PF For Interns: ఇంటర్న్‌ లేదా ట్రైనీగా చేరితే కంపెనీ పీఎఫ్‌ జమ చేస్తుందా? రూల్స్‌ ఇవీ!

Intern Epf Rules: ఇంటర్న్‌ లేదా ట్రైనీగా చేరితే కంపెనీ పీఎఫ్‌ జమ చేస్తుందా? అసలు చట్టంలో ఏముంది? నిబంధనలు ఏం చెబుతున్నాయి?

ఈపీఎఫ్‌వో

ఉద్యోగంలో చేరిన వెంటనే ఎంప్లాయీ ప్రావిడెంట్‌ ఫండ్‌ (EPF) ఖాతా తెరవడం సర్వసాధారణం! అలాగే నెల నెలా వేతనంలో కొంత శాతం పీఎఫ్‌లో జమ చేస్తుంటారని తెలిసిందే. మరి ఇంటర్న్‌ లేదా ట్రైనీగా చేరితే పీఎఫ్‌ జమ చేస్తారా? అసలు ఎలాంటి నిబంధనలు ఉన్నాయో తెలుసా!

కొత్తగా ఇంటర్న్‌ లేదా ట్రైనీగా చేరితే పీఎఫ్‌ కంట్రిబ్యూషన్‌ చేయాలో లేదో భవిష్య నిధి చట్టంలో స్పష్టంగా పేర్కొనలేదు. అయితే 2015లో మాత్రం ఈపీఎఫ్‌వో రెండు ఉత్తర్వులు జారీ చేసింది. కొన్ని పరిమితులను అనుసరించి పీఎఫ్‌ కంట్రిబ్యూషన్‌ చేయొచ్చని వెల్లడించింది.