BCCI on Match Fee Hike: దేశవాళీ క్రికెటర్లకు బీసీసీఐ గుడ్‌న్యూస్.. ఇక భారీగా జీతాలు

డొమెస్టిక్ క్రికెట్ ప్లేయర్లకు బీసీసీఐ మ్యాచ్ ఫీజులు పెంచుతూ కీలక నిర్ణయం తీసుకుంది. 2019-20 సీజన్‌కు గాను ఆటగాళ్లకు 50 శాతం మేర అదనంగా మ్యాచ్ ఫీజు చెల్లించనున్నట్లు ప్రకటించారు.

దేశవాళీ క్రికెటర్లకు బీసీసీఐ గుడ్‌న్యూస్

దేశవాళీ క్రికెటర్లకు బీసీసీఐ (భారత క్రికెట్ నియంత్రణ మండలి) కార్యదర్శి జై షా గుడ్‌న్యూస్ చెప్పారు. దేశవాళీ క్రికెటర్ల మ్యాచ్‌ ఫీజులను పెంచుతూ కీలక నిర్ణయం తీసుకున్నారు. 2019-20 సీజన్‌కు గానూ ఆటగాళ్లందరికీ 50 శాతం మేర అదనంగా మ్యాచ్‌ ఫీజు చెల్లించనున్నట్లు ప్రకటించారు. బీసీసీఐ అపెక్స్ కౌన్సిల్ సమావేశాల్లో ఈ నిర్ణయం తీసుకున్నామన్నారు.

కరోనా కారణంగా 2020-2021 సీజన్‌లో ఆర్థిక నష్టానికి పరిహారంగా ఈ మేరకు అదనపు ఫీజు చెల్లించేందుకు నిర్ణయం తీసుకున్నట్లు వెల్లడించారు. ఈ మేరకు జైషా ట్వీట్ చేశారు.

I am pleased to announce the hike in match fee for domestic cricketers.

Seniors – INR 60,000 (above 40 matches).

Under 23- INR 25,000

Under 19 – INR 20,000#BCCIApexCouncil

— Jay Shah (@JayShah) September 20, 2021

Cricketers who participated in 2019-20 Domestic Season will get 50 per cent additional match fee as compensation for season 2020-21 lost due to COVID-19 situation #BCCIApexCouncil

— Jay Shah (@JayShah) September 20, 2021

ఎంత పెరిగింది..?

•  సీనియర్ ప్లేయర్లకు (40 మ్యాచులకుపైగా ఆడిన వారు): రూ. 60 వేలు,
•  అండర్‌-23 ప్లేయర్లకు: 25 వేలు
•  అండర్‌-19 క్రికెటర్లకు: 20 వేలు

ఇందుకు సంబంధించి ట్విటర్‌ వేదికగా జై షా ప్రకటన చేశారు. ఈ మేరకు బీసీసీఐ అపెక్స్‌ కౌన్సిల్‌ నిర్ణయం తీసుకున్నట్లు వెల్లడించారు. సెప్టెంబర్ 20 నుంచి డొమెస్టిక్ క్రికెట్ షెడ్యూల్ మొదలు కానుంది. 

1. సీనియర్‌ ఉమెన్‌ వన్డే లీగ్‌: 2021 సెప్టెంబరు 21 నుంచి ప్రారంభం
2. సయ్యద్‌ ముస్తాక్‌ అలీ ట్రోఫీ: 2021 అక్టోబరు 20- 2021 నవంబరు 12
3. సీనియర్‌ ఉమెన్‌ వన్డే ఛాలెంజర్‌ ట్రోఫీ- 2021, అక్టోబరు 27
4. రంజీ ట్రోఫీ: 2021 నవంబరు 16 - 2022, ఫిబ్రవరి 19
5. విజయ్‌ హజారే ట్రోఫీ: 2022 ఫిబ్రవరి 23- 2022, మార్చి 26