ATM Telugu Web Series: బిగ్ బాస్ విన్నర్ వీజే సన్నీతో దిల్ రాజు దొంగతనం షురూ!

బిగ్ బాస్ విన్నర్ వీజే సన్నీతో దిల్ రాజు దొంగతనం షురూ

ప్రముఖ నిర్మాత దిల్‌రాజు, హరీష్‌ శంకర్‌ సంయుక్తంగా జీ5 కోసం రూపొందిస్తున్న వెబ్ సీరిస్ 'ఏటీఎం'.

బిగ్‌బాస్‌ ఫేమ్ వీజే సన్నీ, దివితో పాటు నటుడు సుబ్బరాజు ఇందులో ప్రధాన పాత్రలు పోషిస్తున్నారు. సి.చంద్రమోహన్ దర్శకత్వం వహిస్తున్న ఈ వెబ్ సీరీస్‌కు హరీష్‌ శంకర్‌ కథ అందించారు.

హర్షిత్ రెడ్డి, హన్సిత రెడ్డి ఈ వెబ్‌సిరీస్‌ను నిర్మిస్తున్నారు. ఈనెల 27నుంచి రెగ్యులర్‌ షూటింగ్‌ మొదలు కానుంది.

సోమవారం నాడు పూజా కార్యక్రమాలతో ఈ ప్రాజెక్ట్‌ను లాంచ్‌ చేశారు. దీనికి సంబంధించిన ఫోటోలు నెట్టింట చక్కర్లు కొడుతున్నాయి.

ఈ వెబ్ సిరీస్ గురించి ఇన్స్టాగ్రామ్ లో పోస్ట్ చేశారు వీజే సన్నీ. 'దొంగతనం షురూ' అంటూ క్యాప్షన్ కూడా ఇచ్చారు.

సన్నీకి శుభాకాంక్షలు తెలియజేస్తూ.. అలీ, సోహైల్ ఇలా చాలా మంది కామెంట్స్ చేస్తున్నారు.