులోనే అందరి దృష్టిని ఆకర్షించిన వైభవ్‌ సూర్యవంశి, IPL 2025లో తన ఆటతో అందరినీ ఆకట్టుకున్నాడు. 14 ఏళ్ల బ్యాట్స్‌మన్‌గా అతనికి డెబ్యూ అవకాశం వచ్చినప్పుడు, అనుభవజ్ఞులైన బౌలర్లు అతనిపై ఆధిపత్యం చెలాయిస్తారని, అతనిపై ఒత్తిడి పెరుగుతుందని అనుకున్నారు. కానీ దానికి విరుద్ధంగా, అతను బౌలర్లను ఒత్తిడిలో పెట్టాడు. తన మొదటి బంతికే సిక్స్‌ కొట్టి, తాను ఎలా ఆడే బ్యాట్స్‌మన్ అని చూపించాడు. క్రీడలో హీరో అయిన వైభవ్‌, చదువులో జీరోనా? అనే ప్రశ్న ఎందుకంటే అతని బోర్డ్ పరీక్ష ఫలితాల వార్త వైరల్ అవుతోంది.

వైభవ్‌ సూర్యవంశి 10వ తరగతిలో ఫెయిలయ్యాడా?

వైభవ్‌ సూర్యవంశి ఫలితాలకు సంబంధించిన ఒక పోస్ట్ వైరల్ అయింది. దానిలోని శీర్షికలో, "ఆశ్చర్యకరమైన సంఘటన, 14 ఏళ్ల వైభవ్‌ సూర్యవంశి 10వ తరగతి CBSE బోర్డ్ పరీక్షలో ఫెయిలయ్యాడు. పేపర్‌ మూల్యాంకన లోపాలపై ఆందోళన వ్యక్తం చేస్తూ అతని సమాధాన పత్రాల DRS తరహాలో సమీక్ష చేయాలని BCCI  కోరింది" ఓ వార్త సోషల్ మీడియాలో తిరుగుతోంది.  

సోషల్ మీడియాలో వైభవ్‌ సూర్యవంశి బోర్డ్ పరీక్షలో ఫెయిలయ్యాడనే వార్త వైరల్ అయింది. అయితే వైభవ్‌్ 10వ తరగతిలో ఫెయిల్ కాలేదు, అతను పాస్ అయి 11వ తరగతిలో చేరాడని కూడా ఎక్కడా రాలేదు. మరి దీని వెనుక ఏం జరిగింది? ఎందుకు ఇలాంటి వార్త సర్క్యులేట్ అవుతోంది?

అయితే ఈ వార్త నిజం కాదు, ఇది వ్యంగ్యం. శీర్షికలోనే వైభవ్‌ సూర్యవంశి ఫెయిలయ్యాడనే వార్త తప్పు అని స్పష్టం చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Satirelogy™ by Suryabhan Kumar (@satirelogy)

వైభవ్‌ సూర్యవంశి ఏ తరగతిలో చదువుతున్నాడు?

వైభవ్‌ సూర్యవంశి 10వ తరగతిలో ఫెయిలయ్యాడా లేదా పాస్ అయ్యాడా అనే ప్రశ్న తలెత్తదు ఎందుకంటే వివిధ వర్గాల సమాచారం మేరకు  అతను ఇంకా 9వ తరగతి విద్యార్థి. తన చిన్న వయసులోనే వార్తల్లోకి వచ్చిన సూర్యవంశి, మైదానంలోకి దిగగానే విరాట్, రోహిత్, ధోని వంటి బ్యాట్స్‌మన్లు సంవత్సరాలుగా సాధించలేని రికార్డును బద్దలు కొట్టాడు.

రికార్డుల వైభవ్‌

రాజస్థాన్ రాయల్స్ ఆటగాడు వైభవ్‌ సూర్యవంశి 35 బంతుల్లో సెంచరీ సాధించాడు. ఇది IPL చరిత్రలో రెండో అతివేగవంతమైన సెంచరీ. అతను IPLలో అతివేగవంతమైన సెంచరీ సాధించిన భారతీయుడు అయ్యాడు. 37 బంతుల్లో సెంచరీ సాధించిన యూసుఫ్ పఠాన్ రికార్డును అతను బద్దలు కొట్టాడు.

వైభవ్‌ సూర్యవంశి ఇప్పటివరకు ఆడిన 5 మ్యాచ్‌లలో 209.45 స్ట్రైక్ రేటుతో 155 పరుగులు చేశాడు. ఇందులో అతను 16 సిక్స్‌లు మరియు 10 ఫోర్లు కొట్టాడు. అయితే అతని జట్టు రాజస్థాన్ రాయల్స్ IPL 2025 ప్లేఆఫ్ పోటీ నుంచి వచ్చేసింది. మరికొన్ని నామమాత్రపు మ్యాచ్‌లు రాజస్థాన్ రాయల్స్ ఆడాల్సి ఉంది. 

మరిన్ని చదవండి

ఆర్సీబీ ఉత్కంఠభరిత విజయం.. 2 పరుగులతోCSKపై గెలుపు.. అద్భుత బౌలింగ్ యశ్ దయాల్ సత్తా.. రాణించిన కోహ్లీ.. మాత్రే పోరాటం వృథా

ఖలీల్ అహ్మద్ ఓవర్‌లో రొమారియో షెఫర్డ్ ఊచకోత - ఈ మ్యాచ్ రికార్డులు ఇవే