X

PAK vs NZ, Match Highlights: వారెవ్వా 'మిత్రుడి పోరాటం'! పాక్‌ను ఓడించినంత పనిచేసిన కివీస్‌..!

ఐసీసీ టీ20 ప్రపంచకప్‌లో పాకిస్థాన్‌ వరుసగా రెండో మ్యాచ్‌ గెలిచింది. కివీస్‌ను 5 వికెట్ల తేడాతో ఓడించింది. స్వల్ప లక్ష్యమే అయినా న్యూజిలాండ్‌ ఆఖరి వరకు పోరాడి ఆకట్టుకుంది.

FOLLOW US: 

టీమ్‌ఇండియా చేయాల్సిన పనిని 'దగ్గరి మిత్రుడు' న్యూజిలాండ్‌ చేసి చూపించింది. 135 పరుగుల స్వల్ప లక్ష్యాన్ని కాపాడుకొనేందుకు చివరి వరకు పోరాడింది. దాదాపుగా మన దాయాది పాకిస్థాన్‌ను ఓడించేందుకు ప్రయత్నించింది. ఛేదన ఆరంభంలో మహ్మద్‌ రిజ్వాన్‌ (33; 34 బంతుల్లో 5x4), ఆఖర్లో షోయబ్‌ మాలిక్‌ (27*; 20 బంతుల్లో 2x4, 1x6), అసిఫ్‌ అలీ (27*; 12 బంతుల్లో 1x4, 3x6)  రాణించడంతో పాక్‌ 5 వికెట్ల తేడాతో విజయం సాధించింది. అంతకు ముందు కివీస్‌లో కేన్‌ విలియమ్సన్‌ (25; 26 బంతుల్లో 2x4, 1x6), డేవాన్‌ కాన్వే (27; 24 బంతుల్లో 3x4), డరైల్‌ మిచెల్‌ (27; 20 బంతుల్లో 1x4, 2x6) ఫర్వాలేదనిపించారు.


16 ఓవర్ల వరకు కివీస్‌దే..!


పాక్‌ ఫామ్‌కు కివీస్‌ నిర్దేశించిన లక్ష్యం ఏ మాత్రం సరిపోదని అంతా అనుకున్నారు. కానీ పిచ్‌ పరిస్థితులు, వ్యూహాలు, బౌలింగ్‌లో వైవిధ్యంతో కివీస్‌ ప్రత్యర్థిని ఓడించినంత పనిచేసింది. మైదానంలో ఫీల్డర్లు చురుగ్గా కదిలారు. 16 ఓవర్ల వరకు పాక్‌ను భయపెట్టారు. ఓపెనర్‌ రిజ్వాన్‌ ఒక్కడే 12 ఓవర్ల వరకు నిలబడి పరుగులు చేశాడు. బాబర్‌ ఆజామ్‌ (9), ఫకర్‌ జమాన్‌ (11), మహ్మద్‌ హఫీజ్ (11), ఇమాద్‌ వసీమ్‌ (11) త్వరగా పెవిలియన్‌ చేరడంతో 16 ఓవర్లకు పాక్‌ 98/5తో ఇబ్బందుల్లో పడింది. 17 ఓవర్లో అసిఫ్‌ అలీ రెండు సిక్సర్లు బాది ఒత్తిడి తగ్గించాడు. తర్వాతి ఓవర్లో షోయబ్‌ మాలిక్‌ సిక్సర్‌, ఫోర్‌ బాదేయడంతో సమీకరణం సులువైంది. ఆ తర్వాతి ఓవర్లో అలీ మరో సిక్సర్‌ దంచడంతో పాక్‌ వరుసగా రెండో విజయం అందుకుంది. ఇది ఒకందుకు టీమ్‌ఇండియాకు మంచిదే. సెమీస్‌ చేరేందుకు అవకాశాలు మెరుగ్గా ఉంటాయి.


ముగ్గురి పోరాటం


టాస్‌ ఓడిపోవడంతో న్యూజిలాండ్‌ మొదట బ్యాటింగ్‌ చేయాల్సి వచ్చింది. తొలి మ్యాచ్‌లాగే పాక్‌ బౌలర్లు కట్టుదిట్టంగా బంతులేసినా ఓపెనర్లు మార్టిన్‌ గప్తిల్‌ (17), డరైల్‌ మిచెల్‌ (27) 36 పరుగుల భాగస్వామ్యం అందించారు. మంచి బంతుల్ని వీరు గౌరవిస్తూనే బౌండరీలు బాదేశారు. గప్తిల్‌ను రౌఫ్‌ బౌల్డ్‌ చేసినా ఒకసారి లైఫ్‌ పొందిన విలియమ్సన్‌ (25) వికెట్ల పతనం అడ్డుకున్నాడు. స్పిన్నర్లపై దాడి చేశాడు. కానీ జట్టు స్కోరు 54 వద్ద 2 పరుగుల వ్యవధిలో మిచెల్‌, నీషమ్‌ (1) ఔటయ్యారు. ఈ క్రమంలో డేవాన్‌ కాన్వే (27) తోడుగా విలియమ్సన్‌ 34 పరుగుల భాగస్వామ్యం నెలకొల్పాడు. కీలక సమయంలో అనవసర పరుగుకు యత్నించిన కేన్‌ను అద్భుతమైన మెరుపు త్రోతో హసన్‌ అలీ ఔట్‌ చేశాడు. ఫిలిప్స్‌ (13)తో కాన్వే 26 పరుగుల పార్ట్‌నర్‌షిప్‌ నమోదు చేయడంతో స్కోరు వంద దాటింది. ఆఖర్లో రౌఫ్‌ (4/22)  సహా పాక్‌ బౌలర్లు పుంజుకోవడంతో కివీస్‌ 134/8కి పరిమితమైంది.


Also Read: Ind Vs Pak: పాక్ పైచేయి సాధించింది అక్కడే.. కాస్త జాగ్రత్త పడి ఉంటే?


ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి





Tags: Pakistan ICC New Zealand T20 WC 2021 Pak Vs NZ Kane Williamson Sharjah Cricket Stadium ICC Men's T20 WC Babar Azam

సంబంధిత కథనాలు

IND vs NZ Kanpur Test: యాష్‌ నువ్వే భేష్‌..! బ్యాటర్ల బుర్రల్లో చిక్కుముళ్లు వేశావన్న వెటోరీ

IND vs NZ Kanpur Test: యాష్‌ నువ్వే భేష్‌..! బ్యాటర్ల బుర్రల్లో చిక్కుముళ్లు వేశావన్న వెటోరీ

IND vs NZ: అక్షర్‌ అస్త్ర ప్రయోగానికి కివీస్‌ విలవిల..! 4 టెస్టుల్లోనే 5సార్లు 5 వికెట్ల ఘనత

IND vs NZ: అక్షర్‌ అస్త్ర ప్రయోగానికి కివీస్‌ విలవిల..! 4 టెస్టుల్లోనే 5సార్లు 5 వికెట్ల ఘనత

Ind Vs NZ, 1st Test: మూడోరోజు ముగిసేసరికి భారత్ 14/1.. అశ్విన్, అక్షర్ రికార్డులు!

Ind Vs NZ, 1st Test: మూడోరోజు ముగిసేసరికి భారత్ 14/1.. అశ్విన్, అక్షర్ రికార్డులు!

Ind Vs NZ, 1st Test: 296 పరుగులకు న్యూజిలాండ్ ఆలౌట్.. భారత్ ఆధిక్యం ఎంతంటే?

Ind Vs NZ, 1st Test: 296 పరుగులకు న్యూజిలాండ్ ఆలౌట్.. భారత్ ఆధిక్యం ఎంతంటే?

Kapil Dev: ముందు పాండ్యను బౌలింగ్‌ చేయనివ్వండి..! నా వరకైతే అశ్వినే మెరుగైన ఆల్‌రౌండర్‌

Kapil Dev: ముందు పాండ్యను బౌలింగ్‌ చేయనివ్వండి..! నా వరకైతే అశ్వినే మెరుగైన ఆల్‌రౌండర్‌
SHOPPING
Kitchen Appliances
LAPTOP AND ACCESORIES
Mobiles Deal
Diwali Gift
Kitchen
Make Up
Top Mobiles
Immunity Booster

టాప్ స్టోరీస్

Balakrishna Speech: సినిమాకు ప్రభుత్వాలు సహకరించాలి.. అఖండ వేదికపై బాలయ్య స్పీచ్.. మరో సినిమాపై హింట్.. దర్శకుడు ఎవరంటే?

Balakrishna Speech: సినిమాకు ప్రభుత్వాలు సహకరించాలి.. అఖండ వేదికపై బాలయ్య స్పీచ్.. మరో సినిమాపై హింట్.. దర్శకుడు ఎవరంటే?

Sirivennela: సిరివెన్నెలకి అస్వస్థత.. కిమ్స్ లో ట్రీట్మెంట్.. స్పందించిన కుటుంబసభ్యులు

Sirivennela: సిరివెన్నెలకి అస్వస్థత.. కిమ్స్ లో ట్రీట్మెంట్.. స్పందించిన కుటుంబసభ్యులు

Nothing Ear 1: ఈ సూపర్ ఇయర్‌బడ్స్ ధర భారీ తగ్గింపు.. ఏకంగా రూ.వేయికి పైగా.. ఇప్పుడు ఎంతంటే?

Nothing Ear 1: ఈ సూపర్ ఇయర్‌బడ్స్ ధర భారీ తగ్గింపు.. ఏకంగా రూ.వేయికి పైగా.. ఇప్పుడు ఎంతంటే?

Akhanda Trailer 2: థియేటర్లలో మాస్ జాతర ఖాయం.. తల తెంచుకుని వెళ్లిపోవడమే.. రెండో ట్రైలర్ వచ్చేసింది!

Akhanda Trailer 2: థియేటర్లలో మాస్ జాతర ఖాయం.. తల తెంచుకుని వెళ్లిపోవడమే.. రెండో ట్రైలర్ వచ్చేసింది!