IND vs NZ, T20 LIVE: 14.3 ఓవర్లలో ముగిసేసరికి న్యూజిలాండ్ స్కోరు 111-2, ఎనిమిది వికెట్లతో న్యూజిలాండ్ విజయం
T20 WC 2021, Match 28, IND vs NZ: ఐసీసీ టీ20 వరల్డ్ కప్‌లో భాగంగా నేడు జరిగిన మ్యాచ్‌లో ఇండియా, న్యూజిలాండ్ తలపడనున్నాయి.
LIVE
Background
టీ20 వరల్డ్‌కప్‌లో నేడు జరగనున్న మ్యాచ్‌లో భారత్, న్యూజిలాండ్‌తో తలపడనుంది. భారత్ సెమీస్‌కు చేరాలంటే ఈ మ్యాచ్‌లో కచ్చితంగా గెలవాల్సిందే. అయితే భారత్.. వరల్డ్ కప్‌లో న్యూజిలాండ్‌పై గెలిచి 18 సంవత్సరాలు అయిపోతుంది. టీ20 వరల్డ్ కప్‌లో అయితే ఇంతవరకు ఒక్కసారి కూడా విజయం సాధించలేదు. 2007, 2016 సంవత్సరాల్లో టీ20 వరల్డ్ కప్‌లో న్యూజిలాండ్‌తో జరిగిన మ్యాచ్‌ల్లో భారత్‌కు పరాజయమే ఎదురైంది.
విధ్వంసకరమైన బ్యాటర్లు, పటిష్టమైన బౌలర్లు, ప్రపంచస్థాయి ఫీల్డర్లు టీమిండియా సొంతం. అయితే అన్నీ ఉన్నా.. అల్లుడి నోట్లో శని అన్నట్లు అవసరం అయినప్పుడు వరుసగా వైఫల్యాలే వెక్కిరిస్తున్నాయి. పాక్‌తో మ్యాచ్‌లో కోహ్లీ, పంత్ మినహా.. మిగతా బ్యాట్స్‌మెన్ ఎవరూ రాణించలేదు. ఇక బౌలింగ్ యూనిట్ మాత్రం పూర్తిగా విఫలం అయింది. అత్యంత కీలకమైన ఈ మ్యాచ్‌లో ఓపెనర్లు రోహిత్, రాహుల్‌తో పాటు సూర్యకుమార్ యాదవ్, జడేజా, హార్దిక్ అందరూ రాణించాల్సిన అవసరం ఉంది. బౌలింగ్‌లో బుమ్రా, షమీ, వరుణ్ చక్రవర్తి కీలకం కానున్నారు. హార్దిక్ పాండ్యా, భువీల్లో ఎవరినైనా పక్కన పెట్టి శార్దూల్ ఠాకూర్‌ను జట్టులోకి తీసుకునే అవకాశం ఉంది.
న్యూజిలాండ్ బ్యాటింగ్ ఆర్డర్‌లో మార్టిన్ గుప్టిల్, కేన్ విలియమ్సన్, డెవాన్ కాన్వే కీలకం కానున్నారు. బౌలింగ్‌లో కూడా టిమ్ సౌతీ, ట్రెంట్ బౌల్ట్, మిషెల్ శాంట్నర్ వంటి అత్యుత్తమ బౌలర్లు ఉన్నారు. కానీ పాకిస్తాన్ మీద వీరు కూడా విఫలం అయ్యారు. ట్రెంట్ బౌల్డ్ ఇదే పిచ్‌లపై ఐపీఎల్‌లో అద్భుతంగా రాణించాడు. కేన్ విలియమ్సన్ ప్రస్తుతం ఫాంలో లేక ఇబ్బంది పడుతున్నాడు. ఈ రెండు జట్ల మధ్య ఇంతవరకు 22 మ్యాచ్‌లు జరగ్గా.. 11 మ్యాచ్‌ల్లో న్యూజిలాండ్ విజయం సాధించింది. ఏడు మ్యాచ్‌ల్లో ఇండియా విజయం సాధించగా.. నాలుగు మ్యాచ్‌లు డ్రా అయ్యాయి.
శుక్రవారం జరిగిన సూపర్ 12 మ్యాచ్‌లో పాక్.. నాటకీయ పరిస్థితుల్లో ఆఫ్ఘనిస్తాన్‌పై విజయం సాధించింది. పాక్ విజయానికి చివరి 12 బంతుల్లో 24 పరుగులు సాధించాల్సి ఉండగా.. క్రీజులో ఇద్దరూ కొత్త బ్యాట్స్‌మెనే ఉన్నారు. దీంతో మొగ్గు ఆఫ్ఘనిస్తాన్ వైపే ఉంది. అయితే ఆసిఫ్ అలీ.. ఒకే ఓవర్లో నాలుగు సిక్సర్లతో మ్యాచ్‌ను గెలిపించాడు. అయితే ఈ మ్యాచ్‌లో ఆఫ్ఘన్ విజయం సాధించి ఉంటే.. వాళ్లు కూడా సెమీస్ రేసులోకి వచ్చేవారు. పెద్ద జట్లయిన భారత్, న్యూజిలాండ్‌తో జరిగే మ్యాచ్‌ల్లో ఒక్క దాంట్లో విజయం సాధించినా సెమీస్‌కు చేరేందుకు వారికే మంచి చాన్స్ ఉండేది. ఈ మ్యాచ్‌లో పాక్ విజయం సాధించడం కూడా ఒకరకంగా భారత్‌కు మంచి చేసినట్లే. పాకిస్తాన్ తర్వాతి మ్యాచ్‌లు నమీబియా, స్కాట్లాండ్‌లతో కాబట్టి.. పాక్ అజేయంగా సెమీస్‌కు చేరడం దాదాపు ఖాయమే.
14.3 ఓవర్లలో ముగిసేసరికి న్యూజిలాండ్ స్కోరు 111-2, ఎనిమిది వికెట్లతో న్యూజిలాండ్ విజయం
శార్దూల్ ఠాకూర్ వేసిన ఈ ఓవర్లో మొదటి మూడు బంతుల్లోనే న్యూజిలాండ్ మ్యాచ్ ముగించింది. దీంతో వారి సెమీస్ అవకాశాలు మెరుగయ్యాయి.
డెవాన్ కాన్వే 2(4)
కేన్ విలియమ్సన్ 33(31)
శార్దూల్ ఠాకూర్ 1.3-0-17-0
14 ఓవర్లు ముగిసేసరికి న్యూజిలాండ్ స్కోరు 108-2, లక్ష్యం 111 పరుగులు
హార్దిక్ పాండ్యా వేసిన ఈ ఓవర్లో 12 పరుగులు వచ్చాయి. న్యూజిలాండ్ విజయానికి 36 బంతుల్లో మూడు పరుగులు కావాలి.
డెవాన్ కాన్వే 1(3)
కేన్ విలియమ్సన్ 31(29)
హార్దిక్ పాండ్యా 2-0-17-0
13 ఓవర్లు ముగిసేసరికి న్యూజిలాండ్ స్కోరు 96-2, లక్ష్యం 111 పరుగులు
బుమ్రా వేసిన ఈ ఓవర్లో 2 పరుగులు వచ్చాయి. డేరిల్ మిషెల్ అవుటయ్యాడు. న్యూజిలాండ్ విజయానికి 42 బంతుల్లో 15 పరుగులు కావాలి.
డెవాన్ కాన్వే 0(2)
కేన్ విలియమ్సన్ 21(24)
బుమ్రా 4-0-19-2
డేరిల్ మిచెల్ (సి) రాహుల్ (బి) బుమ్రా (49: 35 బంతుల్లో, నాలుగు ఫోర్లు, మూడు సిక్సర్లు)
12 ఓవర్లు ముగిసేసరికి న్యూజిలాండ్ స్కోరు 94-1, లక్ష్యం 111 పరుగులు
హార్దిక్ పాండ్యా వేసిన ఈ ఓవర్లో 5 పరుగులు వచ్చాయి. న్యూజిలాండ్ విజయానికి 48 బంతుల్లో 17 పరుగులు కావాలి.
డేరిల్ మిచెల్ 49(33)
కేన్ విలియమ్సన్ 20(22)
హార్దిక్ పాండ్యా 1-0-5-0
11 ఓవర్లు ముగిసేసరికి న్యూజిలాండ్ స్కోరు 89-1, లక్ష్యం 111 పరుగులు
బుమ్రా వేసిన ఈ ఓవర్లో 6 పరుగులు వచ్చాయి. న్యూజిలాండ్ విజయానికి 54 బంతుల్లో 22 పరుగులు కావాలి.
డేరిల్ మిచెల్ 47(31)
కేన్ విలియమ్సన్ 17(18)
బుమ్రా 3-0-17-1
టాప్ హెడ్ లైన్స్
ట్రెండింగ్ వార్తలు
