TDP leaders protest: 'నిజం గెలవాలి' కళ్లకు గంతలు కట్టుకొని టీడీపీ శ్రేణులు నిరసన

టీడీపీ అధినేత చంద్రబాబు అరెస్టుకు నిరసనగా, ఆయనకు మద్దతు తెలుపుతూ ' కళ్ళు తెరిపిద్దాం' అనే పేరుతో ఆ పార్టీ మరో కార్యక్రమాన్ని నిర్వహించింది.

కళ్లకు గంతలు కట్టుకొని నిరసన వ్యక్తం చేస్తున్న నారా లోకేష్ దంపతులు

టీడీపీ అధినేత చంద్రబాబు అరెస్టుకు నిరసనగా, ఆయనకు మద్దతు తెలుపుతూ ' కళ్ళు తెరిపిద్దాం' అనే పేరుతో ఆ పార్టీ మరో కార్యక్రమాన్ని నిర్వహించింది. టీడీపీ జాతీయ ప్రధాన కార్యదర్శి నారా లోకేష్ పిలుపుమేరకు తెలుగు రాష్ట్రాల్లోని చంద్రబాబు అభిమానులు, మద్దతుదారులు ఈ కార్యక్రమంలో ఆదివారం పాల్గొన్నారు. ఇందులో భాగంగా ఇవాళ 7 గంటల నుంచి ఐదు నిమిషాల పాటు జగన్ పాలనకు వ్యతిరేకంగా కళ్లకు గంతలు కట్టుకొని 'నిజం గెలవాలి' అని గట్టిగా నినాదాలు చేశారు. దీని వీడియో తీసి ట్విట్టర్, ఫేస్ బుక్, వాట్సప్, ఇంస్టాగ్రామ్ సహా ఇతర సామాజిక మాధ్యమాల్లో పోస్ట్ చేశారు. 

విదేశాల్లోని తెలుగువారు సైతం భారత కాలమాను ప్రకారం ఆ సమయంలో నిరసన తెలిపారు. చంద్రబాబు అక్రమ అరెస్టుకు నిరసనగా చేసిన 'మోత మోగిద్దాం', 'కాంతితో క్రాంతి', 'న్యాయానికి సంకెళ్లు', 'మనం చేద్దాం జగనాసుర దహనం' కార్యక్రమాలకు ప్రజల నుంచి మంచి స్పందన వచ్చిందని టీడీపీ నేతలు తెలిపారు. మంగళగిరిలోని ఎన్టీఆర్ భవనం వద్ద టీడీపీ రాష్ట్ర అధ్యక్షుడు అచ్చెన్నాయుడు, నక్క ఆనందబాబు, బోండా ఉమ తదితరులు కళ్లకు గంతలు కట్టుకొని నిరసన తెలిపారు. 

చంద్రబాబునాయుడును అక్రమంగా అరెస్ట్ చేశారని ఆరోపిస్తూ.. ప్రతీ ఆదివారం వినూత్న నిరసనలకు తెలుగుదేశం పార్టీ పిలుపునిచ్చింది. ప్రతీ ఆదివారం సాయత్రం ఏడు గంటలకు వినూత్న నిరసనలను టీడీపీ నేతలు ఈ కార్యక్రమాన్ని చేపడుతున్నారు.  ఆదివారం కూడా నిజం గెలవాలి... చంద్రబాబు గారికి వేసిన సంకెళ్లు బద్దలు కావాలని.. అది జరగాలంటే జగనాసురునికి కనువిప్పు కావాలని కొత్త కార్యక్రమానికి పిలుపునిచ్చారు. ఇందులో భాగంగా ఈ రోజు రాత్రి 7 గంటలకు కళ్ళకు గంతలు కట్టుకొని వాకిళ్లు, బాల్కనీలు, వీధుల్లోకి వచ్చి చంద్రబాబుగారికి మద్దతుగా "నిజం గెలవాలి" గట్టిగా అరుద్దామని టీడీపీ పిలుపు ఇవ్వడంతో ఈ రోజు రాష్ట్ర వ్యాప్తంగా ఈ కార్యక్రమాన్ని టీడీపీ చేపట్టింది.

చంద్రబాబు అరెస్ట్ పై ప్రతి ఆదివారం సాయంత్రం నిర్వహిస్తున్న నిరసనలు వినూత్నంగా ఉండేలా చూసుకుంటున్నారు. చంద్రబాబు అరెస్టుపై మహిళలు, యువతలో నిరసన అధికంగా ఉందని, వీరు బయటకు రావడం వల్లే ఈ కార్యక్రమాలు అన్నీ సక్సెస్ అవుతున్నాయని టీీపీ ్ంటున్నారు. ప్రతిపక్షంలోకి వచ్చిన నాటి నుంచి టీడీపీ అనేక సందర్భాల్లో అనేక ఆందోళన కార్యక్రమాలు నిర్వహించింది. వీటిలో పార్టీ నేతలు, స్థానికంగా చురుగ్గా ఉండే కార్యకర్తలే తరచూ పాల్గొంటున్నారు. కాని చంద్రబాబు అరెస్టు తర్వాత ఈ వాతావరణం మారిందని సామాన్యప్రజలు పాల్గొంటున్నారని టీడీపీ వర్గాలు చెబుతున్నాయి. సోషల్ మీడియాలో ఇచ్చే పిలుపుతో వేల మంది చంద్రబాబుకు సంఘిభావం తెలియచేస్తున్నారని అంటున్నారు. చంద్రబాబు అరెస్టు అయ్యి ఇప్పటికి 50 రోజులైనా టీడీపీ శ్రేణులు నిరసనల్లో విశ్రమించలేదు. రిలే నిరాహార దీక్షలు, కొవ్వొత్తుల ర్యాలీలు, నిరసన కార్యక్రమాలు అవిశ్రాంతంగా కొనసాగిస్తున్నారు.

టీడీపీ పిలుపునిచ్చే కార్యక్రమాలన్నింటినీ సోషల్ మీడియాలో సీనియర్ నేతలందరూ ప్రచారం కల్పిస్తున్నారు.  రాష్ట్ర నేతల పిలుపుమేరకు ఎక్కడకక్కడ తమ నిరసనను వ్యక్తం చేస్తూ చంద్రబాబుకు మద్దతుగా నిలుస్తున్నారు. ఇందులో భాగంగా టీడీపీ జాతీయ ప్రధాన కార్యదర్శి నారా లోకేష్ సతీష్ సమేతంగా కళ్లకు గంతలు కట్టుకొని తమ నిరసనను వ్యక్తం చేశారు.