Kohli Reaction Viral: శాంట్నర్ బౌలింగ్ లో విరాట్ కోహ్లీ బౌల్డ్- మైదానం అంతా సైలెంట్!
Kohli Reaction Viral: భారత్- న్యూజిలాండ్ తొలి వన్డేలో శాంట్నర్ బౌలింగ్ లో విరాట్ కోహ్లీ ఔటైన తీరు అందరినీ ఆశ్చర్యపరిచింది. శాంట్నర్ బంతి వికెట్లను గిరాటేసింది.
Kohli Reaction Viral: హైదరాబాద్ లోని ఉప్పల్ స్టేడియం వేదికగా భారత్- న్యూజిలాండ్ తొలి వన్డే జరుగుతోంది. శుభ్ మన్ గిల్ శతకంతో రాణించటంతో ఈ మ్యాచ్ లో టీమిండియా భారీ స్కోరు దిశగా సాగుతోంది. అయితే అంతకుముందు భారత ఇన్నింగ్స్ నిదానంగా సాగింది. ఈ మ్యాచ్ లో భారత స్టార్ బ్యాటర్ విరాట్ కోహ్లీ ఔటైన తీరుకు మైదానం మొత్తం సైలెంట్ అయిపోయింది. కోహ్లీ ఔటైన తీరు సోషల్ మీడియాలో వైరల్ గా మారింది.
టాస్ గెలిచి బ్యాటింగ్ ఎంచుకున్న భారత్ కు ఓపెనర్లు గిల్, రోహిత్ లు తొలి వికెట్ కు 60 పరుగులు జోడించి శుభారంభం అందించారు. రోహిత్ 38 బంతుల్లో 34 పరుగులు చేసి ఔటయ్యాడు. అయితే సూపర్ ఫాంలో ఉన్న కోహ్లీ తక్కువ స్కోరుకే వెనుదిరిగి నిరాశపరిచాడు. అయితే విరాట్ ఔటైన తీరు అతన్నే కాదు అభిమానులను ఆశ్చర్యపరిచింది. కివీస్ బౌలర్ మిచెల్ శాంట్నర్ సంధించిన బంతి కోహ్లీ స్టంప్స్ ను గిరాటేసింది. బాల్ లెంగ్త్ ను, స్పిన్ ను అంచనా వేయడంలో కోహ్లీ విఫలమయ్యాడు. అంతే బంతి స్టంప్స్ ను పడగొట్టింది. తను ఔటైన విధానాన్ని నమ్మలేని కోహ్లీ ఒక్క క్షణం అలాగే ఉండిపోయాడు. అలాగే మైదానంలోని ప్రేక్షకులు సైలెంట్ అయిపోయారు. విరాట్ 10 బంతుల్లో 8 పరుగులు చేసి ఔటయ్యాడు.
ఈ మ్యాచ్ లో శుభ్ మన్ గిల్ శతకంతో ఆకట్టుకున్నాడు. అతనితో పాటు సూర్యకుమార్ యాదవ్ (31), హార్దిక్ పాండ్య (28) రాణించారు. ప్రస్తుతం భారత్ 41 ఓవర్లలో 5 వికెట్లు కోల్పోయి 256 పరుగులు చేసింది.
Bowled! Santner beats Kohli to silence the stadium #INDvNZ pic.twitter.com/T9rB2o1p0P
— Ritwik Ghosh (@gritwik98) January 18, 2023
టాప్ హెడ్ లైన్స్
ట్రెండింగ్ వార్తలు
and tablets