US Weather-Related Deaths: అమెరికాలో మంచు తుపాను బీభత్సం- 31 మంది మృతి!

US Weather-Related Deaths: అమెరికాలో మంచు తుపాను అల్లకల్లోలం సృష్టిస్తోంది. ఇప్పటికే 31 మంది మృతి చెందారు.

మంచు తుపాను

US Weather-Related Deaths: బాంబ్ సైక్లోన్, శీతలమైన చలి కారణంగా అమెరికాలో కనీసం 31 మంది మృతి చెందినట్లు అధికారులు తెలిపారు. పశ్చిమ న్యూయార్క్‌లోని బఫెలో నగరంలో పరిస్థితి మరింత దారుణంగా ఉంది. ఇక్కడ మంచు తుపాను నగరాన్ని అతలాకుతలం చేసింది. అత్యవసర సేవలు కూడా ఇక్కడకు చేరుకోలేకపోతున్నాయి. 

" ఇది యుద్ధ భూమికి వెళ్లడం వంటిది. రోడ్ల పక్కన ఉన్న వాహనాలు చూస్తే షాక్‌ అవ్వాల్సిందే. ఇక్కడ ఎనిమిది అడుగుల (2.4-మీటర్లు) మేర మంచు ఉంది. విద్యుత్తు అంతరాయాలు, మంచు తుపాను కారణంగా ప్రాణాపాయ పరిస్థితులు నెలకొన్నాయి. "

-కాథీ హోచుల్‌, న్యూయార్క్ గవర్నర్ 

#UPDATE
A relentless winter storm brought Christmas Day danger and misery to millions of Americans Sunday as intense snow and frigid cold gripped parts of the eastern United States, with weather-related deaths rising to at least 26https://t.co/fHrI2zKT0B

— AFP News Agency (@AFP) December 25, 2022

వాతావరణ సంబంధిత పరిస్థితుల కారణంగా దేశంలోని అనేక తూర్పు రాష్ట్రాల్లోని 2 లక్షల మంది నివాసితులపై విద్యుత్తు అంతరాయం ప్రభావం పడింది. చాలా మంది వారి ప్రయాణాలను రద్దు చేసుకున్నారు. అయినప్పటికీ మంచు తుపాను పరిస్థితులు భయపెడుతున్నాయి. చలిగాలులు భయంకరంగా వీస్తున్నాయి.

🔴 EXCLUSIVE FOOTAGE: America in mini ICE AGE after historic ARCTIC BLAST swept the whole country, causing record breaking windchills ( -50°C to -60°C) in different states.
Here's the look of frozen houses in New York, USA. 😱🥶#Pakweather #WeatherUpdate pic.twitter.com/VNT1ceowZk

— PakWeather.com (@Pak_Weather) December 25, 2022

భయంభయంగా

ఉష్ణోగ్రతలు అత్యంత తక్కువ స్థాయిలోనే కొనసాగుతుండడంతో ప్రజలు తమ ఇళ్లలోనే బిక్కుబిక్కుమంటూ గడుపుతున్నారు. కొన్నిచోట్ల విద్యుత్‌ కోతలతో హీటర్లు పనిచేయక పరిస్థితి మరీ దారుణంగా మారింది. ఆదివారం ఉదయం 1346 విమాన సర్వీసులు రద్దయ్యాయని ఫ్లైట్‌అవేర్‌ సంస్థ వెల్లడించింది.

బాంబ్ సైక్లోన్

బాంబ్‌ సైక్లోన్‌.. ఏర్పడితే వాతావరణం చాలా ప్రమాదకరంగా మారుతుంది. తుపాను వచ్చినపుడు దాని వాతావరణ పీడనం కనిష్ఠ స్థాయికి పడిపోతే ఆ తుపానును 'బాంబ్‌ సైక్లోన్‌' అని పిలుస్తారు. న్యూయార్క్‌ రాష్ట్రంలోని బఫెలో నగరంలో హరికేన్‌ స్థాయిలో చలిగాలులు వీస్తున్నాయి. దీనికి తోడు మంచు విపరీతంగా కురుస్తుండటంతో అత్యవసర సేవలకు అంతరాయం ఏర్పడుతోంది.

ఇక్కడ ఒక అంబులెన్సు రావడానికి సగటున మూడు గంటల సమయం పడుతోంది. విద్యుత్తు సరఫరా దెబ్బతిన్న చోట్ల మరమ్మతులు చేసి సరఫరాను పునరుద్ధరిస్తున్నారు.