![ABP Premium](https://cdn.abplive.com/imagebank/Premium-ad-Icon.png)
IPL 2022: ఐపీఎల్ 2022లో గ్రూపులు - రైజర్స్ గ్రూపులో ఎవరున్నారు? - మోడల్ మారుస్తున్నారుగా!
ఈ ఐపీఎల్లో అన్ని జట్లను రెండు గ్రూపులుగా విభజించారు. ఒక్కో జట్లూ 14 మ్యాచ్లు ఆడనుంది.
![IPL 2022: ఐపీఎల్ 2022లో గ్రూపులు - రైజర్స్ గ్రూపులో ఎవరున్నారు? - మోడల్ మారుస్తున్నారుగా! IPL 10 Teams To Divide into Two Groups New Model in 2022 Season IPL 2022: ఐపీఎల్ 2022లో గ్రూపులు - రైజర్స్ గ్రూపులో ఎవరున్నారు? - మోడల్ మారుస్తున్నారుగా!](https://feeds.abplive.com/onecms/images/uploaded-images/2022/02/19/163bccc95e425e9139944498cd5ef5d3_original.png?impolicy=abp_cdn&imwidth=1200&height=675)
IPL 2022 New Model: ఐపీఎల్ 2022 సీజన్ ఎలా జరుగుతుంది అనే మోడల్ను బీసీసీఐ (BCCI) అధికారికంగా ప్రకటించింది. 10 జట్లూ మొత్తంగా 14 లీగ్ మ్యాచ్లను ఆడనున్నాయి. ప్రతి జట్టూ ఐదు జట్లతో రెండేసి మ్యాచ్లు, నాలుగు జట్లతో రెండేసి మ్యాచ్లు ఆడనున్నాయి.
దీని కోసం మొత్తం 10 జట్లను రెండు భాగాలుగా విభజించారు. ఎక్కువ సార్లు ట్రోఫీ ఎవరు గెలిచారు... ఎన్నిసార్లు ఫైనల్కు చేరుకున్నారు అనే ప్రాతిపదికన ఒక జాబితా వేసి బేసి సంఖ్య జట్లను గ్రూప్-ఏగా, సరి సంఖ్య వచ్చిన జట్లను గ్రూప్-బిగా విభజించారు.
గ్రూపులు ఇవే...
దీని ప్రకారం గ్రూప్-ఏలో ముంబై ఇండియన్స్ (Mumbai Indians), కోల్కతా నైట్రైడర్స్ (Kolkata Knight Riders), రాజస్తాన్ రాయల్స్ (Rajasthan Royals), ఢిల్లీ క్యాపిటల్స్ (Delhi Capitals), లక్నో సూపర్ జెయింట్స్ (Lucknow Super Giants) ఉన్నాయి. ఇక గ్రూప్-బిలో చెన్నై సూపర్ కింగ్స్ (Chennai Super Kings), సన్రైజర్స్ హైదరాబాద్ (Sunrisers Hyderabad), రాయల్ చాలెంజర్స్ బెంగళూరు (Royal Challengers Bangalore), పంజాబ్ కింగ్స్ (Punjab Kings), గుజరాత్ టైటాన్స్ (Gujarat Titans) ఉండనున్నాయి.
ప్రతి జట్టూ తమ గ్రూపులోని జట్లతో రెండేసి మ్యాచ్లు... వేరే గ్రూపులో ఒక జట్టుతో రెండు మ్యాచ్లు, మిగిలిన జట్టుతో ఒక మ్యాచ్ ఆడనుంది. 2011లో కూడా 10 జట్లను తీసుకువచ్చినప్పుడు ఈ మోడల్లోనే మ్యాచ్లు నిర్వహించారు. అప్పుడు పుణే వారియర్స్ ఇండియా, కొచ్చి టస్కర్స్ కేరళ జట్లు ఐపీఎల్కు కొత్తగా పరిచయం అయ్యాయి.
మొత్తం నాలుగు వేదికల్లో 70 లీగ్ మ్యాచ్లు జరగనున్నాయి. ముంబైలోని వాంఖడే, బ్రబౌర్న్, డీవై పాటిల్ స్టేడియంలు, పుణేలో ఎంసీఏ ఇంటర్నేషనల్ స్టేడియంల్లో ఈ మ్యాచ్లు జరగనున్నాయి. ప్రతి జట్టూ వాంఖడే, బ్రబౌర్న్ సేడియంల్లో నాలుగు మ్యాచ్లూ... మిగతా రెండు వేదికల్లో మూడేసి మ్యాచ్లు జరగనున్నాయి.
View this post on Instagram
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)