Narayan Das Narang: ప్రముఖ నిర్మాత మృతి - నివాళులు అర్పిస్తున్న సెలబ్రిటీలు

ప్రముఖ నిర్మాత మృతి - నివాళులు అర్పిస్తున్న సెలబ్రిటీలు

ఏషియన్ సినిమాస్ అధినేత, తెలుగు ఫిల్మ్ ఛాంబర్ ఆఫ్ కామర్స్ అధ్యక్షుడు, ప్రముఖ నిర్మాత నారాయణ్ దాస్ కె. నారంగ్ ఇక లేరు.

ఈ రోజు ఆయన తుదిశ్వాస విడిచారు. ఆయన వయసు 76 సంవత్సరాలు.

అనారోగ్య సమస్యలతో మూడు రోజుల క్రితం హైదరాబాద్ సిటీలోని ప్రముఖ ఆస్పత్రిలో చేరారు.

వయసు రీత్యా వచ్చిన ఆరోగ్య సమస్యలతో మరణించినట్టు తెలుస్తోంది.

సుమారు 650కు పైగా సినిమాలకు ఆయన ఫైనాన్స్ చేశారు. అలాగే, డిస్ట్రిబ్యూషన్ చేశారు.

ఇటీవల నాగచైతన్య 'లవ్ స్టోరీ', నాగశౌర్యతో 'లక్ష్య' సినిమాలను నిర్మించారు. ప్రస్తుతం నాగార్జునతో 'ఘోస్ట్', ధనుష్ తో ఓ భారీ సినిమా నిర్మిస్తున్నారు. 

ఇప్పుడు ఆయన మరణించడంతో సెలబ్రిటీలు సోషల్ మీడియా వేదికగా నివాళులు అర్పిస్తున్నారు.

అలానే కొందరు ఆయన ఇంటికి చేరుకొని పార్థివ దేహానికి నివాళులు అర్పించారు.

ప్రముఖ నిర్మాత మృతి - నివాళులు అర్పిస్తున్న సెలబ్రిటీలు