Terrorists arrest: అన్నమయ్య జిల్లాలో ఉగ్రవాదుల కదలికలు - ఇద్దర్ని అరెస్టు చేసిన తమిళనాడు ఏటీఎస్
Annamayya district: అన్నమయ్య జిల్లాలో ఇద్దరు ఉగ్రవాదుల్ని తమిళనాడు యాంటీ టెర్రరిజం పోలీసులు అరెస్టు చేశారు. సీక్రెట్ గా ఈ ఆపరేషన్ జరిగింది.
Terrorists arrested in Annamayya district: అన్నమయ్య జిల్లాలో షెల్టర్ తీసుకున్న ఇద్దరు ఉగ్రవాదుల్ని తమిళనాడు పోలీసులు అరెస్టు చేశారు. అనేక ఉగ్ర కేసుల్లో ముప్పై ఎళ్ళుగా పరారీలో ఉన్న ఇద్దరు అన్నమయ్య జిల్లాలో ఉన్నట్లుగా సమాచారం రావడంతో తమిళనాడు యాంటీ టెర్రరిజం స్క్వాడ్ (ATS) అత్యంత గోప్యంగా ఆపరేషన్ నిర్వహించంది. అబూబక్కర్ సిద్దీక్ అలియాస్ నాగూర్ , మొహమ్మద్ అలీ అలియాస్ యూనుస్ లను అరెస్టు చేశారు. వీరిద్దరూ తమిళనాడులోని మేళపలయానికి చెందిన వారు. అరెస్టు చేసినా ఇద్దర్ని తమిళనాడు న్యాయమూర్తి ముందు హాజరు పరిచారు.
సుదీర్ఘ కాలంగా పరారీలో ఉన్న టెర్రరిస్టులు
వీరిద్దరూ 1995 నుండి పరారీలో ఉన్నారు. వీరిపై అనేక ఉగ్ర కేసులు ఉన్నాయి. 1995లో చెన్నై చింతాద్రిపేటలో హిందూ మున్నాని కార్యాలయంలో బాంబు పేలుడు, 1995లో నాగూరులో పార్శిల్ బాంబు పేలుడు (తంగం మరణం), 1999లో చెన్నై, తిరుచ్చి, కోయంబత్తూరు, కేరళలో 7 చోట్ల బాంబులు పెట్టడం.. చెన్నై పోలీస్ కమిషనర్ కార్యాలయం లక్ష్యంగా చేసుకోవడం, 2011లో మధురైలో ఎల్.కె.అద్వానీ రథయాత్ర సమయంలో పైప్ బాంబు పేల్చడం, 2012: వెల్లూరులో డాక్టర్ అరవింద్ రెడ్డి హత్య , 2013లో బెంగళూరు మల్లేశ్వరంలో బీజేపీ కార్యాలయం సమీపంలో బాంబు పేలుడు కేసుల్లో వీరు నిందితులు. 26 ఏళ్లుగా పరారీలో ఉన్న మొహమ్మద్ అలీ పరారీలో ఉన్నారు. 1999లో తమిళనాడు, కేరళలో బాంబు ఉంచే ఘటనల్లోఅలీ కీలక నిందితుడిగా ఉన్నారు.
నమ్మకమైన సమాచారం రావడంతో పక్కా ఆపరేషన్
తమిళనాడు యాంటీ-టెర్రరిజం స్క్వాడ్, ఆంధ్రప్రదేశ్ పోలీసుల సహకారంతో, రహస్య సమాచారం ఆధారంగా జూన్ 30, 2025 సాయంత్రం అన్నమయ్య జిల్లాలోని కడప సమీపంలోని ఒక దాక్కున్న స్థలంలో ఈ ఇద్దరినీ అరెస్టు చేసింది. ఇద్దరినీ జులై 1, 2025న చెన్నైలోని ఒక కోర్టులో హాజరుపరిచి, న్యాయస్థాన అదుపులోకి రిమాండ్ చేశారు. సిద్దీఖ్ అల్ ఉమ్మా అనే నిషేధిత ఉగ్రవాద సంస్థతో సంబంధం కలిగి ఉన్నాడు. 1993లో బాబ్రీ మసీదు ఘటన తరవాత ఈ సంస్థ యాక్టవ్ అయింది. చెన్నైలోని RSS కార్యాలయంలో 1993 బాంబు పేలుడు, 1998 కోయంబత్తూరు సీరియల్ బాంబు పేలుడులతో సహా అనేక ఉగ్రవాద దాడులకు బాధ్యత వహించింది.
ఏపీ ఇంటలిజెన్స్ సహకారంతో అరెస్ట్
సిద్దీఖ్ 30 సంవత్సరాలు , అలీ 26 సంవత్సరాలు తప్పించుకున్న తర్వాత, ఈ అరెస్టు తమిళనాడు పోలీసులకు పెద్ద విజయంగా పరిగణిస్తున్నారు. ఈ అరెస్టు దక్షిణ భారతదేశంలోని దీర్ఘకాలంగా పరిష్కరించని ఉగ్రవాద కేసులను పరిష్కరించడంలో సహాయపడవచ్చని అధికారులు భావిస్తున్నారు. తమిళనాడు ATS , ఆంధ్రప్రదేశ్ పోలీసులు ఇంటెలిజెన్స్ బ్యూరో సహకారంతో ఈ ఆపరేషన్‌ను నిర్వహించాయి. సిద్దీఖ్‌ను గుర్తించడానికి దీర్ఘకాల నిఘా అవసరమైంది. ఇద్దరూ 1995 నుండి 1999 వరకు జరిగిన బాంబు పేలుడు ఘటనలు, హత్యలు, హిందూ నాయకులను లక్ష్యంగా చేసుకున్న కుట్రలతో సహా అనేక తీవ్రమైన ఆరోపణలను ఎదుర్కొంటున్నారు.
టాప్ హెడ్ లైన్స్
ట్రెండింగ్ వార్తలు
