Spain vs USA: అమెరికాపై స్పెయిన్ ఆగ్రహం! రెండోసారి మోసం చేయలేరని కామెంట్! గగనతలాన్ని వాడుకోవద్దని సూచన!

Spain vs USAఇరాన్‌తో జరుగుతున్న యుద్ధంలో అమెరికాకు సహకరించేందుకు దేశాలు ముందుకు రావడం లేదు. తాజాగా స్పెయిన్ కూడా ఊహించని షాక్ ఇచ్చింది. గగనతలాన్ని వాడుకోవద్దని స్పష్టం చేసింది.

అమెరికాపై స్పెయిన్ ఆగ్రహం! రెండోసారి మోసం చేయలేరని కామెంట్! గగనతలాన్ని వాడుకోవద్దని సూచన!

Source : Social Media

Show Quick Read

Key points generated by AI, verified by newsroom

• ఇరాన్‌పై దాడులకు సహకరించబోమని స్పెయిన్‌ స్పష్టం చేసింది.
• స్పెయిన్‌ తమ గగనతలాన్ని అమెరికా విమానాల కోసం మూసివేసింది.
• ఇరాక్‌ యుద్ధాన్ని గుర్తు చేస్తూ స్పెయిన్‌ అమెరికాను విమర్శించింది.
• స్పెయిన్‌ నిర్ణయంతో అమెరికాకు వ్యూహాత్మకంగా నష్టం చేకూరింది.

Spain vs USA: మధ్య ప్రాచ్యంలో ఇరాన్, అమెరికా మధ్య జరుగుతున్న యుద్ధంలో అంతర్జాతీయ రాజకీయాల్లో పెను మార్పులు చోటు చేసుకుంటున్నాయి. ముఖ్యంగా అమెరికాకు అత్యంత సన్నిహితంగా ఉండే దేశాలు సైతం హ్యాండ్ ఇస్తున్నాయి. తాజాగా స్పెయిన్ ట్రంప్ ప్రభుత్వానికి ఝలక్ ఇచ్చింది. ఇరాన్‌పై దాడుల విషయంలో తాము సహకరించలేమని స్పెయిన్ ప్రధాని పెడ్రో సాంచెజ్‌ స్పష్టం చేశారు. ఇరాక్‌ జరిగిన మోసాన్ని ఇప్పుడు కూడా జరగనివ్వబోమని తేల్చి చెప్పారు. 

ఇరాన్‌పై దాడులకు గగనతలాన్ని వాడుకోవద్దని స్పెయిన్ సూచన  

ఇరాన్‌పై అమెరికా, ఇజ్రాయెల్‌ జరుపుతున్న దాడులను స్పెయిన్ తప్పుపట్టింది. తమ సహకారం ఉండబోదని తేల్చి చెప్పింది. అంతే కాకుండా తమ గగనతలాన్ని యుద్ధ విమానాల కోసం వాడుకోవద్దని కూడా తేల్చి చెప్పింది. మూసివేస్తున్నట్టు వెల్లడించింది. అంతేకాకుండా, స్పెయిన్ భూభాగంలో ఉన్న ఉమ్మడి సైనిక స్థావరాలను యుద్ధ కార్యకలాపాల కోసం ఉపయోగించుకోవడానికి లేదని స్పష్టం చేసింది. స్పెయిన్ రక్షణ మంత్రి మార్గరీటా రోబ్లెస్‌ మాట్లాడుతూ, ఇరాన్ యుద్ధానికి సంబంధించి ఏ రకమైన సహకారాన్ని తాము అందించబోమని ఇది తమ దేశ విధానమని తేల్చి చెప్పారు. 

ఇరాక్‌తో యుద్దంలో ఇవే చెప్పే మోసం చేశారంటున్న స్పెయిన్ 

స్పెయిన్ ప్రధానమంత్రి పెడ్రో సాంచెజ్‌ మాట్లాడుతూ 23 ఏళ్ల నాటి ఘటనలు ప్రస్తావించారు. ఇరాక్ యుద్ధం సమయంలో ఇప్పటి మాదిరిగానే తమను అమెరికా యుద్ధంలోకి లాగిందని గుర్తు చేసింది. అప్పుడు కూడా భారీ విధ్వంసకర ఆయుధాలు ఉన్నాయని 2003లో ఇరాక్‌పై దాడికి ఉసిగొల్పిందని వివరించారు. దాడి జరిగిన తర్వాత చూస్తే అలాంటి ఆనవాళ్లే లేవని తేలిందన్నారు. అందుకే మరోసారి అమెరికా చేతిలో మోసపోవడానికి సిద్ధంగా లేమని కుండబద్దలు కొట్టారు. ఇప్పుడు ఇరాన్‌పై కూడా అలాంటి సాకులతోనే దాడులు చేస్తున్నారని ఇది ప్రమాదకరమైన చర్యగా అభివర్ణించారు. 

స్పెయిన్‌ స్పందనను ట్రంప్ తీవ్రంగా పరిగణిస్తున్నారు. ఆగ్రహంతో ఉన్న ట్రంప్‌ స్పెయిన్ ప్రవర్తన బాగాలేదని అన్నారు. ఆ దేశంతో ఉన్న అన్ని వాణిజ్య ఒప్పందాలు రద్దు చేసుకుంటున్నామని ప్రకటించారు. 

స్పెయిన్ గగనతలం మూసివేతతో అమెరికాకు వచ్చిన నష్టమేంటీ?

స్పెయిన్ తన గగనతలాన్ని మూసివేయడంతో అమెరికాకు చెందిన ప్రమాదకరమైన బీ 52, బీ1 బాంబర్‌ విమానాల తరలింపునకు ఆటంకం ఏర్పడింది. ఇప్పుడు ఇంగ్లండ్ మీదుగా తరలించాల్సి వస్తోంది. ఇది వ్యూహాత్మకంగా భారీ నష్టం చేస్తుందని అమెరికా ఆందోళన వ్యక్తం చేస్తోంది. 

 అమెరికాకు దూరం దూరం 

ఇప్పటికే నాటో కూటమిలో ఉండాలా వద్దా అని అమెరికా ఆలోచిస్తోంది. తమ అవసరాల కోసం అమెరికాను వాడుకుంటున్న నాటో దేశాలు అవసరమైనప్పుడు అమెరికాకు ఎందుకు సహకరించడం లేదని ప్రశ్నిస్తోంది. ఇది నాటో దేశాల మధ్య పెరుగుతున్న దూరాన్ని సూచిస్తోంది. ఇప్పుడు స్పెయిన్ కూడా వ్యతిరేకంగా ఉండటంతో ఈ ప్రభావం యూరోపియన్ దేశాలపై కూడా ప్రభావం చూపబోతోంది. బ్రిటన్ ప్రధాని కైర్ స్టార్మర్‌ కూడా ఇది తమ యుద్ధం కాదని కామెంట్ చేశారు. మొత్తం మీద అమెరికా, ఐరోపా దేశాల మధ్య సంబంధాలపై తీవ్ర ప్రభావం చూపుతున్నట్టు కనిపిస్తోంది. 

మరిన్ని చదవండి

త్వరలో ఇరాన్‌తో యుద్ధం ముగిస్తాం.. మాకు ఏ డీల్ అవసరం లేదు: డొనాల్డ్ ట్రంప్

ఇరాన్ హిట్ లిస్ట్‌లో టెక్‌ సంస్థలు! షేక్ అవుతున్న కార్పొరేట్ దిగ్గజాలు, అమెరికా!