Sangeeth Shobhan: నాగ్ అశ్విన్ క్లాప్‌తో మొదలైన సంగీత్ శోభన్ కొత్త సినిమా - ఫోటోలు చూడండి

Sangeeth Shobhan and Nayan Sarika Movie: 'మ్యాడ్', 'మ్యాడ్ స్క్వేర్'తో పాపులరైన సంగీత్ శోభన్ హీరోగా కొత్త సినిమా మొదలైంది. 'కల్కి 2898 ఏడీ'తో పాన్ ఇండియా హిట్ కొట్టిన నాగ్ అశ్విన్ క్లాప్ కొట్టారు.

సంగీత్ శోభన్ కొత్త సినిమా ఓపెనింగ్ ఫోటోలు చూడండి

Niharika Konidela 2nd Movie As Producer: 'కమిటీ కుర్రోళ్ళు'తో వెండితెరపై నిర్మాతగా నిహారిక కొణిదెల అడుగు పెట్టారు. ఆ సినిమా విజయం సాధించింది. ఇప్పుడు నిర్మాతగా నిహారిక తన రెండో సినిమాను ప్రారంభించారు. 'కల్కి 2898 ఏడీ'తో పాన్ ఇండియా హిట్ కొట్టిన దర్శకుడు నాగ్ అశ్విన్ ఈ సినిమాకు ఫస్ట్ క్లాప్ ఇచ్చారు.

పింక్ ఎలిఫెంట్ పిక్చర్స్ పతాకం మీద ప్రొడక్షన్ నెం.2గా నిహారిక కొణిదెల ప్రొడ్యూస్ చేస్తున్న సినిమాలో సంగీత్ శోభన్, నయన్ సారిక జంటగా నటిస్తున్నారు. ఈ చిత్రానికి మానస శర్మ దర్శకురాలు. మహేష్ ఉప్పాలతో కలిసి స్క్రీన్ ప్లే, డైలాగ్స్‌... సొంతంగా కథ రాశారు మానస శర్మ. ఈ చిత్రానికి 'మన్యం' రమేష్ ఎగ్జిక్యూటివ్ నిర్మాత.

అన్నపూర్ణ స్టూడియోస్ గ్లాస్ హౌస్‌లో బుధవారం సినిమా పూజా కార్యక్రమాలు జరిగాయి. ముహూర్తపు సన్నివేశానికి నాగ్ అశ్విన్ క్లాప్ ఇవ్వగా... వశిష్ట మల్లిడి కెమెరా స్విచ్ ఆన్ చేశారు. తొలి సన్నివేశానికి 'మ్యాడ్ స్క్వేర్' దర్శకుడు కళ్యాణ్ శంకర్ దర్శకత్వం వహించారు.

సంగీత్ శోభన్, నయన్ సారిక జంటగా నటిస్తున్న ఈ సినిమా రెగ్యులర్ షూటింగ్ జూలై 15న ప్రారంభం కానుంది. హైదరాబాద్ సిటీ, పరిసర ప్రాంతాల్లో జరగనుంది.

ఫాంటసీ కామెడీ జోనర్ తెరకెక్కనున్న ఈ చిత్రానికి అనుదీప్ దేవ్ సంగీత దర్శకుడు. త్వరలో ఇతర వివరాలు అనౌన్స్ చేస్తామని తెలిపారు.

సంగీత్ శోభన్, నయన్ సారిక జంటగా పింక్ ఎలిఫెంట్ పిక్చర్స్ పతాకంపై ప్రొడక్షన్ నెం2గా నిహారిక కొణిదెల నిర్మిస్తున్న సినిమా ఓపెనింగ్ ఫోటోలు చూడండి.