Shalini Pandey Latest Look: షాలిని పాండే షాకింగ్‌ లుక్‌ - లాంగ్‌ గ్యాప్‌ తర్వాత ఐకానిక్‌ స్టైల్లో మెరిసిన 'అర్జున్‌ రెడ్డి' బ్యూటీ

Shalini Pandey: లాంగ్‌ గ్యాప్‌ తర్వాత నెట్టింట దర్శనం ఇచ్చింది అర్జున్‌ రెడ్డి బ్యూటీ షాలిని పాండే. లేథర్‌ డ్రెస్‌లో ఐకానిక్‌ స్టైల్లో ఆకట్టుకుంటుంది. ప్రస్తుతం ఆమె ఫోటోలు వైరల్‌ అవుతున్నాయి.

Image Credit: shalzp/Instagram

Shalini Pandey Trendy Look:విజయ్‌ దేవరకొండ అర్జున్‌ రెడ్డి సినిమాతో ఒక్కసారిగా సెన్సేషన్‌ అయ్యింది షాలిని పాండే. ఈ మూవీతో హీరోయిన్‌గా ఎంట్రీ.. బ్లాక్‌బస్టర్‌ హిట్‌ అందుకుంది.

తొలి సినిమాకే బోల్డ్‌ క్యారెక్టర్‌ ఎంచుకుని సాహసం చేసింది. ఇక ఈ సినిమాలో ఆమె అందం, అభినయానికి కుర్రకారు ఫిదా అయ్యింది. 'అర్జున్‌ రెడ్డి' తర్వాత ఇండస్ట్రీలో ఆమె పేరు మారుమోగింది.

ఈ సినిమాతో ఆమెకు వచ్చిన పాపులారిటి చూసి ఇక టాలీవుడ్‌లో మోస్ట్‌ వాంటెడ్‌ హీరోయిన్‌ అవుతుందని అంతా అనుకున్నారు. కానీ అంతా రివర్స్‌ అయ్యింది. ఈ సినిమా తర్వాత ఆమెను దర్శక-నిర్మాతలు పెద్ద పట్టించుకోలేదు.

'అర్జున్‌ రెడ్డి' తర్వాత లీడ్‌ రోల్స్‌ కొట్టేస్తుందనుకుంటే సహానటి పాత్రలు చేసింది. 'మహానటి'లో ఓ పాత్రలో కనిపించిన షాలిని, ఆ తర్వాత 100% కాదల్ (2019), 118, ఇద్దరి లోకం ఒకటే వంటి సినిమాల్లో హీరోయిన్‌ చాన్స్‌లు అందుకుంది.

అయితే అవి ఆశించిన విజయం అందుకోలేదు. అలాగే షాలిని క్రేజ్‌ కూడా మరింత తగ్గింది. డైట్‌ చేసి జీరో సైజ్‌కు వచ్చిన ఆమెను పెద్దగా దర్శక-నిర్మాతలు గుర్తించడం లేదు.

దీంతో ఈ భామకు అవకాశాలు పూర్తిగా తగ్గిపోయాయి. వెండితెరపై ఆమె సందడి తగ్గినా.. సోషల్‌ మీడియాలో మాత్రం తన ఫోటోస్‌ షేర్‌ చేస్తూ ఫ్యాన్స్‌ని ఆకట్టుకుంటుంది. తాజాగా లాంగ్‌ గ్యాప్‌ తర్వాత నెట్టింట దర్శనం ఇచ్చింది ఈ భామ.

అల్ట్రా స్టైలిష్‌ లుక్‌లో తళుక్కున మెరిసిన షాలినిని ఇలా చూసి ఫాలోవర్స్‌ సర్‌ప్రైజ్‌ అవుతున్నారు. ప్రస్తుతం ఆమె ఫోటోలు నెటిజన్లను బాగా ఆకట్టుకుంటున్నాయి.