TDP Janasena News: జగన్ చేతిలో చిప్ప పట్టుకొని పోతాడు, మేం చేసి చూపిస్తాం - తణుకు సభలో చంద్రబాబు వార్నింగ్

AP Elections 2024: పశ్చిమ గోదావరి జిల్లా తణుకులో టీడీపీ - జనసేన కలిసి ఎన్నికల ప్రచారం నిర్వహించింది. ఇందులో ఇరు పార్టీల అధినేతలు చంద్రబాబు, పవన్ కల్యాణ్ జగన్ పాలనను భూస్తాపితం చేస్తామని అన్నారు.

చంద్రబాబు, పవన్ కల్యాణ్

తణుకు ప్రజాగళం సభలో టీడీపీ అధినేత చంద్రబాబు, పవన్ కల్యాణ్ కలిసి పాల్గొన్నారు.

మరికొద్ది రోజుల్లో జరగబోయే ఎన్నికల్లో వైసీపీని, జగన్‌ని భూస్థాపితం చేస్తామని చంద్రబాబు అన్నారు. తనకు అనుభవం ఉందని.. పవన్ కళ్యాణ్ కు పవర్ ఉందని చంద్రబాబు మాట్లాడారు

తమ జెండాలు వేరైనా అజెండా ఒక్కటే అని.. జగన్ చీకటి పాలనను పారద్రోలడానికి ఓట్లు చీలకూడదనే ఉద్దేశంతోనే తాము చేతులు కలిపామని చెప్పారు. ఈ విషయం తనకు మొదట ప్రతిపాదించిన వ్యక్తి పవన్ కళ్యాణ్ అని చంద్రబాబు అన్నారు.

యువత కన్నెర్ర చేస్తే జగన్ మోహన్ రెడ్డి లండన్ కు పారిపోతాడు. జగన్ చేతిలో చిప్ఫ పట్టుకుని ఎటు పోతాడో నేను అప్పుడే చెప్పను.. పవన్ కళ్యాణ్, నేను కలిసి అది చేసి చూపిస్తాం. టీడీపీ - జనసేన - బీజేపీ కూటమి ప్రభుత్వం అధికారంలోకి వచ్చిన వెంటనే మెగా డీఎస్సీ ఫైలుపై మేం తొలి సంతకం చేస్తామని చంద్రబాబు హామీ ఇచ్చారు.

పవన్ కల్యాణ్ మాట్లాడుతూ.. గత 40 ఏళ్లుగా చంద్రబాబు నాయుడు రాజకీయాల్లో ఎన్నో ఒడిదొడుకులు ఎదుర్కొన్నారని అన్నారు.

అలాంటి వ్యక్తి అనుభవం ఏపీ రాష్ట్రానికి అవసరం అని.. ఆంధ్రా యువత భవిష్యత్తు బాగుండాలనే తాను కొంత వెనక్కి తగ్గానని అన్నారు. ఎక్కడ తగ్గాలో ఎక్కడ నెగ్గాలో తనకు తెలుసు అని పవన్ కల్యాన్ మాట్లాడారు.

పంట ధాన్యంలో మొలకలు వచ్చాయని రైతులు ఏడుస్తుంటే.. స్థానిక మంత్రి ఒకరు బూతులు తిట్టిన విషయాన్ని పవన్ ప్రస్తావించారు.

ఆ సమయంలో జనసైనికుల ఒంటిపై పడ్డ దెబ్బలను తాను మర్చిపోలేదని అన్నారు. జగన్‌ అహంకారాన్ని తుడిచిపెట్టే రోజులు మరికొద్ది రోజుల్లోనే వస్తాయని అన్నారు.

పోలీసులకు కూడా జగన్ అన్యాయం చేశాడని పవన్ విమర్శించారు. 70 వేల పోలీసు కుటుంబాలకు టీఏ, డీఏలు, సరెండర్‌ లీవ్స్‌ ఇవ్వలేదని.. వారి శ్రమను జగన్ దోచుకుంటున్నారని పవన్ కల్యాణ్ అన్నారు.