![ABP Premium](https://cdn.abplive.com/imagebank/Premium-ad-Icon.png)
Jagan: ఎకానమీ క్లాస్లో జగన్ దంపతులు - సోషల్ మీడియాలో ఫొటో వైరల్
Andhra Pradesh: వైసీపీ అధినేత వైఎస్ జగన్ తన భార్య భారతితో కలిసి విమానంలో ఉన్న ఫొటో ఒకటి సోషల్ మీడియాలో వైరల్ అవుతోంది. ఈ ఫొటో చుట్టూ ఎక్స్ వేదికగా టీడీపీ, వైసీపీ మధ్య యుద్ధం జరుగుతోంది.
![Jagan: ఎకానమీ క్లాస్లో జగన్ దంపతులు - సోషల్ మీడియాలో ఫొటో వైరల్ AP Former CM Jagan Travelled in Economy Class in flight the photo goes viral Jagan: ఎకానమీ క్లాస్లో జగన్ దంపతులు - సోషల్ మీడియాలో ఫొటో వైరల్](https://feeds.abplive.com/onecms/images/uploaded-images/2024/08/14/136fed1d9c6e35e64e4645944eb1182717236376364941082_original.png?impolicy=abp_cdn&imwidth=1200&height=675)
YS Jagan Travel In Economy Class: మాజీ ముఖ్యమంత్రి వైఎస్ జగన్ ఫొటో ఒకటి సోషల్ మీడియాలో వైరల్ అవుతోంది. తన సతీమణి భారతితో కలిసి సాధారణ ప్రయాణికుడిలా కూర్చున్న ఫొటో ఇప్పుడు సామాజిక మాధ్యమాల్లో చక్కర్లు కొడుతోంది. ఇన్నాళ్లు బిజినెస్ క్లాస్లో, ప్రత్యేక విమానాల్లో ప్రయాణించిన జగన్.. ఇప్పుడు సాధారణ ప్రయాణికుడిలా ఎకానమీ క్లాస్లో తన భార్యతో కలిసి ప్రయాణిస్తున్న ఫోటో ఎప్పటిదా అని నెటిజన్లు ఆరా తీసున్నారు. అయితే ఈ ఫొటో బెంగళూరు ప్రయాణం సందర్భంగా అయ్యుంటుందని సోషల్ మీడియాలో చర్చించుకుంటున్నారు.
ఈ ఫొటోతో టీడీపీ, వైసీపీ మధ్య ఎక్స్లో మాటల యుద్ధం నడుస్తోంది. అధికారంలో ఉన్నప్పుడు బిజినెస్ క్లాస్ , స్పెషల్ ఫ్లైట్లు పట్టుకుని తిరిగి అధికారం చేజారాక సాధారణ ప్రయాణికుడిలా వెళ్తున్నారు అంటూ టీడీపీ శ్రేణులు విమర్శిస్తున్నాయి. కిలోమీటర్ దూరం కూడా లేని వాటికి కూడా హెలికాప్టర్లు వాడి ఇప్పుడు ఈ బిల్డప్ ఏంటని నిలదీస్తున్నారు. ఇదంతా సానుభూతి కోసం చేస్తున్న ట్రిక్ అంటూ సైటైర్లు వేస్తున్నారు. ఇలాంటి వాటికి కాలం చెల్లిందని అంటున్నారు.
అధికారంలో ఉంటే జనం సొమ్ముతో 30కిలోమీటర్లకి కూడా స్పెషల్ ఫ్లైట్స్ వేస్కుని తిరిగేవాడు..
— Gottipati Vamsi Krishna (@vamsikgottipati) August 14, 2024
అధికారం పోగానే డోమెస్టిక్ Flightsలో తిరుగుతున్నాడు.. తాడేపల్లి కొంపలోని ఖజానా ఖాళీ అవుద్ది అనుకున్నాడేమో.. #Jagan #YCP pic.twitter.com/HEPeM1bKii
టీడీపీ విమర్శలకు వైసీపీ దీటుగానే బదులిస్తోంది. చంద్రబాబు అధికారంలో ఉన్నప్పుడు సొంత డబ్బులతో తిరుగుతున్నారా అని ప్రశ్నిస్తున్నారు. సచివాలయం నుంచి ఉండవల్లిలో ఇంటికి 9 కిలో మీటర్లకు కూడా హెలిక్యాప్టర్ వాడుతున్నారా లేదా.. గన్నవరం నుంచి ఇంటికి 30 కిలోమీటర్లకు ఎప్పుడైనా కారులో వచ్చారా అని ఎదురు ప్రశ్నిస్తున్నారు. 2019-24 మధ్య ఆయనెప్పుడైనా 9 కిలో మీటర్ల హెలిక్యాప్టర్లో వచ్చారా అని అడుగుతున్నారు. గతంలోనూ 2014-19 మధ్య సీఎంగా ఉన్నప్పుడు కూడా ఇలాగే హెలిక్యాప్టర్ను సైకిల్ వాడినట్టు వాడేశారని వైసీపీ వారు విమర్శిస్తున్నారు. అధికారంలో ఉండగా ఏనాడూ కాలు నేల మీద మోపలేదని గట్టిగానే బదులిస్తున్నారు.
ఈ ఫొటో విషయంలో టీడీపీకి తోడు జనసేన కార్యకర్తలు సైతం జత కలిసి వైసీపీని విమర్శిస్తున్నారు. ఈ ఫొటో చుట్టూ మాత్రం ఎక్స్ వేదికగా ఏపీలోని ప్రధాన పార్టీల కార్యకర్తల మధ్య వాదోపవాదనలు జరుగుతున్నాయి. కొందరు టీడీపీ వారైతే ఫొటోను వైరల్ చేసి కామెంట్లు చేసి జగన్కి ఎలివేషన్లు ఇవ్వద్దని తమ వారికి హితవు పలుకుతున్నారు. మీరంతా ప్రీ పబ్లిసిటీ ఇస్తున్నారని వాపోతున్నారు. మొత్తానికి ఎవరూ తక్కువ కాదన్నట్టు న్యూట్రల్గా ఉండే నెటిజన్లు నోరెళ్లబెట్టి నిట్టూరుస్తున్నారు. అయితే నిన్నటి నుంచి వైరల్ అవుతున్న ఈ ఫొటో ఎప్పటిది అనేది పక్కా సమాచారం మాత్రం లేదు. ఈ మధ్య తరచూ బెంగళూరుకి వెళ్లి వస్తూ ఉన్న నేపథ్యంలో ఎవరో ఒక ప్రయాణికుడు ఫొటో తీసి ఉంటాడని ప్రచారం జరుగుతోంది.
రాజాలా స్పెషల్ ✈️ లలో తిరగాల్సిన నిన్నూ ఇలా ఒక సాధారణ ప్రయాణికుడిగా జనం మధ్య ప్రయాణం చెయ్యడం చూస్తూంటే గుండె తరుక్కుపోతుంది అన్నా 😭😭
— 𝗬𝗦 𝗝𝗮𝗴𝗮𝗻 𝗧𝗿𝗲𝗻𝗱𝘀ᵀᴹ (Fan) (@YSJaganTrendds) August 14, 2024
మాజీ ముఖ్యమంత్రి హోదాలో @ysjagan గారికి ప్రత్యేక సౌకర్యాలు కల్పించాలని ప్రభుత్వాన్ని డిమాండ్ చేస్తున్నాం, ఆయనకు ఒక ప్రత్యేక 🛫 మరియు 🚁… pic.twitter.com/j4HuyJHsh1
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)