IND vs NZ 1st Test Day 3: కివీస్‌కు స్పిన్‌ భయం పోయిందా? లంచ్‌ టైమ్‌కు న్యూజిలాండ్‌ 197/2

తొలి టెస్టులో ప్రత్యర్థి న్యూజిలాండ్‌ దూసుకుపోతోంది. మూడో రోజు భోజన విరామానికి 197/2తో నిలిచింది. టామ్‌ లేథమ్‌ భారీ స్కోరు వైపు సాగుతున్నాడు.

By: ABP Desam | Updated at : 27 Nov 2021 12:22 PM (IST)

Edited By: Ramakrishna Paladi

IND vs NZ

టీమ్‌ఇండియాకు కివీస్‌ దీటుగానే బదులిస్తోంది. కాన్పూరు టెస్టులో పైచేయి సాధించేందుకు ప్రయత్నిస్తోంది. మూడో రోజు, శనివారం భోజన విరామానికి 2 వికెట్లు నష్టపోయి 197 పరుగులు చేసింది. ఓపెనర్‌ టామ్ లేథమ్‌ (82 బ్యాటింగ్‌; 239 బంతుల్లో 10x4) శతకం వైపు సాగిపోతున్నాడు. ప్రస్తుతం అజింక్య సేన కన్నా కివీస్‌ 148 పరుగులే వెనకబడి ఉంది.

ఓవర్‌నైట్‌ స్కోరు 129/0తో కివీస్‌ మూడోరోజు ఆట ఆరంభించింది. సమయోచితంగా ఆడుతున్న ఓపెనర్‌ విల్‌యంగ్‌ (89; 214 బంతుల్లో 15x4) శతకం వైపు నెమ్మదిగా సాగిపోయాడు. కీలక సమయంలో అతడిని అశ్విన్‌ పెవిలియన్‌ పంపించాడు. 151 పరుగుల ఓపెనింగ్ భాగస్వామ్యానికి తెరిదించాడు. ఆ తర్వాత కేన్‌ విలియమ్సన్‌ (18; 64 బంతుల్లో 2x4) అండతో టామ్‌ లేథమ్ ఇన్నింగ్స్‌ నడిపించాడు. టీమ్‌ఇండియా బౌలర్లను సమర్థంగా ఎదుర్కొన్నాడు. రెండో వికెట్‌కు 117 బంతుల్లో 46 పరుగుల భాగస్వామ్యం అందించాడు.

వికెట్‌ కోసం ఎదురు చూసుకున్న టీమ్‌ఇండియాకు ఉమేశ్‌ యాదవ్‌ బ్రేకిచ్చాడు. 85.3వ బంతికి కివీస్ సారథి కేన్‌ విలియమ్సన్‌ను వికెట్ల ముందు దొరకబుచ్చుకున్నాడు. అప్పటికి స్కోరు 197/2. వెంటనే అంపైర్లు భోజన విరామం ప్రకటించారు. ఈ రోజు భారత బౌలర్లు వికెట్లు తీయకపోతే మ్యాచులు గెలుపు కష్టం అవుతుంది.

Umesh Yadav strikes at the stroke of Lunch on Day 3 to dismiss the New Zealand Captain.

New Zealand 197/2, trail #TeamIndia (345) by 148 runs.

Scorecard - https://t.co/9kh8Df6cv9 #INDvNZ @Paytm pic.twitter.com/w9nHPwqD7J
— BCCI (@BCCI) November 27, 2021