Sachin Tendulkar: ఈడెన్లో అత్యధిక పరుగులు - సచిన్ రికార్డు బ్రేక్ అవుతుందా?
గురువారం ఈడెన్ గార్డెన్స్లో జరిగే మ్యాచ్లో విరాట్ కోహ్లీ కొత్త రికార్డు సృష్టించే అవకాశం ఉంది.
India vs Sri Lanka 2nd ODI Kolkata Virat Kohli: భారత్-శ్రీలంక మధ్య వన్డే సిరీస్లో భాగంగా గురువారం కోల్కతాలోని ఈడెన్ గార్డెన్స్లో రెండో వన్డే జరగనుంది. మూడు వన్డేల సిరీస్లో టీమిండియా 1-0 ఆధిక్యంలో నిలిచింది. ఇప్పుడు సిరీస్ కైవసం చేసుకోవాలనే ఉద్దేశ్యంతో రంగంలోకి దిగనుంది. భారత మాజీ కెప్టెన్ విరాట్ కోహ్లీ ఈ మ్యాచ్లో సచిన్ టెండూల్కర్ ప్రత్యేక రికార్డును బద్దలు కొట్టే అవకాశం ఉంది. కానీ దీని కోసం విరాట్ చాలా కష్టపడాల్సి ఉంటుంది. ఒకే మ్యాచ్లో ఏకంగా 171 పరుగులు చేయాలి.
కోల్కతా వేదికగా భారత్, శ్రీలంక మధ్య జరిగే మ్యాచ్ ఉత్కంఠభరితంగా సాగనుంది. ఇందులో గెలిచి సిరీస్ కైవసం చేసుకోవాలని టీమ్ ఇండియా భావిస్తోంది. మరోవైపు విజయంతో సిరీస్లో పుంజుకోవాలని శ్రీలంక జట్టు ప్రయత్నిస్తోంది. ఈడెన్ గార్డెన్స్లో వన్డేల్లో అత్యధిక పరుగులు చేసిన రికార్డు సచిన్ టెండూల్కర్ పేరిట ఉంది. ఈ మైదానంలో 12 వన్డే ఇన్నింగ్స్ల్లో సచిన్ 496 పరుగులు చేశాడు. ఈ విషయంలో కోహ్లీ అతనికి కొంచెం దూరంగా ఉన్నాడు. శ్రీలంకపై 171 పరుగులు చేస్తే విరాట్ కోహ్లీ ఆ రికార్డును తన పేరు మీదకు తెచ్చుకుంటాడు.
సచిన్ టెండూల్కర్ ఈడెన్ గార్డెన్స్లో 12 ఇన్నింగ్స్ ఆడాడు. ఈ మ్యాచ్ల్లో ఒక సెంచరీ, నాలుగు అర్ధ సెంచరీల సహాయంతో 496 పరుగులు చేశాడు. ఈ విషయంలో విరాట్ కోహ్లీ మూడో స్థానంలో ఉన్నాడు. అతను ఆరు ఇన్నింగ్స్ల్లో 326 పరుగులు చేశాడు. ఈ మైదానంలో కోహ్లి ఒక సెంచరీ, మూడు హాఫ్ సెంచరీలు చేశాడు. భారత మాజీ కెప్టెన్ మహ్మద్ అజారుద్దీన్ 332 పరుగులతో రెండో స్థానంలో ఉన్నాడు. రోహిత్ శర్మ ఐదో స్థానంలో ఉన్నాడు. అతను రెండు మ్యాచ్ల్లో 271 పరుగులు చేశాడు. ఈ మైదానంలో రోహిత్ 264 పరుగుల రికార్డును సాధించడం విశేషం.
కోల్కతాలోని ఈడెన్ గార్డెన్స్లో అత్యధిక పరుగులు చేసిన బ్యాట్స్మెన్
496 పరుగులు - సచిన్ టెండూల్కర్ (భారత్)
332 పరుగులు - మహ్మద్ అజారుద్దీన్ (భారత్)
326 పరుగులు - విరాట్ కోహ్లీ (భారత్)
306 పరుగులు - అరవింద్ డి సిల్వా (శ్రీలంక)
271 పరుగులు - రోహిత్ శర్మ (భారత్)
View this post on Instagram
టాప్ హెడ్ లైన్స్
ట్రెండింగ్ వార్తలు
