Hyderabad: తెలంగాణలో మెగా క్రికెట్ క్యాంపులు.. రిజిస్ట్రేషన్ లు షురూ
Hyderabad Cricket Association: తెలంగాణ రాష్ట్ర వ్యాప్తంగా ఉమ్మడి 9 జిల్లాలలో అభివృద్ధికి కట్టుబడుతూ, పేద క్రికెటర్ల కోసం హెచ్‌సీఏ చరిత్రలో తొలిసారి వేసవి శిక్షణ శిబిరాల నిర్వహణకు సిద్ధమైంది.
Hca Summer Camps Schedule Released : తెలంగాణ రాష్ట్రంలో క్రికెట్ అభివృద్ధికి హైదరాబాద్ క్రికెట్ అసోసియేషన్ (HCA) అధ్యక్షుడు అర్శనపల్లి జగన్మోహన్ రావు కార్యచ‌ర‌ణ ప్రారంభించారు. ఔత్సాహిక యువ క్రికెటర్లకు వేసవి శిక్షణ శిబిరాలను ఏర్పాటు చేయనున్నట్టు హైదరాబాద్ క్రికెట్ అసోసియేషన్ అధ్యక్షుడు అర్శనపల్లి జగన్మోహన్ రావు తెలిపారు. రాష్ట్రంలోని ఉమ్మడి 9 జిల్లాలలో ఈనెల 20 నుంచి నెల రోజుల పాటు వీటిని ఉచితంగా నిర్వహించనున్నట్టు ఆయన పేర్కొన్నారు. ప్రతి జిల్లాల్లో మూడు ప్రదేశాల్లో వేసవి శిక్షణ శిబిరాలను నిర్వహించ‌నున్నామ‌ని, ప్రతి క్యాంప్‌లో 80 నుంచి 100 మంది పిల్లల‌కు అవ‌కాశ‌మిస్తున్నామ‌ని చెప్పారు. సుమారు 25 కేంద్రాల్లో 30 రోజుల పాటు కనీసం 2500 మంది క్రికెటర్లకు నిపుణులైన కోచింగ్‌ సిబ్బందితో ఉచితంగా శిక్షణ ఇవ్వనున్నారు.
ఈ శిక్షణలో భాగంగా బాలురకు అండర్‌ – 14, 16, 19.. బాలికలకు అండర్‌ – 15, 19 వయో విభాగాల్లో ఉచిత ఈ క్యాంపులను నిర్వహించనున్నారు. నేటి నుంచి ఆన్‌లైన్‌లో రిజిస్ట్రేషన్స్‌ ప్రక్రియ మొదలవనుండగా ఆసక్తిగలవారు 18వ తేదీ (వ‌చ్చే గురువారం) సాయంత్రం 6 గంట‌ల లోపు ఆన్‌లైన్‌లో త‌మ పేర్లను రిజిస్ట్రేషన్ చేసుకోవాలని కోరారు. మరి న్ని వివరాలకు హెచ్‌సీఏ అధికారిక వెబ్‌సైట్‌ (http://www. hycri cket.org) ను సంప్రదించాలని సూచించారు. సోమ‌వారం నుంచి శ‌నివారం వ‌ర‌కు, ఉద‌యం 10 నుంచి సాయంత్రం 6 గంట‌ల వ‌ర‌కు శిక్షణ శిబిరాలను నిర్వహించనున్నట్లు వెల్లడించారు. ఈ సమ్మర్ క్యాంప్స్‌ను ఉచితంగా నిర్వహిస్తున్నామని, ఎవ‌రికి ఎలాంటి రుసుం చెల్లించాల్సిన‌వ‌స‌రం లేదని జగన్మోహన్ రావు ఇప్పటికే స్పష్టం చేశారు. శిక్షణ సమయంలో 30 రోజుల పాటు క్రికెటర్లకు పౌష్ఠికాహారం సైతం అందించనున్నారు. వేసవి శిక్షణ శిబిరాలను దీర్ఘకాలంలో క్రికెట్ అకాడమీలుగా రూపుదిద్దనున్నట్లు హైదరాబాద్ క్రికెట్ అసోసియేషన్ ఇప్పటికే ప్రకటించిన విషయం గుర్తు చేశారు. ఏ జిల్లాలోనైనా నిపుణులైన కోచ్‌లు, ఫిజియోలు అందుబాటులో లేకుంటే.. హెచ్‌సీఏ ఆధ్వర్యంలో ఎన్‌ఐఎస్‌ కోచ్‌లు, ఫిజియోలను జిల్లా కేంద్రాలకు పంపిస్తామని చెప్పారు. సమ్మర్ క్యాంప్‌ అనంతరం జిల్లా జట్లను ఎంపిక చేసి హైదరాబాద్‌లో జిల్లాల క్రికెట్ టోర్నమెంట్‌ను నిర్వహించేందుకు ప్రణాళికలు రూపొందించినట్లే వెల్లడించారు. జింఖానా తరహా క్రికెట్ మైదానాలను హైదరాబాద్‌లో మరో నాలుగు ఏర్పాటు చేసేందుకు హెచ్‌సీఏ ఆలోచన చేస్తుందని పేర్కొన్నారు.
కేంద్రాల వివ‌రాలు:
వ‌రంగ‌ల్‌: 98495 70979
పరకాల: 9666206662
ములుగు: 90301 30727
మ‌హ‌బూబాబాద్‌: 98664 79666
భూపాల‌ప‌ల్లి: 88978 05683
మ‌హ‌బూబ్‌న‌గ‌ర్‌: 94400 57849
గ‌ద్వాల్‌: 98859 55633
నాగ‌ర్ క‌ర్నూల్‌: 98854 01701
సంగారెడ్డి: 94408 47360
సిద్ధిపేట: 98499 55478
మెద‌క్‌: 99663 62433
నిజామాబాద్‌: 98490 73809
కామారెడ్డి: 96666 77786
ఆర్మూర్‌: 96405 73060
క‌రీంన‌గ‌ర్‌: 80087 29397
గోదావ‌రి ఖ‌ని: 98663 51620
సిరిసిల్ల: 94943 62362
ఖ‌మ్మం: 98486 62125
కొత్తగూడెం: 97050 07555
గౌత‌మ్‌పూర్: 99482 21777
మంచిర్యాల: 94400 10696
ఆదిలాబాద్‌: 94402 07473
సిర్‌పూర్‌: 94923 33333
జింఖానా: 90301 30346
ఫ‌ల‌క్‌నామా: 98852 95387
అంబ‌ర్‌పేట: 98665 82836
లాలాపేట: 99664 62667
మాదాపూర్‌: 80195 35679
టాప్ హెడ్ లైన్స్
ట్రెండింగ్ వార్తలు
