దయచేసి నన్ను చంపొద్దు, పాలస్తీనా ఉగ్రవాదుల్ని వేడుకున్న యువతి - వైరల్ వీడియో

Israel Gaza Attack: కిడ్నాప్‌కి గురైన ఇజ్రాయేల్ యువతి చంపొద్దంటూ వేడుకున్న వీడియో వైరల్ అవుతోంది.

కిడ్నాప్‌కి గురైన ఇజ్రాయేల్ యువతి చంపొద్దంటూ వేడుకున్న వీడియో వైరల్ అవుతోంది. (Image Credits: Twitter)

Israel Gaza Attack: 

ఇజ్రాయేల్‌లో అల్లకల్లోలం..

హమాస్ ఉగ్రవాదుల దాడులతో ఇజ్రాయేల్ పౌరులు (Israel Palestine War) అల్లాడిపోతున్నారు. మహిళల్ని, చిన్నారుల్ని కిడ్నాప్ చేస్తున్నారు. దారుణంగా హింసిస్తున్నారు. చిన్నారులనూ దారుణంగా చంపేస్తున్నారు. సోషల్ మీడియాలో ఈ వీడియోలు వైరల్ అవుతున్నాయి. ఈ క్రమంలోనే ఓ 25 ఏళ్ల యువతి కిడ్నాప్‌కి గురైన వీడియో వైరల్ అవుతోంది. ఓ రేవ్ పార్టీలో ఉన్న నోవా అర్గమని (Noa Argamani) హమాస్ ఉగ్రవాదులు వచ్చి కిడ్నాప్ చేశారు. మ్యూజిక్ ఎంజాయ్ చేస్తూ ఉండగా అక్కడికి వచ్చిన ఉగ్రవాదులు కాల్పులు జరిపారు. పార్టీలో ఉన్న వాళ్లపై రాకెట్ దాడులు కూడా చేశారు. ఆ తరవాత ఆ యువతిని కిడ్నాప్ చేశారు. బైక్‌పై బలవంతంగా కూర్చోబెట్టి తీసుకెళ్లారు. ఆ సమయంలో యువతి గట్టిగా అరిచింది. దయచేసి చంపొద్దు అంటూ కన్నీళ్లు పెట్టుకుంది. ఓ టెర్రరిస్ట్  (Hamas Attack) ఇదంతా వీడియో తీసి పోస్ట్ చేశాడు. పక్కనే ఆమె బాయ్‌ఫ్రెండ్‌ ఉన్నప్పటికీ నిస్సహాయంగా ఉండిపోవాల్సి వచ్చింది. ఉగ్రవాదులు చుట్టుముట్టడం వల్ల ఏమీ చేయలేకపోయాడు.

Heartbreaking! Noa was attending a music festival in southern Israel when she was abducted by Hamas terrorists and taken from Israel to Gaza.

She is now a hostage.

Her family has allowed us to show her face in hopes to bring her back. #BringNoaBack#israel #gaza pic.twitter.com/XUJcOAzBXq

— India Naftali (@indianaftali) October 7, 2023

ఆ తరవాత యువతి సోదరుడు మిస్సింగ్ కంప్లెయింట్ ఇచ్చాడు. ఎమర్జెన్సీ టీమ్స్‌ అప్రమత్తమయ్యాయి. తనకు ఎన్ని సార్లు కాల్ చేసినా కలవడం లేదని, ఎలా ఉందో తెలియడం లేదని ఆమె సోదరుడు ఆందోళన చెందుతున్నాడు. అసలు ఏం మాట్లాడాలో కూడా అర్థం కావడం లేదని, అంతా షాకింగ్‌గా ఉందని ఆందోళన వ్యక్తం చేశాడు. మరో యువతి కూడా కిడ్నాప్‌కి గురైంది. ఆమెని చిత్రహింసలకు గురి చేసి అత్యాచారం చేశారు. ఆ తరవాత నగ్నంగా వీడియో తీశారు ఉగ్రవాదులు. వాటిని సోషల్ మీడియాలో షేర్ చేసి రాక్షసానందం పొందారు. ఆ యువతి కుటుంబ సభ్యులు కన్నీరుమున్నీరవుతున్నారు. తన కూతురు ఆచూకీ ఎక్కడుందో తెలియడం లేదని ఆవేదన వ్యక్తం చేస్తున్నారు. 

There are now at least two women confirmed kidnapped while attending the same music festival the ‘Festival for Peace' near the Gaza border earlier today.

One woman Noa, was seen in a video being kidnapped and screaming while being assaulted and driven away on a motorbike as a… pic.twitter.com/KNjFGaabEl

— Oli London (@OliLondonTV) October 7, 2023