America Imam: అమెరికా ముస్లింగా మారాలని బోస్టన్ ఇమామ్ పిలుపు - దేశం నుంచి గెంటేయాలన్న మస్క్
US Islam: అమెరికాలో ఇస్లామోఫోబియా జాడలు కనిపిస్తున్నాయి. ఓ ఇమామ్ వివాదాస్పద వ్యాఖ్యలు చేశారు. అతన్ని దేశం నుంచి గెంటేయాలని ఎలాన్ మస్క్ పిలుపునిచ్చారు.
Musk demands expulsion of imam: యూరప్లో ముస్లిం ఇమ్మిగ్రెంట్లకు వ్యతిరేకంగా ఎక్కువగా స్పందిస్తున్న మస్క్ తాజాగా అమెరికాలోని ఓ ఇమామ్ ను దేశం నుంచి గెంటేయాలని డిమాండ్ చేశారు. బోస్టన్కు చెందిన ఇమామ్ అబ్దుల్లా ఫారూక్, అమెరికా గత చరిత్రను, ప్రస్తుత జాతి సమస్యలను విమర్శిస్తూ, "శ్వేతజాతి అమెరికన్లు ప్రపంచవ్యాప్తంగా హింసను వ్యాప్తి చేశారు" అని ఆరోపించారు. ఈ వీడియో వైరల్ అయింది. ఈ ప్రసంగానికి స్పందిస్తూ, టెస్లా సీఈఓ, ఎక్స్ యజమాని ఎలన్ మస్క్, "అతన్ని దేశం నుంచి బహిష్కరించండి" అని ఎక్స్ ప్లాట్ఫారమ్లో డిమాండ్ చేశారు.
ఇమామ్ అబ్దుల్లా ఫారూక్, తన ప్రసంగంలో అమెరికాను " కపటత్వం, బానిసత్వం దేశం"గా వర్ణించారు. "శ్వేతజాతి అమెరికన్లు ఈ దేశంలో , ప్రపంచవ్యాప్తంగా హింసను వ్యాప్తి చేశారు. యూరోపియన్లు తమ స్వదేశాలకు తిరిగి వెళ్లాలి," అని ఆయన అన్నారు. బోస్టన్లోని మ్యూజియం ఆఫ్ ఫైన్ ఆర్ట్స్ వద్ద ఉన్న "అప్పీల్ టు ది గ్రేట్ స్పిరిట్" విగ్రహాన్ని ఉదాహరణగా చూపుతూ, ఇది యూరోపియన్లు తమ స్వదేశాలకు తిరిగి వెళ్లాలని ప్రార్థన చేసే సంకేతంగా వ్యాఖ్యానించారు. అలాగే, అమెరికాలో జాతి విభజన జాతుల మధ్య సంబంధాల గురించిన భయాలు, ఇస్లాం వ్యాప్తికి సంబంధించిన ఆందోళనలతో ముడిపడి ఉందని ఆయన పేర్కొన్నారు.
Boston imam Abdullah Faaruuq:
— Dr. Maalouf (@realMaalouf) September 1, 2025
"What's wrong with you, sick white Americans? Go back to Europe, because you’ve done nothing but cause hell in this country and all over the world.
This is the land of the coward and home of the slave. Without Islam, America will meet its demise.” pic.twitter.com/5ZDgAVp9EQ
ఫారూక్ సందేశం అమెరికా జాతి , వలస చరిత్రపై తీవ్ర విమర్శలతో నిండి ఉంది. ఆయన ఇస్లాం అమెరికా భవిష్యత్తుకు అవసరమని, "అమెరికా ముస్లింగా మారాలి, దేవుని ఇష్టానికి లొంగాలి" అని పిలుపునిచ్చారు. ఈ ప్రసంగం సోషల్ మీడియాలో వైరల్గా మారడంతో, దీనిపై మిశ్రమ స్పందనలు వచ్చాయి.
Kick him out of the country https://t.co/1Pqt0bi10W
— Elon Musk (@elonmusk) September 1, 2025
ఎలన్ మస్క్, ఈ ప్రసంగంపై స్పందిస్తూ, ఎక్స్ ప్లాట్ఫారమ్లో "అతన్ని దేశం నుంచి బహిష్కరించండి" అని పోస్ట్ చేశారు, దీనితో ఈ వివాదం మరింత ఉద్ధృతమైంది. ఫారూక్ ప్రసంగం "విద్వేషపూరిత మాటలు"గా లేదా "హింసను రెచ్చగొట్టే" సందేశంగా పరిగణించబడవచ్చని కొందరు వాదిస్తున్నారు. మస్క్ పోస్ట్కు మద్దతుగా, టెక్సాస్ నుంచి ఎంఏజీఏ అభ్యర్థి వాలెంటినా గోమెజ్, "అమెరికా ముస్లింలు తమ దుర్గంధంతో కూడిన రగ్గులు తీసుకుని 57 ముస్లిం దేశాలకు వెళ్లిపోతే బాగుంటుంది" అని వ్యాఖ్యానించారు, ఇది మరింత వివాదాన్ని రేకెత్తించింది.
టాప్ హెడ్ లైన్స్
ట్రెండింగ్ వార్తలు
