స్కాంట్లాండ్‌పై ఘన విజయం సాధించిన దక్షిణాఫ్రికా

అండర్‌-19 వరల్డ్‌ కప్‌లో భాగంగా శనివారం స్కాంట్లాండ్‌, దక్షిణాఫ్రికా మధ్య జరిగిన మ్యాచ్‌లో ఏడు వికెట్ల తేడాతో ఆతిథ్య జట్టు విజయం సాధించింది. దక్షిణాఫ్రికా జట్టు 27 ఓవర్లలోనే లక్ష్యాన్నిచేధించింది.

విజయానందంలో దక్షిణాఫ్రికా జట్టు సభ్యులు

అండర్‌-19 వరల్డ్‌ కప్‌ గ్రూప్‌-బిలో భాగంగా శనివారం స్కాంట్లాండ్‌, దక్షిణాఫ్రికా మధ్య జరిగిన మ్యాచ్‌లో ఏడు వికెట్ల తేడాతో ఆతిథ్య జట్టు విజయం సాధించింది. ఈ మ్యాచ్‌లో టాస్‌ గెలిచి తొలుత బౌలింగ్‌ ఎంచుకున్న దక్షిణాఫ్రికా జట్టు స్కాంట్లండ్‌ జట్టును 269 పరుగులకు కట్టడి చేసంది. 270 పరుగుల లక్ష్యంతో బరిలోకి దిగిన దక్షిణాఫ్రికా జట్టు మూడు వికెట్ల నష్టపోయి 27 ఓవర్లలోనే లక్ష్యాన్ని చేధించింది. సెన్వెస్‌ స్టేడియంలో జరిగిన ఈ మ్యాచ్‌లో దక్షిణాఫ్రికా బ్యాటర్లు చెలరేగిపోవడంతో సునాయాశ విజయాన్ని నమోదు చేసుకోగలిగింది. ఓపెనర్‌ స్టీవ్‌ స్టోల్క్‌ 37 బంతుల్లో ఏడు ఫోర్లు, ఎనిమిది సిక్సర్లతో చెలరేగి 86 పరుగులు సాధించడంతో ఓవర్‌కు పదికిపైగా రన్‌ రేట్‌తో పరుగులు సాధించిన దక్షిణాఫ్రికా జట్టు మరో 23 ఓవర్లు ఉండగానే విజయాన్ని నమోదు చేసింది. 

మెరుగైన స్కోర్‌ చేసిన స్కాట్లాండ్‌

టాస్‌ ఓడి తొలుత బ్యాటింగ్‌ చేసిన దక్షిణాఫ్రికా జట్టు నిర్ణీత 50 ఓవర్లలో తొమ్మిది వికెట్ల నష్టానికి 269 పరుగులు చేసింది. ఆ జట్టు బ్యాటర్లలో ఓపెన్‌ జమియా డంక్‌ 121 బంతుల్లో 11 ఫోర్ల సహాయంతో 90 పరుగులు సాధించి జట్టు మెరుగైన స్కోర్‌ సాధించేందుకు దోహదం చేశాడు. మరో ఓపెనర్‌ ఆడి హెగ్డే 5(33) విఫలమైన వన్‌ డౌన్‌లో వచ్చిన ఆలెక్‌ ప్రైస్‌ 18(34) సహకారంతో స్కోర్‌ బోర్డుపై పరుగులు వచ్చేలా చేశాడు. మరో వికెట్‌ పడకుండా వీరిద్దరూ జాగ్రత్తగా ఆడడారు. వీరిద్దరూ మూడో వికెట్‌కు 114 పరుగులు భాగస్వామ్యాన్ని నెలకొల్పారు. 200 పరుగులు వద్ద ఓపెనర్‌ జాబియా డంక్‌ వికెట్‌ను కోల్పోయిన స్కాట్లాండ్‌ జట్టు కష్టాల్లో పడుతుందని అంతా భావించారు. అయితే, ఆ తరువాత వచ్చిన కెప్టెన్‌ అండ్‌ వికెట్‌ కీపర్‌ ఒవెన్‌ గౌల్డ్‌ బాధ్యాయుతమైన ఇన్సింగ్‌ ఆడడంతో జట్టు మెరుగైన స్కోరుకు బాటలు వేశారు. కెప్టెన్‌ 89 బంతుల్లో మూడు సిక్సర్లు, 11 ఫోర్లు సహాయంతో 97 పరుగులు చేశాడు. అనంతరం వచ్చిన ఉజైర్‌ అహ్మద్‌ 23 (8) కూడా బ్యాట్‌ ఝుళిపించాడు. ఆ తరువాత వచ్చిన బహదర్‌ ఎస్కైల్‌ 1(5), రోరీ గ్రాంట్‌ 5(8), లోగాన్‌ బ్రిగ్స్‌ 0 (1), నిఖిల్‌ కోటేశ్వరన్‌ 0(2), క్వైస్‌ ఖాన్‌ 0(0) వెంటవెంటనే అవుట్‌ కావడంతో నిర్ణత ఓవర్లలో స్కాట్లాండ్‌ జట్టు 269 పరుగులకు పరిమితమైంది. చివరి ఐదుగురిలో ముగ్గురు డకౌట్లు కాగా, ఒకరు ఒక పరుగు, మరో బ్యాటర్‌ ఐదు పరుగులు మాత్రమే చేయగలిగాడు. దీంతో స్కాట్లాండ్‌ జట్టు నామమాత్రపు పరుగులకు పరిమితమైంది. ఓపెనర్‌తోపాటు కెప్టెన్‌ ఆడిన ఇన్సింగ్స్‌కు మిగిలిన బ్యాటర్లు సహకారాన్ని అందిస్తే మరో 40-50 పరుగులు అధికంగా స్కాట్లాండ్‌ జట్టు చేసేందుకు అవకాశముండేది. కానీ, ఆశించిన స్థాయిలో మిగిలిన బ్యాటర్లు రాణించలేకపోవడంతో స్కాట్లాండ్‌ జట్టు 300 మార్కును అందుకోలేకపోయింది. దక్షిణాఫ్రికా బౌలర్లలో క్వేనా మెఫాకా రెండు, రిల్లీ నోర్టాన్‌ మూడు వికెట్లు పడగొట్టారు. సిపో పోట్సేన్‌ ఒక వికెట్‌ తీశాడు. 

సునాయాశంగా చేధించిన దక్షిణాఫ్రికా బ్యాటర్లు

మోస్తారు లక్ష్యంతో బరిలోకి దిగిన దక్షిణాఫ్రికా బ్యాటర్లు సునాయాశంగా చేధించారు. స్వల్ప లక్ష్యం కాకపోయినప్పటికీ దక్షిణాఫ్రికా బ్యాటర్లు టీ20 తరహాలో బ్యాటింగ్‌ చేయడంతో ఘన విజయాన్ని ఆ జట్టు నమోదు చేసింది. క్రీజులోక వచ్చిన ప్రతి బ్యాటర్‌ విజంభించి ఆడడంతో స్కాట్లాండ్‌ బౌలర్లు తేలిపోయారు. ఓవర్‌కు పదికిపైగా రన్‌ రేట్‌తో బ్యాటింగ్‌ చేసిన దక్షిణాఫ్రికా బ్యాటర్లు 23 ఓవర్లు మిగిలి ఉండగానే లక్ష్యాన్ని సాధించారు. ఓపెనర్‌ స్టీవ్‌ స్టాల్క్‌ రెచ్చిపోయి బ్యాటింగ్‌ చేశాడు. 232 స్ర్టైక్‌ రేటుతో బ్యాటింగ్‌ చేసిన స్టీవ్‌ 37 బంతుల్లో ఏడు సిక్సర్లు, ఎనిమిది ఫోర్లు సహాయంతో 86 పరగులు సాధించి జట్టు విజయంలో కీలక పాత్ర పోషించాడు. మరో ఓపెనర్‌, వికెట్‌ కీపర్‌ లుహాన్‌ డ్రి ప్రిటోరియస్‌ 24 బంతుల్లో ఒక సిక్స్‌, రెండు ఫోర్లు సహాయంతో 22 పరుగులు చేశాడు. వన్‌ డౌన్‌లో వచ్చిన ట్రిస్టాన్‌ లూస్‌ 13 బంతుల్లో రెండు ఫోర్లు సహాయంతో 14 పరుగులు సాధించాడు. ఆ తరువాత వచ్చిన డెవాన్‌ మారిస్‌ 160 స్ర్టైక్‌ రేటుతో పరుగులు సాధించాడు. మూడు సిక్సులు, ఎనిమిది ఫోర్లు సహాయంతో 50 బంతుల్లోనే 80 పరుగులు సాధించి జట్టు విజయంలో కీలక పాత్ర పోషించాడు. మరో బ్యాటర్‌ డేవిడ్‌ టీగర్‌ కూడా 38 బంతులు ఆడి ఐదు ఫోర్లు సహాయంతో 43 పరుగులు చేసి జట్టుకు విజయాన్ని అందించారు. వీరిద్దరూ నాటౌట్‌ నిలిచి జట్టుకు ఘన విజయాన్ని సాధించి పెట్టారు. ఈ మ్యాచ్‌లో స్కాట్లాండ్‌ బౌలర్లు పూర్తిగా తేలిపోయారు. ప్రతి బౌలర్‌ భారీగా పరుగులు సమర్పించుకున్నారు. నిఖిల్‌ కోటేశ్వరన్‌ రెండు వికెట్లు తీయగా, ఆడి హెగ్డే ఒక వికెట్‌ పడగొట్టాడు. క్వైస్‌ ఖాన్‌, నిఖిల్‌ కోటేశ్వరన్‌, ఆలెక్‌ ప్రైస్‌, ఒవెన్‌ గౌల్డ్‌ ఓవర్‌కు పదికిపైగా పరుగులు సమర్పించుకున్నారు.