Player Of The Match in final: ఆసియా కప్ ఫైనల్లో ప్లేయర్ ఆఫ్ ద మ్యాచ్ గెలిచిన ఆటగాళ్లు వీరే, ఇద్దరు మాత్రం స్పెషల్
Asia Cup 2025 Latest News | ఆసియా కప్ చరిత్రలో ఫైనల్లో ప్లేయర్ ఆఫ్ ద మ్యాచ్ అవార్డులు అందుకున్న ఆటగాళ్ల పూర్తి వివరాలు ఇక్కడ అందిస్తున్నాం. ఇద్దరు మాత్రం రెండు సార్లు ఈ ఘనత సాధించారు.
బ్యాటర్లు సెంచరీని ఎంత ముఖ్యమైనదిగా భావిస్తారో, బౌలర్లు సైతం 5 వికెట్ హాల్ ను అంతకంటే ఎక్కువ అని భావిస్తారు. ఏదైనా టోర్నీ ఫైనల్స్లో గుర్తుండిపోయే ప్రదర్శనలు చేసినప్పుడు క్రికెటర్లు చాలా హ్యాపీగా ఉంటారు. సెప్టెంబర్ 9న మూడవ ఎడిషన్ ACC T20 ఆసియా కప్ ప్రారంభం కానుంది. దాంతో ఈ ఏడాది టీ20 ఆసియా కప్లో ఎవరు రాణిస్తారో అని అంచనాలు మొదలయ్యాయి..
ఆసియా కప్ T20 ఫైనల్స్లో ప్లేయర్ ఆఫ్ ద మ్యాచ్
ఆసియా కప్ టోర్నీలో ఎడమచేతి వాటం బ్యాటర్లు తరచుగా మ్యాచ్ ఆఫ్ ద మ్యాచ్ అవార్డులను గెలుచుకున్నారు. 2016లో టీమిండియా ఓపెనర్ శిఖర్ ధావన్ 60 పరుగులు చేసి భారత్ను 121 పరుగుల లక్ష్యాన్ని సులభంగా ఛేదించేలా చేశాడు. 2022లో భానుక రాజపక్స 71 పరుగులు చేసి శ్రీలంక 58/5 నుండి కోలుకుని 170 పరుగులు చేసి 23 పరుగుల తేడాతో గెలవడంతో కీలకపాత్ర పోషించాడు.
2016 – విజేత: భారత్ | ప్లేయర్ ఆఫ్ ద మ్యాచ్: శిఖర్ ధావన్ (60 పరుగులు)
2022 – విజేత: శ్రీలంక | ప్లేయర్ ఆఫ్ ద మ్యాచ్: భానుక రాజపక్స (71 నాటౌట్)
ఆసియా కప్ వన్డే ఫైనల్స్లో ప్లేయర్ ఆఫ్ ద మ్యాచ్
14 ODI ఆసియా కప్ ఎడిషన్లలో ఇద్దరు ఆటగాళ్లు మాత్రమే ఫైనల్లో ప్రదర్శనతో రెండుసార్లు మ్యాన్ ఆఫ్ ద మ్యాచ్ అవార్డు అందుకున్నారు. భారత మాజీ కెప్టెన్ మహ్మద్ అజారుద్దీన్ (1991 & 1992) తొలి ప్లేయర్ కాగా, శ్రీలంకకు చెందిన మర్వన్ అటపట్టు (1997 & 2004) మాత్రమే ఫైనల్స్లో రెండుసార్లు ఈ అవార్డును సాధించారు. సురీందర్ ఖన్నా (1984), జావేద్ మియాందాద్ (1986), నవజ్యోత్ సింగ్ సిద్ధూ (1988), దినేష్ కార్తీక్ (2010), లసిత్ మలింగ (2014), లిట్టన్ దాస్ (2018), మహ్మద్ సిరాజ్ (2023) ఆయా ఎడిషన్ల ఫైనల్లో ప్లేయర్ ఆఫ్ ద మ్యాచ్ విజేతలుగా నిలిచారు.
ODI ఆసియా కప్ ఫైనల్స్ ప్లేయర్ ఆఫ్ ద మ్యాచ్:
1984 – విజేత: భారత్ | ప్లేయర్ ఆఫ్ ద మ్యాచ్: సురీందర్ ఖన్నా (56 పరుగులు, 2 స్టంపింగ్లు)
1986 – విజేత: శ్రీలంక | ప్లేయర్ ఆఫ్ ద మ్యాచ్: జావేద్ మియాందాద్, పాకిస్తాన్ (67 పరుగులు)
1988 – విజేత: భారత్ | ప్లేయర్ ఆఫ్ ద మ్యాచ్: నవజ్యోత్ సింగ్ సిద్ధూ (76)
1990-91 – విజేత: భారత్ | ప్లేయర్ ఆఫ్ ద మ్యాచ్: మహ్మద్ అజారుద్దీన్ (54 నాటౌట్)
1995 – విజేత: భారత్ | ప్లేయర్ ఆఫ్ ద మ్యాచ్: మహ్మద్ అజారుద్దీన్ (90 నాటౌట్)
1997 – విజేత: శ్రీలంక | ప్లేయర్ ఆఫ్ ద మ్యాచ్: మర్వన్ అటపట్టు (84 నాటౌట్)
2000 – విజేత: పాకిస్తాన్ | ప్లేయర్ ఆఫ్ ద మ్యాచ్: మొయిన్ ఖాన్ (56 నాటౌట్ & 1 క్యాచ్)
2004 – విజేత: శ్రీలంక | ప్లేయర్ ఆఫ్ ద మ్యాచ్: మర్వన్ అటపట్టు (65)
2008 – విజేత: శ్రీలంక | ప్లేయర్ ఆఫ్ ద మ్యాచ్: అజంతా మెండిస్ (6/13)
2010 – విజేత: భారత్ | ప్లేయర్ ఆఫ్ ద మ్యాచ్: దినేష్ కార్తీక్ (66 పరుగులు)
2012 – విజేత: పాకిస్తాన్ | ప్లేయర్ ఆఫ్ ద మ్యాచ్: షాహిద్ అఫ్రిది (32 పరుగులు & 1 వికెట్)
2014 – విజేత: శ్రీలంక | ప్లేయర్ ఆఫ్ ద మ్యాచ్: లసిత్ మలింగ (5 వికెట్లు)
2018 – విజేత: భారత్ | ప్లేయర్ ఆఫ్ ద మ్యాచ్: లిట్టన్ దాస్, బంగ్లాదేశ్ (121)
2023 – విజేత: భారత్ | ప్లేయర్ ఆఫ్ ద మ్యాచ్: మహ్మద్ సిరాజ్ (6/21)
టాప్ హెడ్ లైన్స్
ట్రెండింగ్ వార్తలు
