SL vs SA, Innings Highlight: లంకేయుల విజయం 'కిల్‌' చేసిన మిల్లర్‌! ఆఖరి ఓవర్లో వరుస సిక్సర్లు
శ్రీలంకపై దక్షిణాఫ్రికా విజయం అందుకుంది. ఆఖరి ఓవర్లో సిక్సర్లు బాదేసిన మిల్లర్‌ లంకేయుల ఆశలను చిదిమేశాడు.
తెంబా బవుమా
ఐసీసీ టీ20 ప్రపంచకప్‌లో సూపర్‌ 12లో దక్షిణాఫ్రికా అద్భుతం చేసింది. శ్రీలంకపై నాలుగు వికెట్ల తేడాతో విజయ దుందుభి మోగించింది. ఆఖరి వరకు గెలుపు ఆశల్లేని సఫారీ జట్టును కిల్లర్‌ మిల్లర్‌ (23*: 13 బంతుల్లో 2x6) వరుసగా రెండు సిక్సర్లు బాదేసి గెలిపించాడు. మొదట పాతుమ్‌ నిసాంక (72), చరిత్‌ అసలంక (21) రాణించడంతో లంకేయులు 142 పరుగులు చేశారు. ఛేదనలో తెంబా బవుమా (46: 46 బంతుల్లో 1x4, 1x6) ఆకట్టుకున్నాడు.
మిల్లర్‌ 'కిల్లింగ్‌'
షార్జా బౌలింగ్‌కు అనుకూలించడంతో సఫారీలు లక్ష్యం ఛేదించేందుకు కష్టపడ్డారు. ఓపెనర్లు రెజా హెండ్రిక్స్‌ (11), క్వింటన్‌ డికాక్‌ (12)ను ఒకే ఓవర్లో బంతి వ్యవధిలో చమీరా ఔట్‌ చేశాడు. అప్పటికి స్కోరు 26/2. మరికాసేపటికే డుసెన్‌ (16) రనౌట్‌ అవ్వడంతో కెప్టెన్‌ తెంబా బవుమా గెలుపు భారం మోశాడు. లంకేయుల బౌలింగ్‌లో ఆచితూచి ఆడుతూ బంతికో పరుగు చేశాడు. డుసెన్‌తో మూడో వికెట్‌కు 23, మార్‌క్రమ్‌ (19)కు నాలుగో వికెట్‌కు 47 పరుగుల భాగస్వామ్యాలు నమోదు చేశాడు. 14.6వ బంతికి మార్క్‌క్రమ్‌, 17.1కి బవుమా, 17.2కు ప్రిటోరియస్‌ (0)ను హసరంగ ఔట్‌ చేసి హ్యాట్రిక్ నమోదు చేశాడు. దాంతో సఫారీలు 12 బంతుల్లో 25 పరుగులు చేయాల్సి వచ్చింది. రబాడ (13*) ఓ సిక్సర్‌, ఆఖరి ఓవర్లో మిల్లర్‌ వరుసగా రెండు సిక్సర్లు బాదడంతో దక్షిణాఫ్రికా రెండో విజయం నమోదు చేసింది.
నిసాంక ఒక్కడే!
మొదట బ్యాటింగ్‌ చేసిన లంకేయులను శంషి (3), ప్రిటోరియస్‌ (3), నార్జ్‌ (2) వణికించారు. దాంతో ముగ్గురు తప్ప మిగతా బ్యాట్స్‌మెన్‌ సింగిల్‌ డిజిట్‌కే పరిమితం అయ్యారు. కానీ ఓపెనర్‌ పాథుమ్‌ నిసాంక మాత్రం అద్భుతంగా ఆడాడు. మరో వైపు వికెట్లు పడుతున్నా కీలక భాగస్వామ్యాలు నమోదు చేశాడు. తొలి వికెట్‌కు 20, రెండో వికెట్‌కు 40, నాలుగో వికెట్‌కు 15, ఐదో వికెట్‌కు 14, ఐదో వికెట్‌కు 19, ఆరో వికెట్‌కు 21 పరుగుల భాగస్వామ్యాలు అందించాడు. చరిత్‌ అసలంక, దసున్‌ శనక (11) అతడికి తోడుగా నిలిచారు.
Also Read: IPL 2022 Retention Rules: కొత్త రూల్స్‌ ఇవే! ఐపీఎల్‌ జట్లు ఎంతమందిని అట్టిపెట్టుకోవచ్చంటే..?
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
Miller delivers for South Africa 💪#T20WorldCup | #SAvSL | https://t.co/bJIWWFNtds pic.twitter.com/DGCKu9gskW
— T20 World Cup (@T20WorldCup) October 30, 2021
ఇవి కూడా చూడండి
IPL 2024: వేలానికి 1166 మంది ఆటగాళ్లు దరఖాస్తు , ఆస్ట్రేలియా ఆటగాళ్లకు భారీ ధర?
Pro Kabaddi 2023: ఇక సమరమే....నేటి నుంచే ప్రో కబడ్డీ సీజన్‌-10
IND vs AUS T20I: భారత్‌దే అత్యధిక విజయాల రికార్డు - పాకిస్థాన్‌ రికార్డు బద్దలు
Mitchell Marsh: ట్రోఫీపై మళ్లీ కాళ్లు పెడతా , అందులో తప్పేముంది
India vs Australia 4th T20I: సత్తా చాటిన యువ భారత్, మరో మ్యాచ్ మిగిలి ఉండగానే సీరీస్ కైవసం
టాప్ స్టోరీస్
తెలంగాణలో రేపే కౌంటింగ్‌-ఉదయం 10గంటల్లోగా తొలి ఫలితం
Chandrababu: ఈ నెల 10 నుంచి చంద్రబాబు జిల్లాల పర్యటన - పూర్తి షెడ్యూల్ వివరాలు
Magic figure tention: మ్యాజిగ్ ఫిగర్‌ దాటకపోతే ఏం చేయాలి-మంతనాల్లో మునిగిపోయిన పార్టీలు
Alia Bhatt Rashmika: క్రష్మిక క్లబ్‌లో ఆలియా భట్ - భర్తను వదిలేసింది ఏంటి?
